#عشك الغجر #
البارت 2
ضليت عدهم ومعاناتي ماكدر اوصفها اتحسر على كلشي »،،،، اني طفلة انحرمت من التعليم والحياة عشت حياة ماعرف الحلال والحرام شنو انام سوية ولد وبنات كبار وصغار ،،،، بعدين من كبرنه صارت اعمارنه تقريبا 8سنوات 9سنوات 10 بعد ماضلينه انجدي ،،،،، البنات ضلو يعلمونه ع الركص والاغاني والي صوتها موحلو بس ركص ،،،، والولد يعلموهم اساليب جديدة للسرقه ،،،، ويعلموهم يدكون الدف والطبول وغيرها من الالات الموسيقية ،،،،،
جنت اشوف مناظر لااخلاقية واسكت لان الكل راضي بالوضع ،،،،،
ماكدر انهزم منهم ولا اعرف الشوارع والاماكن عشت خوف رعب قلق مادري شنو ينتظرني 😭😢 ،،،
حياة قاسية وناس ماعدهم رحمة مايهمهم بس الفلوس 😢 ،،،،
مرت السنين بسرعه ،،،،، وكبرت وصرت بعمر مراهقة تغيرت ملامحي ،،، صح سمرة بس ملامحي حلوة وتجذب ،،،،، غلاهن « جانت المسؤولة عني » هي تغني وتركص
وشكلها كلش حلو عيونها عسليه حنطاوية رشيقة ،،،، جانت تعلمني اركص واغني وعدهن بنات من عدهم وبيهم مو مثلي خطفوني اني صوتي مو حلو ماعندي نفس طويل مثلهن هن غجريات اصواتهن بيها خشونه شويه ،،،،، اني صوتي ناعم كلش ،،،، مرات يكولولي الفاهية ،،،، اخذت اطباعهم ،،،،، اللسان ، الصلافة ، عدم الحشمة ، الجرأة. ، غرسو بيه كل اطباعهم والكلام البذيئ «كلام وصخ »
عشت عدهم سنين تطبعت باطباعهم ،،،، جنت اشوف حفلاتهم كل الي يحضرون ضباط ،،،، ورتب عالية بالدولة ،،،، وهن الغجريات عدهن معارف كبارية غلاهن تعرف ابن عم الرئيس بذاك الوكت ،،،، والبنات يخافن منها ،،،، كلهم يردون خاطرهن
حفلات وركص جنت اني اشوف ومرات اشارك ويطلبوني بس غلاهن ترفض تكول بعدها مو هسه ،،،،
مرة اجانه ضابط ويا واحد عدهم شغل ومرو ع غلاهن يتونسون الضابط اسمه سيف والولد الويا صاحبة اسمه صفاء اجو يمنه اني اشرتلي غلاهن كومي اركصي جان الطور « الهجع » جنت احب اركص ع هذا الطور وهيج نوع اغاني الطبال ابو فرحة رجال عمره 39 وعليوي ونوار الولد ويا يدكون ،،،،، اني اركص بعدما خلولي مكياج ولبست ثوب قصير وشعري طويل وركصت الضابط وصاحبه تعجبو ع ركصي كعدت وياهم سوالف وشقا وضحك ،،،،،، الضابط شاور غلاهن وهي كالت لا لا عيني اني شكلت ؟ 😏
نوير صديقتي طويلة وشعرها طويل واسود وثخين وعيونها سود وكبار وحاجبها حلو وطويل نازكه اكبر مني هي اشرت غلاهن ع نور كالتله هاي 👉 البنيه بعمر كمر. 😏
