فاعل خير

البارت الحادي عشر الجزء الثاني

#فاعل_خير_الجزء_الثاني
#طيبة الربيعي
البارت الحادي عشر

(للكاتبة طيبة الربيعي)
سامر ...احس نفسي بعد زلة واحدة وافقد
زلة وحدة منهة لو من اي واحد لان وصلت الخشمي
وعبرتة همينة، سامحت وائل لخاطر امي
عاد هية الضلتلي هم اخسرهة؟ والله اطك واموت
صاير مالي خلك حتة لكَمرة وضجت من نفسي
من عطت بيهة، ماسوت شي بس كلتلي رجعة
عالكارتون جانت مندمجة ويا واني درتة
ومن حركة اعصابي عطت بيهة
تأخرت ماصعدت اعرف بيهة متعمدة
طلعت طكيتلي جكارتين واحس بالي مشوش
ليش مداعرف اتصرف وارجع حياتي مثل ما جانت
ب سماكو شي يبقة علة حالة، كلشي يتغير
الزمن يتغير النفوس تتغير، حتة الاهل يتغيرون
شمرت الجكارة ودخلت لكيتهة متمددة
مسوية روحهة نايمة، الصبر الة حدود
حاجيتهة جاوبتني بجفاء ولا عبالك نبأ التحبني
ضليت الليل كلة اتكلب وهية نامت(للكاتبة طيبة الربيعي)
نامت؟ شلون تكدر تنام ووضعنة متوتر
حتة من رجعت من الشغل ثاني يوم
ماستقبلتني بالله يساعدك حتة لو ابتسامة
تزيح الهم العلة كلبي، من صعدتلي الصينية
نرفزتني حجاية "عمتي تكول" زين وانتي؟
حتة ماتهتم شاكل شأشرب
فقدت وشمرت نعمة الله بالكاع
شفتهة انجرحت ومن اجيتهة دفعتني
عاد هنا اني صدك نفذ صبري(للكاتبة طيبة الربيعي)
ولو ما شفت الوالدة بهذا الحال جان طلعت من البيت
وماعرف وين اولي بس ابتعد منا
استغفرت ربي وتعوذت من الشيطان
والدتي كسرت خاطري وحرام اغضبهة
معناتهة يغضب ربي علية، ورة شوية صعدت
لكيتهة تنوم بكَمر، نزلت راسهة
ايه يا نبأ مايعجبج تشوفيني مو
مالي خلك احجي انطمرت وثاني يوم
دزيت صالح يوديهة البيت عمهة
ماستفاد اذا شديت وياهة خليهة هية وضميرهة
وعرفت شغلة تخص زيد اخوهة
بس ماعرف شنو، همزني علاقتهة باخوتهة تحسنت
هل شي يأثر ايجايباً علة حالتهة النفسية
الطريق كلة مكعد كَمرة بحضني(للكاتبة طيبة الربيعي)
ماريد اقصر عليهة بشي لو احسسهة بنقص
تنمدت لان رفعت صوتي عليهة
هاي روحي من الدنيا رويحتي
والله بنفسي طفل ثاني بس ام خشم ميبسة
راسهة، وانوب كَمرة تبوس بية
خلتني افكر بموضوع الاطفال
اريد بعد كون املي البيت زعاطيط وانصب عليهم
واكفخ بيهم، البنات لا بس الولد اسويهم مكفخة
شعور يخبل ياريت اجربة مرة ثانية وثالثة
ورابعة وخامسة وووو(للكاتبة طيبة الربيعي)
وصلنة للبيت نبأ صعدت وكَمرة ركضت لأمي
كلت خل اخذهة وياي اشتريلهة واشتري
الفطوم والعبوسي، صرعتني بالطريق
بابا هذا منو بابا هذا شنو بابا وين رايحين
انطيهة جواب وترجع تسأل نفس السؤال
نفس امهة بالملحة ههههه(للكاتبة طيبة الربيعي)
قبل مو هسه، ياريت تلح علية مثل قبل
آخ من الياريت
ياريتك تشوف البيه ياريت ...
وتفهم من نظرتي شتعني اليه
تحس معنى كلامي كبل مااكول ...
وتعرف بالضبط شيصير بيه
تعرف من أشوفك ليش انهـــار ...
وليش الرجفـــة تاخذ مني أديـه؟
وليش اصفن عليـك من احجي وياك ...
وانسـه الدنيا من نوكف سويه
وليش ارضه بجروحـــك واني ممنون ...
برأيك ليش متحمل الاذيه؟
وليش اتمنى اشوفك أسعد انســـان ...
