اني رآح احجي بهذا البارت عن روآن بااعتبارها بهاي المرحلة طفلة وكل الي صار راح احجي من البداية وبلتفصيل وبيوم من الايام كانو خوات مآهر معزومين بحفل زواج وانتبهو ع بنية كولش جانت حلوة وهيا جانت صغيره تقريبا عمرها 16سنه هاي البنية هيآ سناء وزاد من اعجابهم الها ثكلها ورزانتها
اهل ماهر وماهر ساكنين بلموصل واهل سناء ساكنين بكربلاء والحفل جمع بينهم ببغداد بسبب صلت القرابه بينهم من بعيد ومن بعد ما انتهى الحفل اصر مآهر ع انو يروحون خواته لكربلاء ويطلبون ايد سناء من اهلها للزواج ومن بعد الالحاح الشديد عليهم وافقو وقررو يوم الخميس يروحون لكربلاء النسوان ويطلبون ايد سنآء واذا ردو خبر بلموافقةة
حتى يوم السبت يمشون زلم وفعلا راحو خواته
وطلبوا ايد سناء وهيا جانت كلش حلوة وطالبة بس صار فترة من بطلت من الدراسةة
بسبب ضروفها العائليةة واهل سنأء كالولهم باجر نردلكم خبر
سناء جانت عايشة ويا زوجة ابوها وامها مطلقة ومتسأل عليها
هذا السبب الي خلا اهل سناء يوافقون وتم الزواج
ومآهر اخذ سناء للموصل
وبصباحيةة سنأء كعدو وتريكوو جان كلش ماهر يحب سناء ويعتبرها طفلته والسبب انو هيا صغيره بلعمر
وندك باب الغرف وراح ماهر يفتح الباب
وهنا جانت الصدمه 😳😳😳😦
زوجة اخو مآهر توفت اثر مرض سرطان بعيد عنكم
#بقلم الساعديةة
وجان عدها5اولاد
وما كملت فرحت سنأء مثل باقي العرايس
وضلت كل الوقت الحزن بلبيت ولابسين اسود والضحكه عيب احترام الاخوهم الجبير
خوات مآهر كبار بلعمر وممتزوجات جانو طول الوقت يضايقون سنآء
بسبب غيرتهم منها ولانها جانت حلوة حيل
وجانت ام ماهر تميز سناء حتى عن بناتها وتشتريلها اشياء متشتريها البنات والسبب انو سناء متزوجة وتحتاج ملابي وكذا 🙁
ورا فترة 3اشهر اكتشفت سناء انها حاملة بلشهر الثاني وانصدمت لانها صغيرة وحامل وتعبت نفسيتها بسبب مشاكل خوات ماهر
وبعد فترةخلصت ال9شهور من بعد المشاكل
وصار وقت ولادت سنأء وجابت بنوته مثل الكمر اللهم صلي ع محمد
واجت روآن ونورت حياتهم
وهيا بلبداية كلش حبت روان لان حست انو هيا الوحيدة الي حتكون وياها بهاي الغربة الي عايشتها
ورجعت للبيت وعبرت فترة النفاس
بس المشكلة انو روان الطفلة الوحيدة بلبيت فصارو خوات روان واخوته يتعاركون عليها حتى ياخذوها ودللوها هواي وجانو يشترولها ويلعبوها وكبرت
بينهم وصارت تتعلق بيهم وتبتعد عن امها
وبهاي الحاله سناء نهارت كامت بتها من تجي يمها
تبقى بس تبجي وتصارخ لحد ما يجون عماتها يسكتوها وماهر ما جان مهتتم لان اغلب وكته جان بلشغل
وبعد ما صار عمر روان سنتين اكتشفت سنأء انها حامل للمرة الثانية
وكالت لماهر وطلب من الله انو يكون المولد ذكر حتى يرفع اسمه
وبعد 5اشهر راحت حتى تسوي فحص سونار واكتشفو ان المولود بنوته
زعلو بلبداية بعدين كالو هذا امر الله وكثرت المشاكل بين سناء وخوات ماهر علمود تقسيم شغل البيت
وهيا حامل وماتكدر تشتغل وماهر يحبها وميكدر ينطي بيها
