لي امل عند الله

البارت الاول

القصه بعنوان
(لي امنيه عند الله )

للكاتبه ...ام جعفوري

حقيقه القصه تتحدث عن فتاة مع عائلتها وتكبر قبل اوانها من كثر المواقف والمشاكل

خليني انطي القلم لصاحبة القصه تعرف عن نفسهه تفضلي حبي 😊

رفل€امممم شكرا شكرا حياتووو انتي 😄حبايبي اعرفكم بنفسي انري رفل ودلعلي رفوله عمري صار26حاليا سنه يعني مواليد التسعينات عايشه ويه ماما وبابه واخوتي 2 واخت وحده اتمنى عندي بعد وحده ......المهم  احنه ساكنين  كربلاء المقدسه واحب الدراسه اختلف عن اختي واخوي وابوي مثل ميكولون عميد عشيره او شيخ وحالتنه ميسورة والحمد لله يعني نكدر نوفر اكلنه ولبسنه مو كلشي بس الحمد لله على كل حال 😊 اوووه حجيت هواية  😂 نسيت اعرفكم على اخوتي حميد اخوي الجبير  ...وخري ولج اني اعرفهم عن نفسي عابتلج شكد تحجين 

😆احم احم اعرفكم عن نفسي اني حميد عمري 28حاليا سنه واني بجر العائله طبعا اروح للمدرسه ورائسا ورا الدوام اروح للمحل ويه ابويه هذا نظامه ويا  منذ الصغر يعني حتى قبل مااسجل للمدرسه ويلي اذا تأخرت  يعني حياتي شغل ومدرسه لا طلعه ولا روحه ههههه يلا حبي حموي عرف عن نفسك قبل لا تجي ام اللسان .....هههههههه

شكرا شكرا خيي مرحباا متابعينه اني اسمي احمد عمري 17 حاليا واني بزر الكعده على كولتهم  ههههه المدلل 😎

وبداية القصه اني مموجود لان بعدني بهاي الاحداث منولدت ولله الحمد ههههههه

وهسه اعوفكم ويه سوره تعاي حيتووو عرفي عن روحج  الفاتحه 😂

عابتلك شكد تحشش 😒  مممم عوفونه منهم ذولي

شلونكم حبايبيييي اني اسمي سرى وعمري 27 حاليا اكبر من رفل واصغر من حميد يعني تسليلي الثاني
طبعا راح تتعرفون على اطباعي

بلبارتات الجايه وهسه اعوفكم ويه رفوله حبي وينج تعاي .....

ههههه هذولي اخواني وراح اني اعرفكم على ابويه ابو حميد  وامي ام حميد

طبعا ابوي عصبي كولش يعني ميتفاهم حتى اذا غلط وكلمته ماشيه على الجبير قبل الزغير  ودائم اكول الله يعين المامه عليه اما ام حميد فهاي الطيبه الحنونه الي تفدي نفسه لاجلنا ودوم تغطي على اخطائنا في سبيل محد يمسنه جوع روحه وتشبعنه يعني اذا احجي ماكفي ولا اوفي شي ابد

اوهسه يا ضلوعي انتو
ارجع القلم لكاتبتنا فديتهه 😘 ماخجلتني وراح تكتب قصتي متشوقه مثلكم ومنتظره شوكت تنزلهه

ولج كافي شكد تحجين يماااي الله يعينه عليج 😂😂هههه

اي حبايبي تعرفتوو على البطله وعائلته وهسه راح  احجيلكم قصته واتمنى منكم الدعم والتشجيع لان اول قصه كتبته هاي 😊

$كن متفائلا مهما عصفت بك رياح اليأس  $

واحنه بطريق الرجعه من المدرسه ...
رفل ... اوووف ياربي شلون والله تعبت اريد اعيش مثل باقي البنات ليش بس احنه لا بلبيت نرتاح ولا بلمدرسه 🙁ههف

سرى ..شبيج ولج دردمين جنج خبله 😒

رفل ... سلامتج عيني شبيه متكليلي عايشه بلنعيم شرايده بعد 😏

سرى كبر عبالي شو شكو اتعوده وميحقلنه التذكر الصمي واسكتي  😥دكينه الباب 🚪
ام حميد......منوووووووووو.

سرى ورفل.... احنه يوووم 👭

ام حميد ....هلا وكل الهلا ببنياتي شلونه المدرسه

سرى ....شلونه يعني موزينه ومااحبه 😣

رفل ...ممم حلوة المدرسه والاحلة اليوم الي اروح للمتوسطه 😍😍😍

ام حميد ..يلا بدلن قبل ليجي اخوكم ياخذ غده لبو حميد  مابيه حيل يظل  يحجي  عليه خلي اصعد القنينه فوك حتى اخبز مو تلعبن بانار خووش

سرى ...يوم ترى كبرنه والله وانتي بعدج متقبلين نشتغل

ام حميد ... يلاحبيبتي غير اخاف عليجن شعندي غيركم الله يحفظكم الي يارب

راحت امي صعدت تخبز طبعا ابوي ميهمه امي حامل مريضه ماله خلك اهم شي  كلشي حاظر واذا مقصره يكلب البيت علينه 😓ورااشويه اجه حميد من المدرسه

مرحبااا شلونكم
تمام زينين
حميد....وين امي حظرت الغدا بعدهه

ام حميد هااااا يمه هسه خلي اخلص واحضره الك بدل يووم بدل ورا  تقريبا 5 دقايق ونسمع امي تصبح وتبجي  واشوفهه بلدم غركانه ضلينه نبجي وياهه ومحتارين يربي شلون 😭😭

طبعا بيت عم ابويه بصفنه ركضنه عليهم واجتي جنتهم خطيه ويه امي واخذوهه المستشفى ب1998 ماكو تليفونات عدنه واحد من الولد رايحين لابوي ومخبريه واحنه بقينه بلبيت هلموقف مننساه ابد  اطفال

ورا شويه اندكت ............
   

أيا حزن ابتعد عنّي ودع جرحي يزل همّي وإنّي بك يا حزني غير العذاب لا أجني أيا حزن مالك منّي؟ ألا ترى الذي بي يكفيني تعبت من كثرة التمنّي، ولست أنت بحائلٍ عنّي أيا حزن لا تسئ ظنّي، فأنت في غنىً عنّي فلي من الآلام ما يبكي، ولي من الجروح ما يدمي ألا يا حزن أتعتقد أنّني منك اكتفيت ألم يحن الأوان بعد، ألم يحن زوالك يا حزني؟

انتهى بارت اليوم اتمنى ان ينال اعجابكم
ولاتنسوون تصويت حبايب قلبي

اريد دعمكم وياي 😍😍😍