ثمرة خطيئتي

البارت الثامن والعشرين والاخير

#ثمرة_خطيئتي
#للكاتبة_إيليا_محمد
البارت الثامن والعشرين

..فتحت الباب وطبيت للدكتوره

..اهلا ياسمين

..اهلا بيج دكتوره

..بعدج  مصممه تشوفين التقارير

..اي نعم

..تفضلي هذني #للكاتبة_إيليا_محمد

..عمر واكف وكلبي يدك سريع من الخوف خايف ع ياسمين مااريدها تتاذى

بقيت واكف كبالها اشوفها تفتح بالتقاير طلعتهن وضلت

تباوع عليهن شفتها صفنت فتحت عيونها ع وسعهن بعدين اغمى عليه ووكعت

ياسمين ياسمين حبيبتي

الدكتوره..لاتخاف مابيها شي

ياسمين..جان حياتي واكفة ع حافة شعراية يعني لو هذاك

الحقير مغتصبني جان انتحرت بدون ميرفلي جفن ع اي احد

حتى ع ابني ايهم بس من شفت التقارير الف حمد وشكر

الك ياربي ماكو هيج ويمكن من خوفي لو من فرحتي اغمى عليه حسيت عليهم يذبون عليه مي يبا وعيت ع نفسي

عمر..انتي بخير

..اي بخير مابيه شي

الدكتوره..لاتخافون ماكو شي بس ضغطها شويه هبط وتكدرون تطلعون هسه

ياسمين ..ماشي دكتوره اشكرج تعبناج ويانا

..واجبي هذا

..طلعت من المكتب داتمشى

عمر ..اطيني ايدج استندي عليه

..مداعي اني تمشي

..ياسمين ليش تعامليني بهالطريقة

..تعبانه اريد اروح للبيت وصعدت بالسياره وسديت الباب

..تصرفاتها جانت حيل غريبه حقها المرت بي مو قليل

..اول موصلت للبيت خطيه اهلي فرحو بيه

الام..يمه الحمدلله ع سلامه حبيبتي

..الله يسلمج يوم ورحت بوست ابويه ايهم جان نايم باوعتله

ودرت وجهي وصعدت للغرفة مع انو احس نفسي مشتاقتله

بس داخلي يرفض يروح يحضنه صعدت لغرفتي سبحت

وبدلت ونمت ورة ساعه حسيت ايهم يبجي المفروض

بهيج حالة اكوم اشوف ابني شبي لكن مااريد انزل من صارت

الحادثة بسبب مسعود أتذكرت انو ايهم صار بسبب اغتصاب لااكثر

اني جنت رايده يزن ومجنت حابه اعيش الحياه هاي  حطيت

المخده ع اذني حتى مااسمع صوت ايهم ونمت وكمت ابجي