فصليتي الحلوه

البارت الخامس

ابو زهراء// بابا زهراء اصعدي الغرفتج
زهراء // ليش بابا شكووو
ام زهراء//احجي قصي لاتخوووفنه شكوو
ابو رهراء// يحجي وهو مهدوم حيله بس يحاول يظهر عكس هالشي ...لا ماكو شي بابا زهورتي اصعدي الغرفتج اريد احجي وي امج
زهراء// صعدت ومية حسبه اب والدمعه الي وكل همي اخووي علي لايصيرله شي بعيني
ظليت نص الدرج واسمع الهم شيحجون ردت اعرف
ابو زهراء// دعاء راح اكلج شي بس اريدج تلزمين اعصابج  هاذه الولد راد زهوره مني فصليه
ام زهراء // يمه بنتي ما اطيه لو عله جثتي
ابو زهراء //اعصابج ..مو هو اخو الولد شاف زهراء وكال بطلنه ماناخذ الفلوس اريد هاي البنيه فصل
لو مااكو  انجيب علي لو جوه الكااع وناخذ ثارنه وشرط نموته كدامك ..اني كلتله العصر نجيكم حضرو نفسكم ..والعصر ناخذ مشيه ونرووح الهم
ام زهراء// يمه وليددي يمه بنتي ربي شمسوويه اني راحو مني ولدي وتبجي
زهراء// سمعت كل الي حجو بابا وماما ومتت بجي  انهاريت بين اخويه وبينن نفسي بس كلت اذا اني اروح فصليه اخويه ايضل عايش واذا ما رحت اخويه يموت واني اختاريت نفسي قبلت اروح فصليه  واهلي راح يشوفوني نزلت لبابا  كتله اني اموافقه عله انو
اروح فصليه
ابو زهراء //بابا انتي تحجين صدك
زهراء //اي بابا سمعت حجيكم كله وموافقه علمود اخووي باباميخالف وافق الخاطري واني راح اجيكم واخوي يظل عايش
ابو زهراء //حضنتها وظليت ابجي
زهراء// والحسره بكلبي والدمعه كوه لازمتها ..بابا لاتبجي ماما لاتبجين اني عااايشه ومااروح بعيد عنكم بس اني اختاريت هيج الخاطر اخوي اهم شي يرجع سالم واني راح ارفع راسكم لاتخافون
ابو زهراء//الله يخليج زهورتي
زهراء// ياله اخليكم هسه صاعده الغرفتي
صعدت للغرفه ومتت بجي مااعرف شنو اسوي
اني بنت عز ودلال وكل شي متوفرلي وماعرف طبع الناس الي رايحتلهم يارب سااعدني ..
اجه اخوي مرتضئ هم كالوله طبعا مااقبل بس بابا حجه وياه
وتجمعو عمامي وراحولهم العصر
اني نزلت يم ماما واشوفها ضايجه
سئلتها ماما راحو
ام زهراء//اي راحو ..والدمعه بطرف عينها
زهراء//ردت احجي وياها انسيها همها واضحكها ..ماما شكو ضاايجه هو اني وفرحانه راح اتزوج هههه  ياله ماما جوعانه مااتغديت سويلي اكل
ام زهراء//ادللي ماما
ونزلت يمنه مرت مرتضى ولعب وي البنات واضحك
بس ع مود ماما ترتاح وتشوفني مابيه شي
ام زهراء//اشوف زهراء تضحك ومامهتمه وتلعب وي بنات مرتضى وتسولف بس احس بيها ع مودي تسوي هيج عمت عيني بنتي منين اجتنه هاي المصيبه ..احجي بكلبي
زهراء //ماما جابت الاكل واكلت واسولف واضحك شوويه نسيتها ...
وهما بعدهم ماجايين صارت ب7 المغرب دخلوو بابا ومرتضى ..السلام عليكم
كلنه وعليكم السلام
ام زهراء//هاا شنو شصار
ابو زهراء//هاهيه رجعو الفلوس و باجر العصر ناخذ زهراء الهم ..
ام زهرااء//وهي ضاايجه وتبجي ..يعني ماكو غير حل
ابو زهراء//لا ماكوو حاولنه ومااكو امل نااس عشااير ومايتفاهمون وهو الولد شاف زهراء وعجبته وكال مااريد بعد فلوس
مرتضى//لاتخاافين زهراء راح تعيشين معززه مكرمه شرطنه عليهم يحترموج ويقدروج وحتى من تنجحين اداومين كليتج
زهراء//اني هنا فررحت وبوست بابا وماما ومرتضى
مرتضى//ياله هسه حضرونه عشه
وباجر الصبح تاخذون زهراء تشترولها من السوك شنو محتااجه لاتخلوها تروح هيج
ماما ومرت مرتضى//ان شالله تدلل زهوره
..

لهنا خلص الباارت ان شالله عجبكم
صوتولي وعلقو
انتظرونه ..