حياتك بس سعاده وهاي هيه
واذا فد يوم شفت بعينك دموع ...
أدعي من الله تاخذني المنيــه
****
رجعت للبيت وزعت عليهم الحبشكلات
واخذت كَمرة وصعدت مشتاقلهة اريد انومهة
بحضني اليوم، لحت تريد تضل جوة ماخليتهة
صعدت وبيدي كَمرة شايلهة(للكاتبة طيبة الربيعي)
شفت نبأ يمكن سابحة لان تشسور بشعرهة
خلصت ونزلت، دزت علية فطوم عالعشة
طبعا اني كل هذا ومتحكم باعصابي
تصرفاتهة حيل ماتعجبني ودتجاوز
حيل دتجاوز، اتعشة واسمع مناكرهن
كَمرة ماتقبل تنام فوك الة يم فطيم
من ردتهة نامت جوة ومن ماريدهة تلزك فوك
خلصت عشة تقى غسلت المواعين
ماعرف ذيجة وين بشنو ملتهية
صعدت لكيتهة تحضر هدومي
بنفس الوقت دك جهازهة(للكاتبة طيبة الربيعي)
صار عندي فضول اشوف ماعرف ليش
ومن حقي همينة مرتي ويدكون عليهة
باوعت وانصدمت من شفت أسم انمار عالشاشة
سامر: هذا شعندة مخابرج؟ منيلة رقمج؟
نبأ ...يمة متت بكاعي، عرفت انمار
كمت امتمت من الخوف
نبأ: ماعرف خاف صاير شي
سامر بعياط: هو شنو الصاير شي! منيلة رقمج! شعندة مخابرج بهل وقت!
ماعرف شجاوبة من حقة يعصب
ركع الفون بالحايط: جاوبي!!!
نبأ بخوف: ماعرف سامر علة كيفك
جرني زرف زندي زرف(للكاتبة طيبة الربيعي)
وعاط بوجهي: منيلة رقمج ولج! لا تخبليني لا تخبليني وتكليلي ماعرف
نبأ: والله محاجية ويا من رجعتلك الي هسه
جرني من ثوبي: منيلة رقمج آخر مرة اسألج
يحجي ويعيط صعدت عمتي
سد الباب: اليجي اطبكة وياهة وعلي، روحووو
حصرت نفسي بين الكومدي والسرير
رجع علية عصر فجي: اجاوبني لا اهطرج بالكاع هسه!
نبأ: ماعرف منين جابة وداعة اهلي
عمتي ادك بالباب واسمع اصوات الولد
كمت ارجف وهو حاير شيسوي(للكاتبة طيبة الربيعي)
آخر شي جرني من شعري اعيط اريدة يفكني
وكع بية راشديات وسب وغلط
وانواع الاهاين
حسيت بنفسي انتهيت روحي راحت
وخر مني لميت روحي حتة دشداشتي شكهة
اباوع شعري متناثر عالسرير
اخذ الفون طلع السيمكرات وكسرة
سامر: آخر تحذير الج منا وجاي ماتشوفين مني غير العين الحمرة، بسيطة(للكاتبة طيبة الربيعي)
فتح القفل وطلع، دخلن عمتي وتقى
واني بحالة صدمة وخمول
كل مكان بجسمي يصرخ ويتألم
تقى: عزةة عمة باع شعرهة
ام سامر: ولكم فهموني شصار، ولك سامر تعاااال
سامر ...كطعتهة نهيتهة وكل هذا وكلبي مابرد
نغل اطلع اذا خليتج علة حل شعرج
انمار انوب انمار، هذا مايتوب الة ينسحل
بسيطة يجي الصبح لو لا، كاعد بالهول والولد يمي
صالح: شكو سامر صدك جذب
سامر: لحد يحاجيني(للكاتبة طيبة الربيعي)
اجتي امي: ولك انتة شبيك تخبلت! ليش مو حرام تدري الله شيسوي بيك من سويت هيج بهل يتيمة!
سامر: يمة رحمة للكعبة لاتحاجيني واصلة لخشمي اطلع واعوفلكم البيت والله!
