الدنيا ما توقف ع حد 🌸🍃

البـارت السادس عـشر🍃

ساره كانت مقعمزه وتجيها رساله وتنوض مخلوعه منها ومش عارفه شن تقول............

الرساله هيا :

قيس: ساره اني لوطه تحت روشنك

ساره طول اتصلت بيه:

قيس: الووو

ساره: انت شنو هبلت حي عليك كان يشوفك خوي لما يقتلك ويقتلني

قيس: اي عادي من زيني نموت واني معاك

ساره:بلا عباطه زايده

قيس: عادي انتي دارك مقابله جنان الخلفي مش ح يشبحني حد

ساره : اي اي نحمد ف ربي طلعت داري .. باهي شن المطلوب توا

قيس: نبي نشوفك ولا نعيط ب اعلى صوتي ونقول نحبهااااااا ي نااااس

ساره: لا خليك توا نشوفك من روشن

قيس: هههههه تمام هي

وطلعت ساره للروشن وحاطه تلفون على ودنها

ساره: اي اهو شفتني هي برا

قيس: لا لن نشبع من شوفتك

ساره: قيس والنبي برا بالله عليك حبيبي

قيس: عاودي عاودي شن قلتي

ساره: بالله عليك برا

قيس: لا الي بعدها

ساره: قيييييس

قيس: ههه باهي اهو بنمشي ويدرلها قلب ب ايده
وبعدين قاللها باي

ساره سكرت روشن وقعمزت لوطه

ساره: اخخخخ يقلبط نحبه نحبه واخيرا ربي عوضني عن الي قبل ربي ماعمره ينسي حد

وناضت نزلت لوطه

عند ميرا:

كانت مقعمزه هيا ورنيم و مرام
ويخش عليهم مراد وصفوان:ي بنات

ميرا: هممم

رنيم: خييير

مرام: شنوووو

صفوان: خيركم العفو تتكلمو هكي قبل اني جايب البليستيشن وبنلعبو شوط لاكن حرام فيكم

ميرا طول نقعزت و وقفت

ميرا: حاااااق واخيرا

مراد قعد يشبحلها ويضحك على تصرفاتها

مراد: غير قعمزي وانتي قريب تطيري ل سقف

ميرا : احم اي عادي نطير فيه مانع

مراد: لا مافيش

مرام: هيا نلعبو من اول واحد بيلعب

صفوان: شوفو اني ومرام فريق وميرا و مراد فريق

ميرا: وعلاش اني مع مراد

مراد: شن مش عاجبك اني

ميرا: اي مش عاجبي