الدنيا ما توقف ع حد 🌸🍃

البـارت العاشر🍃

عند ساره

كانت مقعمزه ع سرير وتجيها رساله
ساره قعدت فرحانه ومتشوقه وتبي تعرف شنو

الولد: تبي تعرفي انا منو

ساره دارت روحها عادي ومش مهتمه:كان ماتبيش توقل مش لازم

الولد: باهي براحتك

ساره: لالا تعالي جاي قولي منو

الولد: ههههههههه عرفتك تبي تعرفي اني المهم ولد كنت نقرا معاك وتبي الحق معجب بيك مانبيش رايك توا خلينا نتعرفو واحني اساسا قداش لينا نهدرزو نزيدو نتعرفو وكان رتحتيلي وحسيتي انك تميلي بعدين نقولك اني منو شن رايك

ساره قعدت تتفكر ف الكلام وفعلا بدت تستريحله
وتهدرز معاه لاكن هيا خايفه انها يدمرها زي مادمرها ايوب وكسرلها قلبها

ساره في داخلها  يلا خلي نجرب بلكي يطلع ولد صادق ويحبني

ساره: ماشي تمام ي مجهول

الولد: تمام

ساره: اي قولي شن دير

الولد : والله اهو شي وانتي

ساره: شي كساااد

الولد : اها اي كساااد هلبا

ساره: اي اسمع ي مجهول اني نبي نمشي للجامعه تمام هي سلامات

الولد: سلام ي حبي

ساره شبحت رساله ومش عارفه شن حست.. حست ب شعور غريب

وماهتمتش وطلعت

عند ميرا:
كانت مقعمزه  تفكر هل تعترف لمحمد ولا لا

ميرا: افففف توا كان تلاقت مع البنات توا ناخد رايهم

كرم من لوطه : هيا ي ميرا وقت

ميرا: باهي تمام اهو جايه

وخدت شنطتها وطلعت

كرم: فتح الاغاني على اعلى صوت وبدي يهيج ويصفق وطالع منضره خيااااال😍

ميرا: ههههه هبلت شكلك

كرم. اسكتي وخليني نعيش اللحظه

ميرا: قعدت سارحه فيه

كرم: شن حلو له درجه 😂😂

ميرا: هههه عندك علم لو ماكنتش خوي راهو حبيتك😂💔

كرم: شدها من ودنها تحشمي يبنت هادا مانقص قال تحبي قال

ميرا: اااي ااي  نبصر والله انبصر وانت شكلك البصاره ماتمشيش معاك

كرم: ههههه غر رايق بس اليوم

ميرا: انشالله ديما رايق وتوا نعرف سن سر رواق هادا كله

ووصلت للجامعه

ميرا: هي سلامات

كرم : سلام وامتا ماتكملي كلميني