#عشك الغجر #
البارت 5
ضليت اشوف ميلاد ونحجي بالالغاز علمود ننهزم من هذا البيت ضل يفهمني ويسولف عن الشرف وعن الناس والعادات والتقاليد اني خفت.
ضليت ارفض ارجع للاهلي خاف يذبحوني ،،،،،،
ميلاد ضل يغار عليه غيرته نار مايهمه اي واحد ،،،،،، وخصوصا لمن كبرت صرت حلوة حيل وهن يتعمدن يلبسني ملابس قصيرة وضيكة ،،،،،،، وهو مايرضى
تعارك وي غزلان « وحده وياهن باجي عمرها 38سنه حلوة وعيونها ملونه وشعرهاطويل كلش ،،،،، وطويله ورشيقة ،،،،، بس عصبيه حيل ،،،،، ميلاد يضوج منهم كلهم بس يجي علمودي،،،،، شكم مرة ساومو ،،،،، وانطاهم فلوس ،،،،
استمرت حياتي هيج ،،،،، ويومية ضباط شكل ورتب بالدولة ،،،، واني اخاف ،،،،
صار السقوط « وصار وضع العراق قتل وسلب ونهب واكثريهن شردن لغير دول واكثر شي للشمال مارسن نشاطاتهن ،،،،، وفتحن بيوت ،،،،
صادف عمري 24سنه ،،،،، يمكن بحسابي ،،،،
السما ب 3بليل اشتعلت نار ،،، من القصف وكع صاروخ قريب الكل ضلت تركض ميلاد يمي كال فرصتنا هاي كمر ،،،، ضلينه نركض ،،،،، ظلام وضوه القصف كأنما برق ،،،،وخوف ،،،،، صادفت لابسه ثوب يلمع كالي بدلي لا يرصدوج بالطيارة حسبالهم هدف ويقتلوج ،،،،،
لبست قميصه وضليت اركض ،،،، وصلنه لبيته ،،،،،، اهله نايمين اخوته 3وامه وعمته ،،،، فزن ع صوت الرمي والقصف ،،،،، طلعنه ،،،،
الشوارع مخيفة ،،،،،،
ميلاد كال : كمر شوفي انتي حاليا لاجنسيه ولا اي اثبات باعتبارج بدون ،،،،،،
تبقين وياي اني اسويلج جارة
بقيته فترة بيت عمته ،،،،،،
تعلقت بي حيل ،،،، ضليت ماانام بس ع ايده ،،،،،، واذا طلع اتخبل ،،،،، اخاف عليه
بعد فترة اهله ضلو يسالون هاي منو ؟ منين جبتها ؟ صارت مشاكل
