عشان الاسئلة والي يسألو فيا عليش مسمية روحك Dolly او دولي❤😊؟؟؟
الموضوع وما فيه اني نا لما جابتني ماما جدي وبابا قعدوا يتعاركوا ع اسمي😂
جدي كان يبي يسميني رحمة❤
بس بابا سكر راسه ع اسم دعاء😂
عشان هك بابا سماني دعاء💜
و خالاتي قعدن لما يعيطنلي يقولن دودي ولا دعية💔😂
لكن اصغر وحدة ف خالاتي لما تناديلي تقولي يا دوولي😍❤
لما سألتها وقلتلها عليش تقوليلي يا دولي😐؟؟
قالت عشان هو اسم ناادر وحلو و كيف ما هي قالت خارج عن المألوف😂😂🔕
ومن وقتها والحوش كله يناديلي دولي
وحتى توا عيال خالتي الصغار مستحيل يقولو دعاء💔😂😂😂
ضروري من اسم دولي😐😂
نا صااح تعقدت من الاسم عشان خاطر هو اسم شاب مش اسم بنت💔😐
لكن بعد فترة قعدت مقتنعة بيه وانه اسم حلو❤
وبس!!! هذي هي قصتي مع اسم دولي☺
وانتو شنو قصتكم مع الاسم الغريب الي مسميينه لكم هلكم؟؟💔😂
ÐØĿĿყ💜🌈
أنت تقرأ
سماء ليبيا||Libya's sky
Non-Fictionسماء ليبيا :? ببسااطة ... ضحك..آراء عن بعض الروايات والقصص والكتب الليبية....ولا ننسى طبعا بعض الالعاب والنكت وحكايات .. واقتباسات شهيرة فأهلا بكم الى..... سماء ليبيا ?