وبعد تعب ماهر من الشغل جان مجمع كم فلس وباني بيها بيت بس مو كامل يحتاج شبابيك وكاشي
وكم شغلة اثاث
طلع ماهر واخذ زوجته وهما زعلانين
وياهم روان للبيت الهيكل وكعدو بيه وبيت اهل ماهر فرغ من صوت روان
وصار موعد ولادتها وجابت البنت الثانيةة مثل الكمر
وسموها مريم
وضلت سناء تعاني لان صار عدها طفلتين وهيا وحدها
سناء متحملت الوضع هيا عمرها صغير 19سنه
متكدر تعيش هيج
وتحملت مسؤلية اكبر من طاقتها وبدت تكثر مشاكلها ويا ماهر لان المنطقة جانت شبه مهجورة وهوا يعوفهم بلبيت وحدهم لمن يكون بلشغل
#بقلم الساعدية
وفجاءة جا اتصال السناء
سناء:الوو
أم سناء بدموع :الووو هلو شلونج يمه
سناء:منو؟
ام سناء:اني امج بنيتي
سناء:هم زين تذكرتي عندج بنية
ام سناء :ولج شوداج للموصل اجيت وكلبي نار عليج صارتلي ضروف ومكدرت اشوفج
سناء:لو تريديني اكبر ضرف ميخليج تركيني
ومن بعد اعذار ام سناء اقتنعت سناء وحن كلبها ع امها سدت الموبايل وهيا مصدومة
بقت تزيد المشاكل بين ماهر وسناء وبقت سناء ع اتصال ويا امها وامها تكوللها اتركي ماهر وبناته وتعالي اعيشج احسن عيشة وكملي دراستج
وشوفي حياتج
ومن صار عمر روان 4سنوات
طلعت سناء بدون ما تكول لزوجها
و توجهت لكراج السيارات واخذت سيارة الكربلاء
وكعد ماهر واتصل بيها وعرف كلشي جانت الدنيا كلش شتاء وبرد
اخذ بناته ووكف بلشارع ينتضر سيارة
توصله لبيت اهله علمود ويخلي البنات يمهم و
ويروح للشغل تعبت نفسية ماهر بسبب سناء
سناء راحت الاهلها شبعت دلال من امها ولبس وطلعه ومكياج وبسبب انها صغيرة وماشافت شي من حياتها
نست بناتها ونست كلشي وقررت مترجع
وبعد محاولات ماعر اكثر من مرة ودز اكثر من شخص
بس هيا جانت قافلة انها مترجع خلص
اخت مآهر (نور):اكولك ماهر هاي مرتك
طلعت عينها وبيانها ماراح ترجع طلكها واكسر خشمها واني ممتزوجه وكاعده بلبيت عيني ع بناتك
وباجر نشوفلك تاج راسها
الاخت الثانية(رغد):واني اساعدك بمصرف البنات
ام ماهر :اي يمه بناتك خليهن عندي واني احطهن بعيوني
ماهر بعد تردد وعيونه مليانه دموع ع كد ما يحب سناء ويتمنى ترجع
:صار يوم اعتبري الي تكولي تنفذ
واتصل بسناء وكااللها ورقة طلاكج توصلج باجر
وبناتج يمي ما انطيهن
سناء فرحت لان حتشوف حياتها
وانكطعت اخبارها كلش عن الموصل وعن روان ومريم
وخلصت طفولة روان ومريم بيت جدهم
وتربو عد عمتهم نور وجدتهم ام ماهر
وهما ماقصرو وياهم خلوهم بعينهم وروان ومريم ما حسو بفراغ لان امهم مموجودة
بسبب الدلال الزايد من جدتهم وعماتهم
لحد هنا انتهى البارت
#بقلم الساعديةة
كلش تعبت واني اكتب والله تعليقاتكم ومتابعه لحسابي والاحداث كلش مشوقة اذا عجبتكم القصة حتى اكمل واذا معجبتكم حتى احءفها وللعلم القصة واقعيةة
احبكم كوومة فديتكم اريد تشجيع
البارت الجاي حيكون عن فترة الدراسة وسقوط الموصل
واني راح احجيلكم الاحداث من تحت سيطرة داعش 😘
