#شريك_احلامي#..البارت الثاني بقلم غدير وسام
بابا ..دمشي امشي باجر اطلعكم .
ماما .😂😂
غفران .باوعت لخواتي.الله يخليني ويطول عمري لوما اني .جان انتو اكبر حدايق .
بيومها العصر جوي اهل غيث . وتعارفو العائلتين . غيث وحيد اهله على خمس بنات وراح يكعدون بشقه قريبه على اهله بلكاظميه سوسن فرحانه كلش .اتفقو على كلشي ومشيتها تحددت يوم الاثنين يعني بعد ٣ ايام . نبع الحنان دخلتنا انذار . وطبعا طلعتي تكنسلت . بس وين يروح مني بابا الى اطلعها منه رحتله ..جيب فلوس
بابا ..شكو ..
غفران ..تعويض . على الطلعه بعد نبع الحنان للباب متخليني اطلع فانطيني حقي ناشف . جنت مقرره اكل موطا ..هاي ٥ .وبيتزا هاي ٢٠ . واشرب عصاير و ببسي واكل كرزات هم ١٠ الحاصل جيب جيب ٣٥ تحت الحساب لمن اتذكر شريد اشتري بعد .
بابا ... لا والله
غفران ..وداعت عبد الله .
بابا .. روحي باجر انطيج .
غفران ...باجر .يتحملن فوائد كل يوم تاخير ٥ الاف ((((غدير وسام ))))
بابا ..دروحي تلكين المحفظه بلغرفه اخذي شتردين .
غفران .. فطيتك .باباتي
ثاني يوم ماما راحت للسوك . اشترتنا فساتين . حتى تتفرغ للبيت .سوسن .ام زوجها مقبلت تكفلت هي الصالون والفستان على ذوقها .جابتلي فستان. شرابي . قصير . صدرة خفيف . ونازل منفوش من جوة وبي حزام ذهبي . وشعري مقبلن يسرحليا .
نور تعالي سرحي شعري .
نور ..دروحي .يرالدلج حيل .
هديل ..ما عيني يتعب شعرج .
رحت لماما ..😭بناتج الئيمات ميقبلن يسرحن شعري
ماما ..سوي انتي
غفران ..ماكدرله .طويل
ماما ..والله هو سرح ميحتاج عوفي . واصلا ماريدج تفتحي يروحون يحسدو .
غفران .. خب حضي .رحت لبابا ..كله منك .لو تخليني اكصه
بابا ..ها شكو هاجمه عليه .
غفران ..كلمن رتبت نفسها واني ميقبلن يسرحن شعري
بابا ..تعالي اني اسوي الج .
بسته من خده . اموت عليك .. جبتله الكاويه . وكام يسويلي بي
ماما ...ها عيني .. انا بشيبي لادك حناها .
بابا ...هههه هاي غفورتي .بزر الكعده .
ماما ..لعد بعرسها شتسوي .
بابا .. مانطيها غفوره تبقى عد ابوها مو باباتي
غفران .. طبعا .. شسوي بلزواج بس اذا يشبهك اقبل وانت ماكو منك اكلك بابا ..اشو انت خبره ..مسرح شعر ماما لو غيرها .
بابا ..لا غيرها بابا لان امج ميبستها علينه
غفران ..لاتحجون بلالغاز ترا افتهم. مو صغيره
ماما ضربتني .. وخزرت بابا
كملي شعري .باوعت ..عاشت ايدك ابو غفران طلعت صاكه حضر نفسك باجر العرسان . كتل
نور ..حض الزرك غير .
بابا ..خزرها .شنو هذا الكلام
غفران ..عوفها بابا ..هاي مقهوره مضغوطه .. اي زركه وافتخر فتت للغرفه اجت شفتها . كتلها شكو . .الصفره العوبه البلكه 🤑.
نور ..احسن .من الزركه .. 👐 بيوم الخطوبه ..الكل مخبوص واني محتاره بنفسي .
ماما ..بنتي . تعالي .غسلي هاي المواعين .
غفران .. جيت ماما .. اني وبت عمي شفاء . رتبنا المطبخ .ورحنا لغرفتي .مكيجنا ولبسنا فساتينه فتحت شعري .شفاء ..ماشاء الله شعرج يخبل صاير
غفران .. عيونج الحلوة .حبي .كدامج اخذي
شفاء ...يله نتبادل .
غفران .. ههه يله ..فتحت الباب ماما بيدها كلاده زركه لبستنياها . .
بله كل عقلج .عايفه بناتج الشكر وخايفه عليه اني الزركه
ماما ..ضربتني .اش .كملي واطلعي ساعديني ..سمعت صار صوت وهلاهل عرفت وصلت سوسن .. شفاء ..امشي بسرعه .نشوف العروس
نزلنا ركض .اغلب اقربائنا واصلين سوسن .لابسه فستان ذهبي . وتسريحه . بس مبالغين بمكياجها مضيع شكلها كله معجبتني .(((غدير وسام))
ماما ..غفران ..غفران
نعم .. رحت . كالت ماشاء الله .حبيبتي تعالي .جهزي الكيك شويه جوي اهل العريس.. عقدولهم واجه يبلسها الحلقه والذهب صورتهم . وقدمنا الكيك والعصير . غيث مبين كلش ثكيل وخجلان صاير دم وعركان .. باركتلهم . ومنو اقدملها تكلي انتي اخت العروس .تمت خطوبت اختي على خير . وزواجها خلال شهر اني وشفاء متواصلات تلفونات وتجينا ومرات بابا يودينا الهم تزوجت .سوسن . وزواجها من رجعنا كلبناها مناحه بابا يسكت بينا بعدين متحمل بجى ويانا . خطبنا بنت عمي سهى لاخويه الجبير فراس اخت شفاء .والكبد . اصيل . جان حلمي .. لان شخصيته غامضه وحنين رغم عصبي . جان حيل حريص علينه كلنه يعاملنا مثل خواته واني لان صغيره تعامله يختلف ويايه ميقبل احد يحجي ويايه لو يتعرضلي .
شفاء ..شنو اخبار .اصيل
شفاء مبقاله شي . ويرجع .
غفران . اها.. شوكت
شفاء . عن قريب.لا ن ماما تريد تزوجه .تريد تخطبلهم هو ونبيل سوة .
غفران ..عيوني كامت طلع كلوب يمه الكبد 😍😍
شفاء .. بعدج تحبي
غفران ..ها😲😲😲😲🤤
🌸🌼🌻🌸🌵🌻🌴🌵شنو رائيكم بلبدايه .شجعوني .حتى اكمل .جماعة الواتباد تصويت فديتكم
