شريك_احلامي# تكملة ال١٠
.بقلم غدير وسام 👇البارت نتعرف بي على اصيل
اصيل 🌸🌸🌸🌸🌸🌸عمري. ٣٠خريج .كليه عسكريه . وتخرجت ظابط . بس .هذا ظمن تكتم من اهلي .اولا امي .عدها ايمان بلحسد وثانيا الوضع بلبلد جان موامان شكلي .. طويل ١٨٠ .ابيض .عيوني جوزيه .وجي مدور اكيد من التدريب .والعسكريه محافظ على لياقتي البدنيه احجيلكم هسا .على مصيبتي الي هي احلى مصيبه غفران ..غفورتي حب حياتي جنت اشوفها شي مميز من طفولتها شكد اخواتي واخواتي .يحاولون يغثوها وينبذوها جانت مسويه لنفسها جو وشخصيه .مخلت احد يأثر عليها بلعكس خلت الكل يحبها ويحترمها . ودمها العسل .احب روحها المرحه كلشي تحوله لشي . طريف . ومحبب حتى مرات تشوفها مجروحه والحجي يمكن ياذيها رغم هيج تسوي موقف مضحك وتخلي لكل يضحك ويحبها اكثر بلمختصر تحول كلشي لجانبها . حبيت شخصيتها مشفت اي بنيه مثلها بس جان فرق العمر بينا جبير . هي طفله وجنت اني شاب . بحكم اهالينه تزوجو بفتره متقاربه .وصرنا بنفس الاعمار .كلنا لان تقريبا اهلنا بنفس السنه تزوجو فبينا اني وفراس . والبقيه اشهر . جانو اهلي من يرشحولي للزواج اخواتها الاكبر واني ارفض . التهيت بدراستي وتخرجي وبعدين تدريبي وتعيني بلجيش . مرت السنين واني احاول ابعدها من تفكيري .خصوصا بعد ماصارت مقاطعه بينا وبينهم لان عمي رفض ينطي سوسن . لمهند .فجدي عصب وقاطع عمي وعائلته واحنا هم .ابتعدنا بس تفكيري بقى بيها فتره جان وياي .ولد صارت مشكله واني ساعدته .. فصارت بينا علاقه حلوة وصداقه كلش قويه فكرمني اخته بس اني غلست. بس الولد جان هواي . يلح .عليه اتصلت امي كالت تصالحنا وخاطبين هديل لمهند .وسوسن متزوجه ولد غريب . قررت ارجع .لان جنت الاجازة اخذها اطلع لاربيل او مصايف واهلي كايلين انو اني اكمل دراسه بره كله تفكير امي مرات اشتاقلهم من انزل تسوي عليه تعتيم . متكل لاحد .حيل تخاف عليه .المهم رجعت للبيت .وكتلها بعد اخذ راحتي اريد اتفس شنو مجان خوف من اهلي بس مجنت احب اتواجد .واحاول انسى غفران
ام نبيل .....بكيفك حبيبي
اصيل ..الله يحفظج اليه .ارتاحيت كم يوم .كعدت ضايج الوالده كالت روح لشفاء جيبها من المدرسه
بدلت خذت السياره ورحت للمدرسه
شفاء....... .هلو اصولي اليوم انت جاي
اصيل ..يله صعدي شلونج
شفاء زينه ..باوع ذيج .غفوره .خلي ناخذها ويانه
اصيل كلبي .طفر من مكانه ردت اشوف شكلها بعدها سميره وحلوة دكيتلها هورن .ابد ملتفتت بعدين صرت بصفها .صاحتلها غفران .باوعت .هاي العيون الي ادوخ بيهم .وهاي الانفه الي اعشقها دارت وجها بتكبر ومشت ولاعبرتنه اصيل هاي شبيها اوكفي خلي اصيحها كتلها غفران تعالي .شفتها تفاجاة من كلت اسمها سرعت خطواتها وركضت بس شنو .جيب بطن واشبع ضحك
لج هاي شنو كل عقلها زين مشافتج
شفاء اكيد مشافتني
اصيل بس والله سباعيه وعاشت ايد عمي على هالتربيه بعدها ثكيله بره
شفاء..منيه الثكيله .عمي هاي قرد بهيئه بشر .لاتشوفها هيج بلشارع .