عفتهم وطلعت للحوش
صحت علة لؤي يجيبلي باكيت الجكاير
جابليا وطب، كعدت ادخن وكل فكري شلون بيهة
شلون بالله، بس منا ورايح ماكو عيني واغاتي
كتلج لاتختبرين صبري اذا ينفذ اني ماكدر اتحكم بروحي
همزين كَمر نايمة هية وفطيم، مالي خلك بجيهن
من صارت سنطة دخلت لغرفة امي لكيتهة كاعدة
سامر: يمة تستقبليني يمج اليوم
ام سامر: تعال يمة تعال(للكاتبة طيبة الربيعي)
فرشتلي بصف كَمرة، ماسألت شي
واني مالي خلك احجي، ماصعدت فوك
لان ماريداشوف خلقتهة الزفرة
انوب انمار علية، حلوة هاي انوب
فزيت الصبح علة صوت كَمرة
كَمر: بابا، بابا حبيبي، كوم اكل وياية
جريتهة لحضني بوستهة كامت تضحك
سامر: هسه اجي بابا روحي كليلهم يحضرولي ريوك
ركضت طلعت، كمت لبست فانيلتي وطلعت
غسلت وطبيت للمطبخ بس تقى موجودة
سامر: وين امي
تقى: راحت لأبو المخضر تتسوك
سامر: وحدهة راحت؟؟
تقى: اي(للكاتبة طيبة الربيعي)
سامر: صدك جذب غير واحد من الولد يروح وياهة
تقى: هية مقبلت اكعد اي واحد كالت عالسريع اروح واجي، صالح يغسل يجي وتتريكون سوة
سامر: ماشي
ترددت اصعد لو لا، لا مالي خلك
خاف اشوفهة وكلبي يحن عليهة
اذكر موقف البارحة شلون رادت تموت جوة ايدي
انتي جبرتيني امدهة، حتة اتوبين من اكلج
حجاية تصير بدون نقاش، تركينة
كلت التقى تصعد اجيبلي هدومي
بدلت بغرفة امي وطلعنة اني وصالح للشغل
تعبان وفكري يودي ويجيب، خابرت احمد
احمد: وين هل غيبة
سامر: تعرف عنوان اهل انمار الجديد؟
احمد: لا والله، ليش(للكاتبة طيبة الربيعي)
سامر: لا هيج، بس جلدة حاكة
احمد: هم شكو يمعود
سامر: يخابر علة نبأ الكو.. اذا ماتوبتة مارتاح
احمد: هذا صدك يحجي؟ شنو سالفتة
سامر: تسألني اني
احمد: عوفة سامر بس كل النبأ لا اجاوبة، لتورط حالك ويا هذا ماعرف شنو سالفتة متغير حيل، تذكر آخر مرة من تصالحتو كلك نبأ مثل خيتي، هسه كَلب ابنل كلب
سامر: دخل يعيدهة ويشوف، ارتكب بي جريمة وانحكم اعدام
ضحك: علة كيفك يرامبو بس لا تحمة علينة، باجر غداكم عندي ولتكول لا(للكاتبة طيبة الربيعي)
سامر: بنفسي اجيكم والله بس هسه الوضع بيني وبين نبأ حيل خربان خليهة غير مرة
احمد: بس لا مديت ايدك عليهة
سامر: للأسف اي
احمد: صدك جذب سامر، من تعرفهة تحبك ومتباوع لغيرك ليش تسوي هيج، نبأ هاي مو هالله هالله
سامر: نبأ تغيرت مو مثل قبل احمد، متحبني مثل قبل تدري عايش وياهة مثل عيشة الأخ وأختة؟ خالتني اتحسر
احمد: صوجك انتة
سامر: شلون صوجي
احمد: حرك غيرتهة اتفل بوجهي اذا ماتعدلت
سامر: اسكت رحمة لأهلك لاجيبلي سيرة النسوان، خليني هية هاي وشالعة كلبي لتورطني
احمد: دضل هيج ضل(للكاتبة طيبة الربيعي)
سامر: ديلة بعدين احاجيك صالح راح يكعدني عالحديدة
احمد: ليش
سامر: ينزللهم عشرات عشرات الخايس مو المحل ماخذة ابلاش
ضحك: دروح الحك، وفكر بكلامي
سديتة ورجعت الشغلي، عمي ماريد اتورط
لا احرك غيرتهة
ولا تحرك غيرتي مالي خلك مشاكل زايدة
رجعنة وية العشة كعدت شوية بالهول
وبحضني كَمر، صبو العشة واني مالي نفس اكل
بس انتظرتهة تنزل حتة اصعد
مانزلت، امي حاولت تبينلي انهة مانزلت
لا عالريوك ولا حتة عالغدة(للكاتبة طيبة الربيعي)
الصراحة انقهرت وخاف جان بالي عايز يضل يمهة
صعدت فتحت الباب، شفتهة نايمة وظهرهة
علية، منايمة، اسمع صوت يجي منهة
