لي امل عند الله

البارت الثالث

ونرجع وياكم بلبارت الثالث

اريد نفاعلكم كرزاتي انتو

الكاتبه .... ام جعفوري

عندما تعصف بك الحياه وتتألم فابتسم هل تعلم لماذا
لانك على قيد الحياه✋

اذا ضاعت كل امالك وضاعت ملامح طفولتك وضاع الحب منك
فأبتسم لان لك قلب محب بالفطره
اذا ماتت كل ذكراياتك ومات معنى اسمك ولم تعرف من انت
فأبتسم لانك تعرف انك انسان

.
.
.
صدك ولج شيسون تعاي كليلي حبابه  😍

سرى ....هاااا هسه صرت حبابه موووو ادري بيج فضوليه  يلا تعاي وراي امشي اراويج 😎

ورحنه اني وسرى وجان اشوف شي اول مره بحياتي اشوف اشوف ثنين متقربين 🙈🙊سووه اول مره اشوفه

احنه عائلتنه كلش ملتزمه بشكل واذا اكو فلم طالع حتلو وحده وطلعت لقطه بيه شي رومانسي

اعمل نفسك ميت ههههه لهلدرجه وانتو حكمو

رفل ..ولج سريوان عزااا العزاج هاي شنووو ويع ويع
مو صوجج اني الحشريه الي اجيت ولحكتج استغفر الله ياربي
😖😖

سرى ...وجع امشي خل نشرد ليشوفونه

رجعنه للغرفه واني افكر بامي وحظه ليش امي هيج بس اهانه وظرب ليش

مايوم سمعناه مدحهه لو سمعهه كلمه حلوه مااعرف شنو الي يمنعه

وهذا الاسلوب خلانه نكره القرب او الزواج من اقربائنه بصورة عامه 😣

طبعا ورا اول شهر مرت عمي شدت ويه امي
وحظي المصخم امي فقيره من تتعارك توكع براسهه

طبعا يدافعون لبت عمهم وامي هع هي الغلطان 

والخانم حامل وتتنسى وامي الي تتطبخ وتنظف
وذيج مدلله

اني من يمي اشوفه هيج اختنك بس مااكدر اسوي شي لان زغيره غير اروح بخبر كانه 😏

وظلن على المشاحنات وحده لحد ماملو كام ابويه وقدم على سلفه ولملم فلوس لعمي حتى يشتريله بيت  ورا اسبوع حصللهم ليت 50 متر اواكثر

وطلعوا بس بقت القلوب مليانه

ومرت السنين على هلروتين

ويوميه اختي تدعي كون تخلص وتزوج

  خابرت خالتي على امي

وكلتله اذا تكدرين جيبي البنات وتعاي

ام حميد ...ان شاءالله خيتي اكل لابو حميد ونجي

خالتي ...اي بلكت اصير القسمه ويخلصن 

ام حميد ... ان شاءالله  هسه على جييه واكفه
يلا الله وياج عيني

ام حيدر ..ها ام مهدي بشري

ام مهدي .. بلكت هليومين يجون واني ادز عليج وشوفيهن

ام حيدر..يلا عيني اودعناكم ونريد خبر منكم

الله وياج عيني

اجه أبويه وكلتله امي نروح لخالتي نسير عليهم
طبعا انطاهه مده ساعتين وكون متتاخر عن الوقت ابد 😏

اخذتنه امي ورحنه سيرنه على خالتي وصاحت لام حيدر

ام حيدر ..السلام عليكم

الجميع ..وعليكم السلام

طبعا بقن يسولفن وعينه علينه اني ابد ماحبيته شكله مسترجله هههههه على حجينه 😂
وصاحبة مشاكل

عجبته سروو وكالت ان شاءالله  نجيكم للبيت

اني بكلبي اي الحمد لله  مارادتني لان شكلي زغيره وكلولهه بعده تدرس

من رجعنه امي الطريق كله تدعي كون متنكشف
جانت تخاف من هلسيره ابد عبالكم مسويه جريمه حتى اذا اجو خطابه النه من الباب وتكللهم ماعدنه بعدهم اطفال 😅  واحنه كل وحده شطولهه

ورا 4ايام  اجوو على ابويه وحاجوه وخالتي هم اجت وياهم

كللهم ان شاءالله نسال ونردلكم خبر فد يومين
ههههههه واليومين استمر اسبوعين وثلاثه 😆

طبعا مخلا مكان ما سئل  عليه فصخه تفصخ
وراهه خابر على خالتي وانطاهه الموافقه
حتى يجون يشاوفون
اجوو وشاوفو وتم القبول

طبعا سرى تخجل وتستحي تكعد يمنه

واتفقو علعقد  وكله هم يجهزون حتى الذهب عليهم

وخابرنه على بنات عمي وعمتي حتى يجن لسرى يجهزنه تسريحه وحفافه  لان ماعنده يوديهه للصالون 🤐😏

واجه يوم العقد  وطبعا اجو ناس هوايه منهم
وناسنه هم بيتنه ماكفه لان زغير 100 م

بس الوضع ماعجبني وامي كلش مقهوره والدمعه بطرف عينهه
رحت اسئله وجان تنزل دموعه قبل جوابه يمه رفوله خالتج ..... .........
.
.
.

اريدك يافرج بس ارد احاجيك ....

كل ايامنه تمر سوده اسود من ظلام الليل

كمطنه الحزن واحنه زغار ماندري شوكت نفرح مثل الناس 😧

الى هنا ينتهي البارت الثالث انتظروني بليل انزل البارت الرابع
ياريت الي تقرة القصه تحاول صوت او تنطي رائيهه
فديت كرزاتي

مع تحياتي