اصيل ..هذا 👈الي قصدته .بلشارع ثكيله .وبلبيت براحتها شتسوي تسوي
شفاء تقدملها ولد يصير اخو صديقتها واقفنا عليه بس بينا كا.العاده امي احد الى ان تصير صدك بعدها تخاف
بقت صافناتي بغفران صايره مره بس .ماعرف شسوي اخاف بالها مو يمي . واعيد شغلة الخلاف وهمه هسه تصالحو
ورا كم يوم امي م كالت خالتك وعمك عازميك على عشا .وفعلا رحنا .جتي لابسه فستان وردي مكدرت اباوع عليها اخليها تندار واشبع منها محبيت ابين مشاعري الها . ظلينا نسولف اباوعلها نفس الاسلوب الحلو بلحجي صارت خطوبه .شفاء تجهزنا نستقبلهم الكل جمع يمنا فتت للمطبخ .ردت جاي اليه وللولد .امي كالت غفوره سوي جاي لاصيل .اباوع بدت تحضر .ياربي ردت اروح احضنها وابوسهه .متحملت طلعت .شويه واشوفها باب المطبخ .والولد كلها متجمعه يمي رحتلها صيحت عليها وفوتتها . امي .مقبلت كالت ماكو احد غريب
اصيل ..اي ميخالف بعد لاتطلعين
اسمعها تكلي صار صهيل .متت ضحك كتلها سمعت بس عديت بمزاجي
من جانت صغيره واغثها تكلي صهيل .ارجعلها تكول صهيل الحصان .مو عليك واني اعرفها تقصدني .كم مره انبسطت ومتوب . رجعت لدوامي والولد .حاجاني على اخته انحرجت .منه .بدا يلح .على الخطوبه واني اتهرب منه بلباقه بعدين كتله .احب بنت عمي
محسن ...ميخالف شكو بيها الشرع حلل اربعه
اصيل .... ههه يمعود هسه خلي نزوج وحده ولاحكين
محسن ...والله اني حبيتك واريد تقوا علاقتنا .
اصيل ..الله كريم .شسويت على شغلتك مالت الفصل .ما تصالحتو انت وزوجتك
محسن ....لا اصيل ..صعبه الخيانه . انت تدري عرفت بيها عدها علاقه ويا واحد .وهسه هي واهلها فروها علينه وفصل .لوماانته نطيتني فلوس جان هسه تنحجي حجايتي
اصيل ...يمعود الفلوس جوة رجلك بس لخاطر اطفالك
محسن .. اطفالي عدي مانطيهم لهيج وحده تربيهم .
اصيل ... الله يستر على امة محمد
محسن ...والله يااصيل ..اريد نصير نسايب .واني ناطيك اختي .بعد لاتحجي وهاي .ارد بيها جميلك
اصيل ...سكتت شحجي ويا هو مكسور خلي فتره واكله مترهم .
بس كام هواي . يحاصرني وكلش خجلت منه ماكدرت احجي شي .بيوم اصر يعزمني . ورحت يمه للبيت .خلاني امام الامر الواقع كدام اهله .جاب اخته كال .هاي صبا .شوفها تكبع وتاخذ .رجعت اضرب اخماس باسداس
مشكيت بي ولالحضه لان انسان طيب .هذا تصرفه من حبه الي اعرف كلش زين مكدرت بعد وصارت
.وتمت خطوبتي بس انتبهت بخطبتي تصفن وكلساع تختل والعيون دم .وخشمها احمر رغم هو شكدوته صار جبير من كد متمسح بي .لج راح تشلعي ربي الحلو هسه لو خشم مثل البشر .ضليت بس اباوع عليها حلوة طالعه هسه لو انتي هنا والحلقه بايدج مو بيد صبا .تخيلتها هي بست راسها واباوع عليها .جنت قبل من اسمع واحد فاقد يكول اتخيل اضحك وماصدك الى ان صارت بيه . بعد فتره ابويه اخذ البيت الي بصف عمي كلش ارتاحيت . والبيت هم جان مطل عليهم يعني لو ماخذه غريب يشرف عليهم بكلشي .رغم هما مسترات حتى كدامنه الحجاب كامل.
بعد خطوبتي بفتره ..كام يدك عليه رقم غريب . جاوبته جانت بنيه ..
السلام عليكم
اصيل ..وعليكم السلام
.... حضرتك اصيل ..
اصيل .. نعم .تفضلي
👩💼انت متعرفني بس اني اعرفك اني زوجة محسن صديقك
اصيل ... اهلا وسهلا محتاجه شي
👩💼...اني . مظلومه .واتصلت بيك اريدك ترجعلي اطفالي .واحذرك بنفس الوقت
اصيل ... تحذريني من شنو
👩💼...شوف .اني مراح افوت بتفاصيل ..راح اكلك شي .صح اني .جنت على علاقه بواحد بس اريد اكلك منو عرفني عليه وشلون
اصيل ...اختي ..اني شنو دخلي
👩💼بلعكس .الك دخل . الي عرفتني علي صبا .لان جان الولد الي تحبه وجابت رجلي وياها حتى تطلع ويا من خلالي .
طبعا ..ضحكو عليه هو وهمني بلحب . وهي جانت تكلي .شكو بيها .
اصيل ... ماصدك ..
👩💼اذا .تحب اثبتلك
اصيل ... زين ليش هسه جايه تكليلي
👩💼.. اريدك ..تفسخ اريد احرك كلبها وافضحها عبالهم سدوها بينهم وبين العشاير اسكت لا .واي واحد يخطبها اكله وراح ادزلك صور وسكرينات .
اصيل ...انتي .وحده زباله لاتتصلين بعد
احتاريت شاسوي .بس هاي صارت محسوبه عليه وعرضي .وهم صديقي هذا ..
هاي دزت صور ورسائل ..رحتلهم للبيت . خجلان صعبه شحجي بس مضطر وبنفس الوقت احس انضحك عليه ..