ماعرف صوت بجي لو شنو
فتحت الضوة متغطية بس راسهة طالع
شايلة شعرهة كباية، رحت للكنتور طلعت هدوم
ودخلت للحمام غسلت وطلعت بدلت
اوف ربي افرجهة تعبت
طلعت دخنت ورجعت، تمددت نايم صفح
وعيني عليهة، شيصير هسه لو ادير علية وتكلي
احضني، والله احضنهة وانسة كلشي
بس هاي مجرد امنية متتحقق
كعدت الصبح مالكيتهة بصفي(للكاتبة طيبة الربيعي)
غسلت اخذت الجكاير ونزلت، طبيت للمطبخ
شفتهة، واكفة عالسنك مطيتني ظهرهة
من دارت وصارت عيني بعينهة
كرهت نفسي وابدي اتفل علة عقلي المتحجر
خدهة مزرك وعيونهة حمر
دنكت وراحت للميز
تقربت وكعدت عالكرسي، ورثت جكارة وبديت ادخن
اراقبهة ماكو بوجهة اي ردة فعل
بس برود، خوفي من هل برود ليأثر علة علاقتنة
حطت الريوك كدامي وطلعت
اكلتلي لكمتين وكمت
استمر هل وضع ايام
مابيناتنة كلام، اني ماعرف ليش ماجرأ واحجي
بس بديت امل من هل وضعية(للكاتبة طيبة الربيعي)
بيوم اجوي اخوتهة، رحبنة بيهم وامي لحت
الة يبقون عالغدة، دزيت وائل يجيب دجاج شوي
خاف الاكل مايكفي، وقبلات ومن هل سوالف
نبأ فرحت بجيتهم وكعدت تسولف وطايرة بيهم
فرحت علة فرحتهة بس بداخلي قهر وضيق
مايعلم بي غير ربي، صراحة غرت
ونويت اليوم اتقرب حتة لو تصدني احاول
لان بعد مابيهة مجال وصلت حدهة
من راحو، بليل صعدت قبلهة
تمددت اباوع تلفزيون
شوية وصعدت، همزين كَمرة مو وياهة
اكيد تبات يم امي، كالعادة
شفت وجهة بشوش اليوم همزين
دخلت للحمام، كمت قفلت الباب(للكاتبة طيبة الربيعي)
خاف يطبن علينة رية وسكينة
كعدت عالسرير انتظرهة، شوية وطلعت
رفعت راسي شفتهة باوعتلي ودارت
كمت: نبأ
راحت للباب تريد تفتة مينفتح
المفتاح بجيبي
سامر: تعاي مو وياج
نبأ ...بعد ماكسرني حسيت بكره تجاهة
بقيت ايام اللكمة كوة تدخل بحلكي
وعمتي تسألني شصار ماجاوبهة
تحجي وياية وتواسيني بس اني مو يمهة
بالي مادري وين صفة، احس نفسي تايهة
ومالي احد، حقة يضوج ويعصب(للكاتبة طيبة الربيعي)
بس مو يمد ايدة علية، وياريت بس مدهة
كسرني تكسر، جسمي كلة كدمات
واحس وجهي متشوه من ورة طبعات ايدة
الاماكان صارن زرك، بيوم الأجو اخوتي
تفاجئت بجيتهم، لبست حجاب وغطيت
الاثار بالمكياج، محد حس
زيد كلي عمي بعدة الي هسه مراد جواب
كتلة اصبر عوفة هسه اني من اروح
اسمع منة الجواب، بعد ما راحو
غسلنة المواعين وعزلنة الهوسة
صعدت اريد اغير اهدومي، بس(للكاتبة طيبة الربيعي)
شفت الافندي متمدد، دخلت للحمام
ومن طلعت جان كاعد الظاهر يريد يكلمني
اجيت اطلع لكيت الباب مقفول
انقبض كلبي، اخاف من قفلة الباب
لا ماوراهة غير المصايب
باوعتلة: شتريد
سامر: تعاي هنا اريد احاجيج
نبأ: سامر افتح الباب
سامر ...تقربت منهة رجعت ليورة
جريتهة من خصرهة: مشتاقلج نبأ حرام عليج
نبأ: وخر سامر لتقترب مني
سامر: اكلج مشتاقلج شنو انتي متحسين
نبأ ...حاولت افلت منة مكدرت
نبأ: سامر وخر(للكاتبة طيبة الربيعي)
سامر ...جريتهة للسرير وهية ادفع بية
كامت تبجي واجر بيدهة مني: وخر وخررر
شبكتهة: عليمن تبجين شسويتلج ماتكليلي شسويت
ادفع بية: ابعد عني اتركني
سامر: بس انتي مرتي وحبيبتي واريدج حتة لو احضنتج وانام كافي تبعديني عنج نبأ ترة مليت وتعبت من هذا وضعنة
نبأ: اترك اكلك، تريد تسوي بية مثل البارحة! ابعد ميكفيك ورمتني تورم ميكفيك!
