البارت الرابع
حسيت رجليه انشلن وجهي خدر حتى لو واحد يضربني سجينه مااحس
سحلت روحي بلكوه لبيت فاطمه دخلت باوعت لوجهي بلمرايه
اصفر وعيوني مو طبيعيه حمر
تفاجئت بشكلي شلون صرت وحسيت بحساس اول مره احس بي
فاطمه خابري ع حيدر خلي يجي تعبت شويه
فاطمه: شبيج ساره حتى بعدنه ماقرينه وليش هيج شكلج تغير شكو شصاير
ساره: اووو فاطمه لا صرعين راسي خابري ع حيدر
اوك ماشي
شويه واجه حيدر وسجاد وغيث وليث
ساره: يله سوولي مكان
ليث: اسويلج مكان بكلبي ادللي
ساره: ضحكو ع كلامه واني بلكوه ضحكت لاحضو التغير بشكلي اقترحو عليه اروح للدكتور بس اني خفت لايطلع المخدر بتحليل رفضت وكتلهم هبوط بضغط وهمه صدكو
ساره: رجعت للبيت وحسيت جسمي مشلول بلكوه امشي كله تفاجئت بشكلي حسيت روحي بسكرات الموت اذكرت كلام مصطفى من كال اذا يوالم وي الدم
وليكلي شلونج اصير هوسه براسي لان مااكدر اميز الصوت
رحت الغرفتي تمددت وكلتلهم لحد يكعدني
ردت انام مااكدر وره شويه حسيت بحسن واكف فوك راسي
حسن: سلامتج ماعدج غير العافيه
ساره: دمعت عيني جريت ايده وخليته ع كلبي
تسمع دكات كلبي شلون ازيد هاي كله بسبب حبي الك
عافني وطلع ضايج
حاولت انام ردت تروح مفعول الابره حتى اجرب الحب اشوف نفس مفعوله
ورى 24 ساعه راح مفعول الدوه جريت الحبايه واخذته اقل مفعوله من الابره
خابرت ع علي وسولفتله اصار وياي
علي:، الله ستر زين مارحتي بيه الابره ماوالمت وي دمج اتركي الابره احسلج
ساره: موبكيفك يله باي
مر شهر ع مفعول الابره وضليت كل اسبوع اخذ حبايه تستمر مفعوله 4 ايام طبعن كله لاحضت التغير عليه
كطعت الاكل بستمرار ابوي ضل يلح اله اروح للدكتور واني رافضه رفض قاطع
مر الايام واجت امي لغرفتي لابسه عبايه
امي : ماعدج العافيه امي انتي
ساره:، الله يعافيج يمه وين رايحه
امي: ههه وين انتي عن البيت يمه غير اليوم خطبت عمج حسن ورايحين انشوف عروسته بلكت تعجبه وتم ع خير
ساره: اجه الخبر صاعقه ع راسي
الله يتممه ع خير هسا وين هوه
بغرفته يكشخ
ساره: رحت للغرفه لكيته واكف ع المرايه يضحك ويغني
عمو اترجاك لا تزوج والله اني احبك مااتحمل
حسيت براجدي سطرني
حسن:، اني عبالي تكبرين وتعقلين واكول هاي مراهقه اذا عدتي هاي السالفه اكل لبوج وحيدر اخليهم يربوج من الاول واخليج تبجين دم
عافني وطلع وضليت ابجي اجن عهود وبسلمه يواسن بيه
ضليت ادعي ماتعجبه وره شويه اجو وسمعت صوت الهوسه والهلاهل عرفت تمت
خابرت ع علي حتى يحضرلي الابره
الحكايه باقيه
