سر المجتمع

البارت الاول

( بقلم : Yara Saaleh )
مرحبا اني ريم بنت قوية و طموحة ماما و بابا ربوني ما اكون تحت سلطة قوانين المجتمع لانه بشر خلوها مثلنا و لان هي قوانين غير عادلة ابدا الناس راح تحجي بكل الاحوال لازم ما اهتم لكلامهم مادام اني على حق و صواب و الناس تكره الناس الناجحين و تحاربهم و تحول قدر الامكان تغرس الفشل بيهم و توكعهم عندي اخ وحيد اسمه علي و هو مخلص قانون خاطب طيف تعرف عليها من قبل سنة لمن جان يشتغل عند محامي شاطر فكانوا الاثنين يدربون هناك و بدأ حبهم و راح يتوج بالزواج قريبا
ماما و بابا اساتذة بالجامعة
لا طالما عاملوني اني و اخوية نفس المعاملة و لا فرقوا بينا و زرعوا بينا الثقة و دللونا
من جديد صرت دكتورة ريم عبدالله اختصاص علم النفس و اني اختاريت هذا المجال بالذات حتى أعالج ضحايا هذا المتجمع يمكن صح نشوفهم بلا جراح من الخارج لكن هواي اشخاص جراحهم عميقة و تنزف من الداخل بدون ما احد يشوفهم تحت ظل اجسادهم
النفسية ممكن تعالج اي شيء و ممكن اذا كانت تعبانة تدمر الانسان و تقتله ....
احجيلكم على صديقاتي ضحايا هذا المجتمع
تقى بنفس عمري و تصير جارتي جنا نفس المدرسة لحد صف ثالث متوسط بعدها اهلها فرضوا عليها تبطل من المدرسة حتى تزوج واحد اكبر بي ٢٠ سنة و اسمه إيهاب و إيهاب جان متزوج و عنده ولدين تامر و عامر و زوجته ماتت على ابنه الصغير تامر
تقى حاولت ترفض هذا الزواج بس ما كدرت و أمها ما حجت شيء من تعاتبها تقى تكوللها يمة شبيدي اني ما الي كلمة الكلام للرجال و تعرفين المجتمع
من وقتها تعقدت من هذه الكلمة ( المجتمع ) يعني هان عليها ذبح بنتها  وحيدتها  بالحياة و لا دفعات بحجة المجتمع هههه
تقى تزوجت إيهاب ايهاب جان من قرية جدا متخلفة و تعبانة عدهم المراة كان مثل الآلة و لا يراعوها و فوكها لازم تتحمل مزاجهم و تقلباته و ضربهم و كل شيء و يلي يتربى على ضعف و على تقليل منه راح من يكبر ما يكدر يحجي او ياخذ حقه و يدافع عن نفسه راح يكون دمية يلعبون بيها و ياذوها و هي ساكتة تماما مثل تقى
احجيلكم على صديقتي الثانية اسمها سارة يا حياتي يا سارة طلع لها كلية ادارة و اقتصاد قسم مالية صارت مواقف و تعرفت على ساهر ساهر جان يدرس هندسة حاسبات ساهر اول ما شاف سارة حبها و مات عليها و بمرور الايام ساهر بدا يخلق حجج حتى يشوف سارة و يحجي وياه و بيوم اعترف بحبه لها بالبداية رفضته و بعدين خلال المواقف و شافته هو شلون انسان زين كامت تحبه و هو ظل يحاول وياها و بالاخير هي هم اعترفتله بحبها أتفقو بعد الكلية يتزوجون و خلصوا كلية راح ساهر فرحان يخطبها من اهلها شسوو اهلها رفضوه بحجج فاضية و انه إمكانيته مو شيء و كله بسبب انه الاب مقرر بناته للاثنين ما ينطيهم الا لأولاد اخوه او ناس من العشيرة
ما اكوللكم على سارة شصار بيها بس طبعا ساهر أضعاف اضعافها حالته سيئة و ساهر ما ظل شيء ما سوواه و ما ظل احد ما دزه عليهم بس عبث و ابوها فايق نهى الموضوع و كال بنتي مخطوبة لابن عمها ياسر و هاا بدون ما يسألها حتى و بدون ما يسألون ياسر عن رأيه همين 😂 و فرضوا عليهم هذا الشيء ياسر جان مخلص بايو و يحب وحدة اسمها زينب  راح يكول لاهله عن الموضوع اشو كالوله خطبنالك بنت عمك سارة هو هنا طبعا تخبل و ابوه كال اذا ترفض فاني اغضب عليك ليوم الدين طبعا هنا ادمرت حياة اربعة اشخاص و تحولوا الى مومياء لا الموضوع يلي متعرفون سارة و ياسر اثنينهم يعدون بعض انهم اخوان و اثنين رافضين فكرة الزواج و جانوا مثل الاخوان و الاصدقاء و اثنينهم يعرفون قصص حب بعض و سارة جانت تساعد ياسر على اختيار الهداية لزينب 😂
احجيلكم هسة عن رحمة رحمة بنت حلوة و شكلها مقبول و هي متعينة معلمة خلصت معهد معلمات وقتها و تعينت بس جان أمها بيها هوس اذا زادت كيلو تمنعها من الطعام اسبوع بحجة هسة محد يتزوجج و بس تريد تزوج و من صار عمرها ١٨ نصبت مناحة بنتي راح تعنس بنتي راح تعنس فصار برحمة عقدة تكول بس اتزوج علمود ارتاح صارت اي احد تشوفه تزحفله تخيلو و بعدين تبجي تكول شلون هيج اسوي بس ماما و المجتمع راح يكول عني عانس اي احد اتزوج مهما كان المهم ما يكولون عني عانس
نروح الى ماساة صديقتي الخامسة نجمة هنا نجمة الماساة الحقيقية نجمة عدهااربعك اخوان  طبعا أمها تتحاقر وياها تكولون زوجة ابوها مو هيج خلصت كلية علوم جبرتها أمها تزوج ابن اختها هيثم طبعا هيثم انسان سيء و خاين نجمة من رفضته بالبداية أمها كلبت عليها تكول شلون ترفضين ابن اختي و سودت عيشتها و جبرته عليه و بعدين تزوجوا هيثم و نجمة هيثم سود حياتها من ضرب و إهانة يوميا نجمة صار عدها ولد من هيثم سموه فضل و هيثم ما تغير الى حد ما بيوم بعد ما تحملت جان راح تموت بين أيديه و طلبت الطلاق و أطلقت منه أمها شدت عليها اكثر كامت تحرض بابوها و اخوانها عليها استغلت كلمة مطلقة يلي المجتمع ما يرحمها