اهلا بكم في قصة جديدة من قصص شهداء العراق
انقلها لكم بشديد الحزن والاسى معكم من جديد مع قصة الشهيد حمزة من شهداء الكرادة.
.............................................................
حمزة ..اعرفكم بنفسي اسمي حمزة عمري24سنه مرحلة رابعة كلية ادارة واقتصاد احب وحدة من المرحلة الاولى وياي راحو اهلي خطبوها الي من المرحلة الاولى بس اهلها ماقبلوا تتزوج الى ان تتخرج رجعت خطبتها حوالي خمس مرات بس اهلها مصرين تكمل دراستهاجنت خايف لا تروح من ايدي لان اكيد اموت وراها هي بالنسبة الي الهوى الي اتنفسة بس الحمدللة وصلنة للمرحلة الرابعه ورحت خطبتها قبل الامتحانات والحمد لله اهلها وافقوا واليوم خطوبتي واخيرا راح اخطب البنية الي احبها والكاع ماشايلتني من الفرح اخواتي واخواني وامي وابوي كلها فرحانة الفرحتي طبعا نسيت اكول عندي اخوات ثنين ممتزوجات واخوان ثنين سيف متزوج وعلي اصغر من عندي بعد مامتزوج بس كلنا كاعدين بنفس البيت طبعا اليوم كعدت من الصبح اركص على كبر فرحتي .
هبة ..اسمي هبة عمري 23سنة طالبة ادارة واقتصاد مرحلة رابعه كلية ادارة واقتصاد اني البنية الوحيدة لاهلي من بين اربع اخوان فاني المدللة بالبيت اخواني متزوجين وكل واحد بيت بس اني كاعده وي امي وابوي بيتنه تعرفت على حمزة وحبيته من المرحلة الاولى واجة خطبني بس اهلي ماقبلوا الا اكمل دراسة اخذو الدراسة عذر لان ما يتحملون ابتعد عنهم اني ضليت الح عليهم بس جانو مصرين اكمل بعدين اتزوج خطبني حمزة اكثر من مرة وابد ما مل وياخذلة فترة ويدز لاهلي احد ثاني يخطبني بعد ماضل بيدنة شي صبرنة الى ان اجت المرحلة الرابعة فرحنه بيها هواية لان خلص راح نتزوج بعد العناء الطويل وجانت فرحتي كلش جبيرة لمن نجحت للمرحلة الرابعة وكمت اكمز واصيح من كثر ما فرحت وصلنة لنهاية السنة قبل الامتحانات كالي حمزة راح ادز اهلي يخطبونج حتى هم ياللة نبدي تجهيزات العرس واول ما نعطل نتزوج كتلة بكيفك رحت كلت لاهلي ماوافقوا كالو لايجون بيومها شبعت بجي وكلتلهم بعد ما اتحمل راح انتحر ولزمت السجينه وخليتها على الوريد قررت انتحر بس لزمتني ماما وبابا كال لا تأذين نفسج اهم شي عدنه انتي كوليلهم يجون اني ضليت ابجي من الفرح كمت ركض خابرت تلى حمزة كتلة يكول بابا خل يجون احنه موافقين سمعته كام يصيح من الفرح ذب الجهاز وركض لاهلة امي سمعته شلون فرح باستني وكالت اللة يوفقكم فرحت هواي من اهلي وافقوا العصر اجه حمزة وجايب اهله كلهم حبيت اخواتة وامه حبابات وشكلهن يحبني كالو بعد باجر العقد كالهم بابا اني عندي دوام بعد باجر كالولة خليها على باجر جان بنفسي اهلهل من الفرح بس امه واخواته كاعدات اتفقوا وي امي على الحفلة وكالت اخته باجر اروح وياج للصالون فرحت لان ما عندي اخوات لهذا اليوم كلتلة علواة اتونس وياج راحو رحت نمت فرحانه وخبثت وي حمزة قفلت الجهاز كلت اذا خابر يضل يسولف واسهر وعيوني تتعب نمت كعدتني امي الصبح سبحت وتريكت واجونة اخواني ونسوانهم التهينه نضف بالبيت وامي خابرت اقاربنه عزمتهم وابوي هم ملتهي يخابر اعمامي واخوالي كملنة شغل كالت امي روحي ارتاحي نسوان اخواني هم كاللي روحي رحت للغرفتي فتحت الجهاز شفته متصل البارحة ضحكت اتصلت علية مارد دزيتلة رسالة هلوو حبيبي شلونك .
أنت تقرأ
تضحية بلا مقابل
Short Storyهناك مواقف في هذه الحياة تتطلب التضحية لكن للكل تضحية هناك مقابل لكن ليس في هذه الحياة وانما وفي الحياة الاخرة فناك اشخاص ضحوا بأنفسهم من اجل وطنهم ولكن لم يحصلوا على مقابل ولكن يحصلون على مرادهم في دار الاخرة بجوار ربهم** ...**...**هؤلاء اولاد...
