تضحية بلا مقابل

من اجلها استشهد (حبيبتي)

***تضحية بلا مقابل ***            *
                                                    *
                                                    *
**من اجلها استشهد **               *
                                                    *
*الكاتبة شمس *                          *
                                                    *
*  *  *  *   *  *  *  *  *  *  *  *  *

صادق : اسمي صادق من محافظة البصرة طولي 170

جسمي معضل شعري اسود وعندي لحية حاليا اني

طالب اعدادية صف الخامس احيائي احب بنت عمتي من

اني صغير وابوي حاجزها الي والكل يكول زينب ل

صادق وصادق  ل زينب بحيث زرعوا هذا الحب بكلوبنا

فصرت اني فتى احلامة وهي فتاة احلامي هسه هي

بالرابع علمي بس شطورة بالمدرسة ومهتمه بدراستها

هي بيتهم يصير بنفس المنطقة بينه كم بيت هي دائما

تجي يم اخواتي واني اروح بحجة اخوانها واشوفها .

زينب :اني اسمي زينب طالبة اعدادية شعري اسود

وطولي 155 وزني 60 احب ابن خالي   من احنه صغار

واملي من اكمل دراسة نتزوج فاني دائما ادرس حتى

ما اعيد سنة ويتاخر زواجي لدرجة صرت اني الاولى

على المرحلة دائما جنت اروح الهم بحجة البنات واشوف

صادق واسولف ويا بدون ما احد يشوفنا هو جان مو

كلش شاطر بالمدرسة بس ينجح  دائما جنت اكولة انجح

لخاطري مو علمود شي جان كل همنا انو ننجح اني ويا

ونتخرج علمود نتزوج .

صادق:اني ما احب المدرسة بس انجبرت اكمل دراسة

لان زوج عمتي يريد ازواج بناته كلهم خريجين علمود ما

يفرق بيناتهم فجنت ادرس بس لخاطر زينب وهي دائما

تشجعني انجح علمود نتزوج وصلت نتائج اخير السنة

واني نجحت للسادس وهي راحت للخامس احنه اثنينة

طرنة من الفرح لان خلصت سنه وما بقت بس سنة

ونتزوج فجنت فرحان لنجاحنا رحت كلت لابوي كتله بعد

لازم تخطبلي زينب اني صرت بالسادس والبنية كبرت

وخاف تروح من ايدي وبس هاي السنة اكملها ونتزوج

وهي تكمل دراستها عدنا بعد مانتزوج .

ابو صادق :اي خوش راي  اني راح احاجي عمك

وانشوف بعد ليش البنيه تضل معلكه حتى اذا ما وافقت