ثمرة خطيئتي

البارت السادس والعشرين

#ثمرة_خطيئتي
#للكاتبة_إيليا_محمد
البارت السادس والعشرين
..هففف نسيت تلفوني جزادني بغرفة التبديل

..لاابقى اني اروح اجيبه

رجعت دااريد اجيب الجزدان جانو قلة من المعازيم موجودين

ام ندى..ها خاله ياسمين خما مضيعه شي

..لاخاله حبيبتي جزداني حطيته بغرفة التبديل هسه اجيبه واروح

..ماشي حبيبتي

.رحت للغرفة فتحت الجراره واخذت الجزدان داالتفت شفت يزن كبالي شهكت

يزن..ياسمين!!

..هاااه خير خما اكو شي

..اريد احجي وياج ياسمين

..شتحجي وياي مابيناتنا حجي احنا من رخصتك

..ياسمين اترجاج اسمعيني

..اترجاك خليني افوت بعد عن الباب

..لزمتها من ايدها ياسمين بس اسمعيني فدوة

..نزل ايدك عني ونترت ايدي ووخرتها عنه

..اوك اوك ياسمين اني ندمان صدكيني مااعرف ليش تركتج

خلينا نرجع سوة الله يخليج ادري بيج بعدج تحبيني

..اي حبيتك وحبيتك من كلبي واليوم من شفت ندى وسنان

تذكرت وعدك الي من اتفقنا نعرس سوة الصديقات وانت وسنان

..ياسمين احبج والله ومستعد اخطبج هسه بس اطلكي من زوجج

ياسمين....غمضت عيني اتذكرت كلشي صار بيناتنا ماانكر

انو اني لحد هسه عندي مشاعر تجاهه وحنيت اله بعد ماعرفت

انو عمر هو الاغتصبني معقولة نرجع مثل قبل اني ويزن معقولة اكدر اثق بي من جديد

..شو ساكته ياسمين احجي

ياسمين..والله بطران انت ممكن تبعد عن الباب اريد اطلع

..ياسمين ارجوج لاتسوين هيج والله مستعد اسوي اي شي علمود ترجعيلي

..غبيه اشا رجعتلك من جديد عفتني بااوقاتي الصعبه

هسه اجيت بعديش بعد ماوكفت ع رجلي ها بعدييش!

..اسف والله ياسمين اسف مو بيدي والله انعميت عن حبج بوقتها

..شفته ركع بالكاع كدامي وكام يبجي بجيت ماانكر هالشي

وانقهرت علي لكن مستحيل ارجعله بعد ع سواه بيه شوف

اكلك يزن يكولون اليحب من صدك يبين بالمواقف الصعبه

وانت ماوكفتلي ولاشويه لذلك مستحيل ارجعلك خليها بعلمك

..ياسمين فكري الله يخليج حتى ايهم مستعد اربي ع مسؤليتي