.اصيل.......محسن .. زوجتك اتصلت ..هو وجه صار اصفر ..
محسن ....هاي جذابه .لاتصدك
اصيل ... اني مو اصدك او لا .بس ياخي هاي تشهر لازم تشوفلك حل
محسن ...شلون .
اصيل ... باوع .اني لهنا تعذرني .ماكدر ارتبط باختك . لان انتو قشمرتوني . بس اساعدك . بشي لازم .تاخذ منها الصور .
محسن ......دبرني ..
اصيل ...هي تريد ترجعلك .. وتريد اطفالها .سوي نفسك .تريد تفتهم وياها .تريد تشوفها ..واخذ منها التلفون
محسن .... اصيل ..داخل عليك ..ماتشهرني .ولاتفضحني
اصيل ... سدك امين . بس تعذرني
محسن .. هي هاي الكسره .الي احجي عنها . لان راح تخليني اموتها واخلص
اصيل ... اخلص من الصور ونتفاهم
محسن... .... شعدها من صور هي .
شوفته الصور .. راح جرها .هي ختلت عندي
صبا .. دخيلك اصيل .. جذابه هاي تتهمني .
اصيل .. عوفها مالك دخل بيهه
محسن .... والصور الودتهن .
صبا .. ...جذابه والله .
اصيل ...عوفنه محسن .. اريد احاجي صبا ..
اصيل....احجيلي .ضربتها راشدي ..
صبا .. والله ماعندي شي .كشفتها وذبت عليه تهمه
اصيل ...باعي لج هاي السوالف متعبر عليه .كولي .الصدك
صبا ....والله راح اكلك بس .بستر خواتك لاتكللهم
اصيل ...احجي
صبا ... هي جانت .. تطلع هوايه .بعدين ..محسن وامي .مقبلو على طلعاتها شكو بيهه .فمحسن كال طلعتها للضروره واله اني لو امي وياهه هي كامت .تكلي .اخو صديقتها شايفني . ومعجب بيه ويريد يتقدملي .بس يريد يتعرف عليه .اني مقبلت بلبدايه .بس هي كامت ترغبني .
تكول ..متخبل عليج .ويريد بس مره يشوفج .. بيوم كالت تعاي بدلي ومكيجي وهو يجي يشوفج من الباب .وفعلا اني بديت اتقبل الفكره . وشفته عجبني .وراها بدت تلفونات وطلعات .بس جنت احس بينهم شي هي ويا .فسحبت نفسي
اصيل .. بس .
صبا ...جيب كتاب الله احلف عليه هي .مو اني .
اصيل ...اني اصدكمن هسه . كومي. لاتخليهم يشوفوج اليوم .
محسن ....بدا يتحايل عليهه واخذ منها الفون . وفرمته .وعرفنه ذاك الي جانت عدها علاقه بي هم عنده نسخ .رحناله كتله غسل ولبس .وسجن .واخذنه منه التلفون . وراها كتله خلص .
صبا ....اصيل ..عفيه لاتعوفني .صدك غير التلفون ومرتين مطلعت ويا ايدي ملزمها بس دزيتله صوري
اصيل .... شوفي ..اريد اكلج شي .اني احب بت عمي .والصراحه استحيت من اخوج وافقت على الزواج . بس هسه تعذروني .. طلعت ..شفت نظرة انكسار بعين محسن . دمرتني .رجعت للبيت . بلغت اهلي راح افسخ بس اهلي واجهوني بلرفض . واني ماكدر .
.وهي طفله تتزعل وتريد طبه وطلعه واني دوامي ميسمح بس مقبلو خصوصا امي .
بلليل . جنت نايم دك تلفوني .محسن .كال صبا .شاربه حبوب . ومحاوله تنتحر . رحتلهم ..
محسن ... بيش تريد .احلفك . تستر علينه
اصيل ....محسن .صدك تحجي ليش استر عليكم ترا ماصار شي. والموضوع لمينا
محسن ....صبا .محد يزوجها و. انت صاحب فضل .تتم فضلك للاخير .
اصيل ....صار . تحسنت صبا ..كتلها احنا راح نتزوج بس اني كتلج احب بت عمي قبل .جنت اعتبرها طفله .واخاف افتح عيونها على سوالف الحب . ومرات اكول اخاف ترفضني بس هسه عرفت هي تحبني .جنت ناوي افسخ وازوجها بس انتي منطيتيني مجال
صبا ... اذا .تريد تتزوجها ماعندي اي مانع انت فضلك عليه
اصيل .. خليها ابالج .احبها وماريد يجي يوم وتكولين .مكتلي .لو كسرتني اني ابلغج ترا انتي تختارين اذا ممستعده كولي لان مستحيل بيوم انساها حتى لو ماصارت اليه مشاعري تبقى هي هي
صبا ...موافقه
اصيل ... صبا ..سوالف مكسره ماريد طلعه طبه ماريد .تلفون ماكو ...واذا اشوف زله هلكد متلومين اله نفسج
صبا ...مثل ماتريد .
طلعت ليش كل ماينفتح باب ينسدن عشره . غفران .وشفاء
