ملك الندى...بقلم مروة الناغي 💖

الاقدار

  الفصل الخامس
(ملك الندى)
الاقدار
الأب :البت بايته بره من إمبارح انا قلقان ازاي متقوليليش إنها مجاتش
مرات الأب :يا خويا سيبها خلينا نكسر عينها شويه ولا من امتي بتقلق عليها اصملا
الأب :مش بنتي برده
جرس الباب يرن بقوه
مرات الأب :مين يا لي على الباب هي الدنيا طارت
تفتح لتجد خالد
اللواء خالد : أ حسين موجود
مرات الأب :وانت مين بسلامتك اصل جوزي ميعرفش حد بالنضافه دي
خالد :انا اللؤاء خالد
مرات الأب بخوف وفزع:اتفضل يا باشا...... يا حسين يا حسين تعالي بسرعه
حسين:اي خدمه سيادتك
خالد :انت عندك بنت اسمها ملك
حسين بفزع:ايه... لا.... ايوه بنتي عملت ايه لو عملت حاجه غلط انا اصلا متبري منها وطردها دي بنت قليله الربايه
خالد بنفور وقرف:لا ابدا بنتك عملت حادثه امبارح وهي دلوقت في ذمه الله
الأب :أيه نعم... ملك ازاي لا لا دي دعوتها ربنا ريحها من الدنيا وقرفها
الله بس انت مين!!!
خالد :تعال بس معايا وتعرف كل حاجه
وقفت مرات الاب فاتحه بوقتها زي المجانين من هول من اللي سمعته
معقول البت ماتت..... يا لهوي
😪😫🤐🤐🤐🤐🤐🤐🤐
في الفيلا
فاروق:الو الو ايه دا اجي من السفر ملقيش حد هنا يا خالد انتم فين
خالد:لما افتكرت تسأل علي بنتك
لعلمك انا اتصلت اكتر من مره امبارح تليفونك انت والشملول جوزها غير متاح
ندي عملت حادثه كبيره واحنا في المستشفى من امبارح
حتى انا كلمه فاطمه وعرفت ها أن ندى معايا وتأخذ بالها من غاده
وأول ما انت توصل أو تتصل تكلمني ضروري
فاروق:ازاي متتصرفش وتوصل ليا بنتي بنتي عامله ايه؟
خالد : هو انا كنت فاضي ندى دلوقت الحمد لله بس في بنت ماتت لازم نرضى أهلها مش عايزين شوشره وكمان سين وجيم ونرهق ندي
ندي احسن بس وشها متربط بالشاش
والشملول جوز بنتك لما تبقى تعرف توصلوا
ابقي عرفني ضروري مع اني لا طايقه ولا طايق اشوفوا
فاروق: المهم المستشفى فين!؟
خالد: حاضر حاضر همليك العنوان بس خد بالك براحه على ندى هي مش مركزه شويه ولا فاكره حاجه شويه شويه وتفكر وممنوع عنها الزياره اصلا دا غير طبعا وشها اللي متربط اللي مأثر على نفسيتها بس الدكتور طمني
انا خلاص اتفقت مع أكبر دكتور تجميل عشان ترجع ندى احلى من الاول
فاروق: انا جاي في الطريق وأدى أهل البنت اللي يطلبوا
خالد: تمام من غير ما تقول دا انا حتى اتبرعت بدفن البنت في مدافع عائلتنا اصلهم غلابه واحنا برده السبب في موت بنتهم
على فكره الحادثه متدبره يا فاروق.... ها متدبره.... حزام الأمان مقطوع والفرامل سايبه على الآخر.... يعني وصلوا لجوا فيلتك مع وجود الحراسه والأمن الا اذا منا فينا اللي عايز يخلص من ندى
وانت عارف طبعا مين الأساس له مصلحه في موت ندى بعد قرارك الأخير دا
فاروق: المجرمين.... اتطمن بس على بنتي والحساب يجمع
اصلا الحساب تقل قوي ومعدش عندي مانع يوصل للدم ما دام وصلوا ل ندي
😋😋😋😋😋😋😋
المستشفى
خالد: ملك ركزي معايا اجمدي كده قليل كلامك على قد ما تقدري ولحسن حظنا أن جسمك قريب جدا من جسم ندى ومتداري تحت الغطاء والوش كمان متغطي
وأول ما حالتك تتحسن هنا الجراحه وعلى فكره عايز اقولك حاجه يمكن تزعل بس عشان متحسيش بالذنب نحيتهم
ابوي اول ما عرف في النيابه أن اللي خبطت بنته (ندى فاروق الهواري) بقى زي الكلب المسعور على الفلوس طلب تعويض كبير عشان ميعرفش قضيه
مش دي المشكله. المشكله انه مكلفش خاطره يبص عليكي قعد زي المجنون يعد الفلوس وخلاص قبل ما اجيبه لاستلام الجثه
ملك بفزع: وهتسلموا ندي كده عادي
خالد :لا طبعا انا أقنعت ا اننا اللي غلطانين ولازم بنته تتكرم احسن تكريم وهتتدفن في مدافع العايله واحنا اللي هنشيل كل المصاريف
لو شوفتي فرحته انه مش هيصرف ولا مليم
ملك والدموع تترقرق في عيونها : الحمد لله رب العالمين على أي حال
خالد.... بأسي :انتي ربنا نجاكي يا بنتي من أب جاحد لا يعرف قيمه الضنا
وعسى أن تكرهوا شئ ويجعل الله فيه خيرا كثيرا