مساء الخير وياكم #الكاتبه_جيمن ب حلقه جديده من
قصه #لدغه_افعى
حلقه٤
ليلى:طلعنا اني وموج رحنا مول شي ملابس وشيء احذيه و
ساعه من نختار وكلشي حسب ذوقي ،حتى اني حسب ذوقه
و رديت ركبت بالسياره دنرجع للبيت
موج:ليلى
ليلى اني وداسوق:اتفضل
موج:قبل لانرجع للبيت خل نروح ل لحديقه
ليلى:ماشي اكو.هنا حديقه وبيها كافيتريا تجنن نكعد نشرب
شي
موج:ماشي بس بشرط
ليلى:وهو
موج:إني ادفع الحساب
ليلى:ماشي
ليلى/وصلنا للحديقه ،،، نزلنا كعدنا بالكافترياا سوالف منا ومنا
موج:ليلى انتي ساعدتيني ووكفتي وبأي وكفه رجل بالوقت الي وحدي
ليلى:واجبي وو و
موج:خليني اكمل ،،،،،،،،اني معجب بيج وواريد اتقدملج
ليلى اني من سمعته شويه تضايقت بس ردت اكوم من مكاني
موج لزم ايدي
وكال:اكعدي ليلى انتي عائلتي وكلش تعلقت
بيج وب ابوج لاتحرميني منج،،،،ليلى اذا رفضتي بعد
متشوفين وجهي لا انتي ولاابوج
ليلى:بس
موج:اترجاج بدون اي شكوك وتفكير راح اظل خادم الج طول عمري،،،،،راح احبج واتنفسج ل آخر نفس بيه
ليلى:اني هم معجبه بيك و بس خايفه من هالخطوه
موج:لا يمكن اكدر اخون ال ايد الي نمدت الي ايدج وايد ابوج بغربتي،،،،،،،انتي اجيتيني من السماء هديه
ليلى باابتسامه:خليني افكر، وراها انطيك الرد،،،بس هسه خلينا نرجع للبيت
موج:ماشي امشي خل نرجع
__________________________
ليلى/رجعنا للبيت سوه ،،،،جنت فرحانه مادري ليش جايز لأن موج اعترفلي،،او لأن احساس غريب من شخص يحبج ويصمم عليج وعلى الارتباط بيج ،،،،،كلشي ياتلون بيج حتى دكات كلبج تصير موسيقى ولحن
رجعنا وسلمت على بابا وصعدت لغرفتي،،أما موج راد يصعد لشقته بس بابا صاحه يلعبون شطرنج سوه ويسولفون
اني صعدت لغرفتي وغيرت ملابسي وكفت كدام المرايه داسرح شعري تذكرت حجي نسوان يكولون اليحب من صدك يحجيها مره وإذا صديتي عنه يدير كلبه قبل وجهه
وهذا موج هم تحت عيني ،،،راح اكسبه بطريقتي
اني هم لبست برمودا ونزلت شعري وطلعت كعدت بالصاله وياهم واشوف منو يفوز بالأول،،،، مرت نصف ساعه وبابا عليه ل موج اول مره مع العلم موج هو دائما يغلب بس باله جان مشغول من نزلت صار مايركز بيني وبين اللعب،،،بعد ما انتهى من اللعب ،،،طلع موج ف اني ضليت امشي خطوات خفيفه وراه ف هو حس بتواجدي التفت عليه وابتسم بعدها مشى خطوتين ورجع التفت
موج:فكرتي
ليلى:اي ومواقفه
موج مشى خطوات سريعه واجه لزم ايدي وكال :احبج
أخذني من ايدي ودخلنا للبيت يم بابا وكعدنا سوه على نفس القنفه يم بابا
موج:عمي اني اريد بنتك على سنه الله ورسوله
الاب:وأني مالكه احسن منك بس خل اشوف رايهاا
ليلى:هههههه بابا موافقه
الاب:هاي شنو
موج:عمي الحب كلشي يسوي
بعدها مشى الوقت وصار ثاني يوم الصبح اني وموج طلعنا للشركه مالته
وجنت ياه بكل خطوه لحد ما تعرف على المكان لمده يومين
باليوم الثالث من طلعنا من الشغل داركب بالسياره
موج كال:حاب اسوق اليوم اريد اسويلج مفاجئة
ليلى:ماشي
ليلى/طلعنا سووه ____________يتبع
رايكم
تحياتي الكم الكاتبه جيمن JAYMIN
