مرحبا رجعتلكم بقصة جديدة.
ان شاء اللة تعجبكم ..
.................... احباب كلبي ................
مرحبا اني اسمي منى راح احجيلكم عن قصتي وكلشي صار بحياتي بحلوها ومرها راح تعرفون الشخصيات من خلال القصة .
علي.السلام عليكم اني علي ابن عم منى وتكدرون تكولون هي صديقتي من الطفولة ومعرتها مثل معزت اخواتي واكثر هم بيتهم قريب علينة كل يوم اروح الهم وهم يجونة ومن اروحلهم اكضيها سوالف وضحك وي منى واسراري كلها عدها وكذلك اسرارها عندي موكلتلكم اختي الي ماجابتها امي صح اني عندي اخوات اثنين بس ما اسولف وياهن بكثر منى لان اني جنت صغير وهن تزوجن فما عايش وياهن وماعندي ذكريات طفولة وياهن وحدة من اخواتي نور الي هي اكبر من بسبع سنوات تزوجت اخو منى وراحوا عاشوا بغداد لان شغل حسن ببغداد واختي الثانيه هناء هي اكبر من نور بسنتين تزوجت واحد من اقارب امي بس بعيدة عن منطقتنه شوية وهسه عايش اني وامي وابوي بس بحيث احس نفسي وحيد بالبيت فاقضي اكثر وقتي بيت عمي ابو حسن لو بيت صديقي احمد لان عايش بس هوة وامه ابو ميت وهو صغير وضلوا وحيدين هاا ونسيت اكول اني طالب هندسة المرحلة الرابعة وعمري 24سنة .
احمد.مرحبا اني احمد صديق علي وهو ضلعي طبعا احسة هو عائلتي لان اني ماعندي اخوان وعايش وي امي ابوي توفة واني صغير يعني ماشفته وامي اهتمت بية الى ان كبرت طبعا راتب ابوي صار النه امي جانت عايشة وي بيت اهلها بس لما صرت بالمدرسة وكبرت بدوا يلحون على امي تتزوج واعمامي مهدديها اذا تتزوج ياخذوني من عدها ضلت امي تعاني ضغوط من الجانبين بس اصرت وماتزوجت الا ان صرت بالسادس ابتدائي وصارت مشكلة بيني وبين ابن خالي وكبرت المشكلة وصارت بين اخوالي وامي وكبروها (اونكدر نكول انو كل واحد طلع الغل الي بكلبة على امي ) وضلت امي دافعلي فخيروها اما توديني لاعمامي لو تطلع من البيت وجدي جان مساندهم برأيهم فأمي اخذتني وطلعنه من البيت بس مانعرف وين نروح طبعا امي جانت صغيرة وحلوة عمرها تقريبا31سنة جانت خايفة من الي راح نمر بي بس سوت نفسها قويه واني مع صغر سني بس جنت سند اله وجنت فاهم كلشي يصير اخذتني لبيت عمي الجبير وضلت تبجي عدهم وسولفتلهم الي صار على امل انو يساعدونها بس جانت الصدمة انو من جواب عمي لحد اليوم ماناسي الي كالة من كملت امي كلامها وانتضرت يرد عليها وجان جوابة صادم.
عم احمد.كاللها اي وهسه شتريدين مني الفيج بيتي يعني شدراني انتي شمسوية من سودة وانتي ارملة ومالج رداد يردج وبعدينا اكو وحدة اهلها يذبوها بالشارع لهيج سبب اذا ما مسويتلها عمله جبيرة اهلج ما لفوج تردين انة الفيج يلة كومي اطلعي من بيتي بلا مطرود ضلت امي بس تبجي ومصدومة ماتعرف شنو تجاوب وترد علية وكالها يلة اطلعي من بيتي وجيبي ابن اخوي بعد مالة رجعة وياج وجرني الة وضلت امي تبجي وتجر بية وهو يصيح عليها اني كرهتها من كل كلبي طلعت امي وانة ضليت ابجي وراها واريد اطلع ماخلاني
أنت تقرأ
تضحية بلا مقابل
Short Storyهناك مواقف في هذه الحياة تتطلب التضحية لكن للكل تضحية هناك مقابل لكن ليس في هذه الحياة وانما وفي الحياة الاخرة فناك اشخاص ضحوا بأنفسهم من اجل وطنهم ولكن لم يحصلوا على مقابل ولكن يحصلون على مرادهم في دار الاخرة بجوار ربهم** ...**...**هؤلاء اولاد...
