اكو خبر كلش حزين الكم والي بنهاية البارت راح اكوله الكم 😢😩 .....يلا نبلش
********
لوسي * ليش ابوي مايقبل اطلگ واشعرفه ان انه اليوم راح اطلگ افف راسي كام يوجعني حيل 📞📞خير ياهوه اليدگ بهيج وقت *
لوسي : الوو
.........: (صوت طلق )
لوسي : الوو الوو منو وياي
.......: البقاء بحياتج
لوسي : الووو بقاء شنوو رد الوو هاي شكوو
انسد الخط
لوسي : اكيد مزحه مااكو غير
📌 اجو ناس قليله للعرس بس الاقارب القريبه كلش واهل ايات جانت لوسي بغرفتها ونهى وام سيف يسلمن على المعازيم ويقدمن عصائر وكيك وايات بعد نص ساعه تجي من الصالون وسيف وي عمامه وربعه بالديوان يسلم اعليهم *
لوسي *📞 هااي لمى اشعدها ادگ اعليه خير احس اكو شي صاير *
لوسي : الو لمى خيرج
لمى ( صوت بجي وشهقات )
لوسي : ولج لمى اشبيج تبجين خوفتيني شكو
لمى : ابوي
لوسي : اشبي ابوي احجي لمى مو تعبتيني
لمى : 😭ابوي مات 😭 لگو مكتول والكتاله مايعرفونه ياهوه شارد وهسه ابوي بالمستشفى 😭 وراحت امي ( شهقه ) امي راحت هيه ولؤي للمستشفى 😭 الوو لوسي وينج ولج لووسي
لوسي * سمعت كلمة مات ابوي انه اهنا تجمدت توقف الزمن عدي اسمع لمى تكول مكتول وشارد وماسمعت للبقيه ضلمت الدنيا عدي ماسمعت ولا شفت اي شي *
نهى * صعدت لفوگ اريد اشوف لوسي اذا تحتاج شي وشفتها واگعه بالگاع *
نهى : لوسي لوسي ولج شكو اشبيج كعدي ( كمت اضربها راجديات وهيه مااكو ) ولج لوسي فتحي اعيونج الله يخليج
لوسي :......
نهى : 📞📞📞 الو سيف
سيف : خير اشبيج تلهثين ( مقاطعه )
نهى : ابسرعه ادخل من الباب الوراني وتعال لغرفة لوسي
سيف : ليش اش( مقاطعه )
نهى : ابسرعه سيف وسديت الخط
سيف * بعد مااشوف دربي اكيد صاير بيها شي كمت اركض واسمع اصياحهم وراي احس اعيوني تريد تدمع لحد يسئلني ليش بس مااعرف وصلت ركض لغرفة وشفتها وليتني ماشفتها لكيتها ممدده بالگاع ونهى ابصفها اتريد تكعدها بقيت صافن اعليها مااعرف شنو صارلي *
نهى : سيف هذه انته تعال شيلها وياي ابسرعه
سيف : اي شلتها وركضت بيها اسمعي نهى كلي لخالد رايحين للمستشفى احنه خلي يهتم من جانبه
أنت تقرأ
فصلية مجنونه وشيخ مشاكس
Humorاملهم ان يعيشوا منفصلين وكل واحد رسم خطه لحياته لوحده لكن القدر رسم لهما طريق نهايتة يجمعهما مع بعض تابعوا احداث القصة ملاحضه // من نسج الخيال بالهجه العراقيه للكاتبة ياسمين الصبيري
