وهلا شلونكم حبايب
قصة فصلية بس!!! للكاتبة #ليلى_علي
قراءة ممتعة...
●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●●
- لكيت شاب يريد يعتدي عليها 😨 ضليت ادفع بي 👐 اخير شي ضربني راشدي ودفعني بالكاع 😢 و جر سمر من ايدها و ركض بيها بعيد 😭 ردت الحكهم بس رجلي توجعني ضليت اصييح وابجي..
- فجأة حسيت ايد انخلت على كتفي رفعت راسي لكيته عليي :○ كالي " شكوو وين سمر وشبيج تبجين " كلتله بصوت مبحوح من البجي " س.. سمر راااحت " كالي " شنووو وين راحت "...كومني ولزمني من اكتافي وعاد السؤال " وووويييينها ".....
- كلتله " واحد جرها و ركض بيها هنااك " (واشرتله للمكان ).. باوعلي بغضب و عصبيية بحيث عيونه صارن حمر عافني و ركض للمكان الي اشرتلة عليه اني ضليت كاعدة بالكاع وابجي واستمريت عشر دقايق كاعدة بالكاع...
- لحد ماسمعت صوت عياط و صوت طلقة يبووو عزة العزاني بس لا علي صار بي شي لو سمر و كلة من وراي كمت على حيلي و رحت امشي شوي شوي للمكان لحد مسمعت صوت سارة.."ليلى تعاااي"..
- انداريت عليها و كتلها "فدوة تعاي الحكي".. ركضت عليه و كالتلي"شمصخمة".. كتلها"لج صارت جرييمتين".. و طبعا كل هذا و مستمرة بالمشي على كيف لان رجلي اعتقد انلوت وسارة تساندني و تحجي وياي.. "لج جريمتين ولج مال شنو" .. كتلها"وحدة مال قتل و وحدة مال اعتداء"...
- صفنت عليه سارة بتعحب و اخيرا وصلنة للمكان لكينة ... علي كاعد على المسطبة و مخلي ايديه على راسه و منزله و سمر كاعدة يم رجلين علي و تبجي و اكو جثة بالكاع ...
- باوعت زين بالجثة عرفته هذا هو نفس الشخص الي راد يعتدي على سمر باوعت على سمر و علي بصدمة كتلهم "منو قتله؟؟!!".. علي رفع السلاح بيده و اشرلي انو هو القاتل باوعت على سارة هم مصدومة اشو ما هي الا ثواني و سارة تهجمت على علي...
- و تضربه و علي يوخر بيها و يحاول ما يأذيها .. ضلت سارة تضرب بعلي و اني و سمر نحاول نفكها بس سارة دبة مال غاز شيفكها اخير شي علي دفع سارة حييل و رادت توكع من قوة الدفعة بس تلاحكناها اني و سمر ..
- سارة"لك حقيير ليش قتلته يا كلب تف عليك يا حمااار هو شمسويلك قاتل ابووك يا كلب وخري عني لا اذبحج و الحمزة لج وخررري تدافعين عن هذا الكلب مووو هسه يطلع صاحبج و دا دافعين عنه هو انتي كلبة مثله"...
- دفعتني حيل و وكعتني بالكاع على رجلي الي نلوت صرخت حييل لان هواي اذتني حتى اعتقد انكسرت ضليت اصييح و همه اجتمعو عليه ما عدا سارة لان راحت يم الجثة..
- علي"بيج شي....،شيوجعج كليلي" مجاوبته من الاذية بس ضليت اضرب على الكاع بقوة محسيت بشي بس اني مشيولة و الي شايلني هو علي (خرب حظي) ضليت ادفع بي حيل علمود ينزلني لان عييب و النوب اني استحي (انزول عليج سندس)..
- الطلاب كلهم اجتمعو علينه وعلى الجثة علي وخرهم علمود يمر اخير شي وصلنة يم سيارة سودة عالية اعتقد جكسارة مدري شنو كتله "لااااا حدك هنا نزلني يللة بسرعة عييب متستحي" ... رد بأبتسامة"اي ما استحي" ... كتله"لك نزلني متستحي ماعندك خواات و وخرر عني يلةة" ....
- رد عليه "اعتقد شفتي اختي و ترة للعلم عندي خوات هم اذا رجعنه من المستسفى بسلامة عود اعرفج عليهن" ... و بنهاية كلامة غمزلي راد يصعدني بالسيارة و اني لازلت اضرب بي علمود يوخر بس تيس هو لا و الله حشة التيس ظلمت التيس هوواي هذا هايشة بيت عمتي هههخخخخ (ايييي اضحكي زين).....
- كلتله "علي مابيه شي مجرد لوية لا اكثر صدكني" ... رد "كولي و الله مابيها شي" .... كلتله "و الله" كالي"اوكي صدكتج بس خليني اتأكد اكثر" ... كتله "ماشي بس بسرعة لان شيكولون علينا الطلاب اخذها و شرد"... كالي "اي عادي" ... كتله "يلة باي"...
- صعد بسيارته و كالي "اسف لان ضوجتج و اسف لان سببتلج كثير من المشاكل" ... كلتله "لا عادي يلة باااي" ... كالي "بايات" ... حرك و راح و اني بلكوات دخلت للجامعة لان رجلي لحد الان توجعني..
- دخلت للجامعة و شفت الكل يباوع عليه مدري عبالك اني المسوية المصيبة ورة شوية اجة ضابط و وياه بعض الشرطة سألهم منو كان بمكان الحادثة الكل أشر عليه حتى سارة الي كانت تساندني علمود اوصل يم مكان الحادثة و سمر مدري وين محد ذكرها....
- الضابط "انتي تعالي نريدج" ... عابت ولا يعرف يحجي ومدري اعتقد ما متعلم اصلا ... كلتله "لييش"
كالي "نحقق وياج يعني ليش مثلا" ... كلتله "مو بس اني جنت بمكان الحادثة كان ويايه شخص و.." ... قبل لا اكمل كالي "يعني متفقة وياااه موو"(حجاها بصياح) ...
- كلتله "لاا بس هذا الشخص دافع عن شرف و قتله و هذا يستاهل لو ما قاتله كان كم وحدة فقدت شرفها بسبب اعتدائه هاا تكدر تجاوبني وهذا الشخص الي تكولي متفقة وياه يصير اخو صديقتي وصديقتي كانت ويانه بمكان الحادثة لان اصلا هذا الحيوان راد يعتدي عليها واخوها قتله وطبة الف مرض"
- سكت الكل محد حجه ... و اني ضليت اباوع على الضابط شلون انكلب شكله و عصب ... و اخيرا حجه الضابط و كال".....
●●●●●●●●●●●●●●●●●●●●●●●●●●●●
وبسسسس واخيرا كتبتلكم
ونشرتلكم.....
واعتذر لان كان لازم انشر هذا البارت
من البارحة بس والله رحنه
للمستشفى علمود
ابوية مريض بمرض
السكري
فلذالك انجبرت اترك كتابة البارت
#ليلى_علي