سامر: كافي تنكسر ايدي اذا بعد تنمد عليج
دفعتني وكعدت عالسرير تبجي(للكاتبة طيبة الربيعي)
فركت وجهي: نبأ فدوة اروحلج كافي
ضلت تبجي ومن اتقرب منهة تزيد وادفع
عفتهة براحتهة بس اعصابي تلفت
نبأ ...ماريد قربة شلون يأذيني ويجي ولا كأنما
مسوي شي، اذا انتة تعبت اني شأكول
استمرينة علة هالوضع بالأسبوعين
هو ملتهي بالشغل واني ادرس بالطلاب
لحد ما بدأت امتحاناتهم
ومنتظرة يفرحوني بأقرب وقت
احفزهم واحاول ابعد التوتر عنهم
لان التوتر بالامتحان يبعد التركيز ويشوش العقل
بيوم الولد كلهم طالعين وعمتي وية تقى تحلل(للكاتبة طيبة الربيعي)
علمود الحمل شاكين حامل، بس سامر وفطوم وكَمرة
واني بالبيت، فطوم وكَمر ملتهيات يلعبن بالحوش
واني بغرفتي عزلتهة وداكلب بالتلفزيون
طلعت اغنية  نانسي عجرم "ياكثر ماشلت في قلبي عليك"
اذكرت ايام الجامعة، وسهر الليالي وشكت تعبت
علمود احصلة، وهسه؟ يمة بس بعيدة كل البعد عنة
ياريتني ماحبيتك ولا عرفتك بيوم
نزلن دموعي كلمات الأغنية أثرن بية
او يمكن لان نانسي توصل الكلمات بأحساس
دخل سامر مسحت دموعي درتة علة غير قناة
وكمت اريد اطلع
سامر ...دخلت لكيتهة مشغلة اغنية وتبجي
عرفت علية، اعرفهة حافظهة حفظ
كامت تريد تطلع لزمت ايدهة: ليش تبجين
جرتهة: ماكو شي(للكاتبة طيبة الربيعي)
نبأ ...نزلت وبديت احضر غدة
طلعت البصل وبديت أثرم علمود آخر راحتي بالبجي
اوف كلبي خلص لشوكت لشوكت
دخل سامر عصبي وعينة بكصتة
سامر: عليمن تبجين لخاطر الله! شلون بيج فهميني!
نبأ: مداابجي مو تشوفني اثرم بصل
سامر: تقشمرين علية انتي! دمرتيني ودمرتي حالج مو كافي عاااد
كام يعيط ويغلط صار احمر نااار
اجني البنات كتلة كافي راح تخوفهن
بالعكس زاد وانوب شمر الكلاص انكسر
طفرن ثنينهن لحضني
نبأ: ميزي عاد داكلك مابجي(للكاتبة طيبة الربيعي)
سامر: قسما بالله صبري نفذ يا نبأ نفففففذ
ركع الباب وطلع من المطبخ
وديتهن للهول ورجعت الم الكزاز
تعبت ملييييت، بيومهة تأخر برة
ومن رجع كبل نام، مرت ايام
عمي وافق علة زيد وشرط عليه مرتة متزعجهم
وزيد كلة هية حتة علة جهالهة متسأل
حتة لو حاولت تدخل املص اذاناتهة
مرة صالح خطية حامل بس صاير عندهة اسقاط
هيج من الله ماكو سبب
صاحت بس حجيت وياهة كتلهة الله سبحانه
الة بيه صالح يجوز هل طفل مو من صالحكم
شبه اقتنعت بس حقهة تنقهر
هل احساس احساس ممجربتة بس اكيد مو سهلة
تخسر قطعة منهة(للكاتبة طيبة الربيعي)
سامر ...ماعرف شلون صابر عليهة
والمصيبة تصرف كمت ماعرف اتصرف
بدو يحضرون لعرس زيد واني حتة مالي خلك
اروح اباركلة للولد، مرات اكول احاجي عمهة
بس زحمة ادخلة بهيج امور، امور تافهة
شيكول علية مو رجال؟ والله زحمة
بيوم امي راحت باتت يم اختهة ووياهة فطوم
ووائل ولؤي
والباقين بالبيت، نبأ تسبح
وكَمرة نايمة علة ايدي تباوع كارتون
واني وياهة عالواهس، سمعت طبة وعيطة نبأ
ركضت دكيت الباب اسمعهة تعيط يمة الحكيلي
سامر: ولج شبييييج
(للكاتبة طيبة الربيعي)

يتبع...🌺🌺🌺