رحمه

البارت التاسع

#رحمة
#طيبة الربيعي
||البارت التاسع||

رجعت دنگت وابجي.. مداگدر اتوقف احس روحي تنتزع مني ابطئ واني متحنطة مابيدي شي اسوي.. احس نفسي عاجزة

فاروق: شمسوية بيج وواصلة لهل مرحلة
رحمة: عفية روح خليني وحدي
فاروق: ليش عبالج اذا تبجين راح تستفادين شي

اني بيا حال وهذا يحجي بكيفة.. غطيت وجهي بيدي اريد احد يربت علة ظهري ويگلي تهون ويقنعني انو هل الألم الي بداخلي ضعيف واگدر انتصر عليه.. بس هية امي وراحت بعد منو يحن علية.. الغريب؟ ماعتقد

فاروق: تريدين مي؟

وخرت ايدي من وجهي ومسحت دموعي.. شبية گاعدة وية رجال غريب شمدريني نيتة شنو

رحمة: لا اشكرك رايحة انام

گمت وهو وگف وياية.. استحي اباوعلة

فاروق: احجي يجوز ترتاحين
رحمة: لا ماريد تسلم'طيبة_الربيعي'
اجيت اروح گلي: اوكفي
باوعتلة: شتريد مني
فاروق: شريد قابل، شفتج تبجين انقهرت عليج شريد يعني

من حجيت هيج هو عقد حاجبة ونبرة صوتة بانت بيهة شبه من الحدية

رحمة: ليش تنقهر علية متعرفني ولا اعرفك
فاروق: هاي المرة الثانية تتخوفين مني، مااكل بشر اني
باوعتلة مترددة: مقصرت بس لازم اروح انام بعد
فاروق: روحي نامي قابل مجلب بيج
رحمة: انتة ليش تحجي بحدية ترة انتة الي دتزعجني

تقدم خطوة علية واني لا ارادي رجعت بخوف وحجيت بعصبية

رحمة: اذا تتقرب مني الم عليك البيت كلة، شتريد مني!

هو توقف ومثل التفاجئ.. عفتة ودخلت ركض.. اوف ياربي اني شداسوي.. صح هو ممجاوز بس اكيد حيجاوز بعدين.. مثل همام.. حسبي الله ونعم الوكيل بي..

فزيت ثاني يوم علة صوت نسرين تگعد بية

نسرين: كومي كسولة، لازم نحضر الريوگ العالم شوية وتگعد
كمت فركت عيوني: ليش ساعة بيش
نسرين: بثمانية الة ربع'طيبة_الربيعي'

گمت غسلت وبدلت.. بين منسوي الريوگ بدو يگعدون.. وهل مرة طلبو الأكل بالحديقة لان الجو حلو.. من خلصنة وتقريباً الأغلبية تواجدو علة ميز الطعام بديت اني احضر ونسرين تودي..

آخر شي اخذت المي وطلعت.. بين ما داصبلهم اجة فاروق وبيدة مرتضى.. دنگت من شافني وبس خلصت رجعت للمطبخ

نسرين: اني حطلع انضف الفوگ وانتي ابقي لحد ميخلصون علمود المواعين
رحمة: اي ماشي

طلعت نسرين واني بديت انضف المطبخ

فاروق: گلاص مي بلا زحمة