ممكن احطكم على راسي وافتر بيكم 😂😂لا لا بس صدك تفاعلكم واو بدون مقدمات يلا نبلش ......
********
لوسي *كنت اسمع الهم وحاطه ايدي على كلبي ومن سمعت ابوي نزلن الدموع على عيوني وبعدين صارت مشاحنات بين واحد منهم وبين اخوي انه اهنا بقيت بس ادعي بس من سمعت لؤي يكول اطلق اعليه انه انصدمت وبعد مااعرف شسوي *
حلى : ها يمه اشبيج تلهذين
لوسي : العبايه وينها ابسرعه
حلى : شكو ولج اشبيج
لوسي : يمه لازم ادخل لان لؤي راح يموت
حلى : يايمه ابني يموت لمى اختج ركضت وانه راح اروح وراها ابقي جوه
لمى : خوش يمه
لوسي *جنت اركض مثل المخبله فتحت الباب وشفت واحد اموجه سلاحه كدام اخوي والباقين واكفين على حيلهم انه صحت وركض وكفت كدامه *
لوسي : لؤؤؤؤي لااااااا
الجميع : 😳😳😳
سيف *يالله منو هاي هسه فوگاها اجت وكفت كدامي وكتج هسسسسسه *
لؤي : لوسي اشعدج اهنا دخلي جوه
فؤاد : لوسي ابسرعه لجوه
لوسي : مااتحرك من مكاني اسف بابا ولؤي
سيف : اتحركي لا تصير الطلقه براسج
ابو سيف : سيييييف كافي
لوسي : عادي خليها تصير براسي ولا تكتل اخوي
لؤي : لوسي كافي
فؤاد : ام لؤي اخذي بتج ودخلي لجوه
حلى : ياابو لؤي مااكدر اشوف ابني يكتل وابقه ساكته
سيف *ههه طلعت بته واسمها لوسي حلوو راح اربيج عدل يحلوه * يعني تضحين بروحج علمود اخوج
لؤي : لا
لوسي : اي
الطرف الثاني : بتي تقبلين ترحين فصلية حتى تخلص السالفه
لوسي *انه اهنا مااكدر بعد اضم دموعي بقت تنزل دموعي وانه ماادري ونزلت راسي وكمت احجي * عمي شيخنه اذا سلامة العشيرتين تطلب موافقتي ف انه ..م...مو ..موافقه
لؤي : لوسي لا
فؤاد : كافي لؤي اختك قبلت
📌لؤي دفع لوسي على كيفه وطلع بره معصب ومأيريد يشوف واحد وطلع بره البيت وحلى خذت لوسي والدمع ينزل
خالد : استاذ فؤاد انشالله الجمعه راح يصير العقد مالتهم
فؤاد : 😔التردونه يصير انشالله
ابو سيف : احنه نسترخص يلا سيف ضم سلاحك
الطرف الثاني (بهمس ) خويه فؤاد تدري مو بيدي
أنت تقرأ
فصلية مجنونه وشيخ مشاكس
Humorاملهم ان يعيشوا منفصلين وكل واحد رسم خطه لحياته لوحده لكن القدر رسم لهما طريق نهايتة يجمعهما مع بعض تابعوا احداث القصة ملاحضه // من نسج الخيال بالهجه العراقيه للكاتبة ياسمين الصبيري
