هلاو شلونكم شخباركم
سمعتو فضايح راسن جيتو المهم اني خلي اسولف كم فضيحه صايره وياي
( رقم واحد 1 )
مره جنت معزومه بعرس ابن عّم ماما بس احنه حيل علاقه وياهم ألمهم جانت الحنه مال شباب فالحنة بره بالشارع و اذا طلعت بالطرمه ينسمع الصوووت فطلعو الكل و اني سمعت جوبي اووف عشق جان اكوم اسوي جوبي حسب الأصول و وره اشويه دخلو الشباب هم صارت حلو شباب و بنات انوب دخل ابو العريس و عمه و صارت مال زلم اني و كم واحد انسحبنه من الدائره فاني جنت لابسه كعب عالي لان اني كصيره اشوي جاي اروح للمطبخ اكو ثلاث درجات داصعدهم جان يلوي كاحل رجلي بس محد انتبه بس واحد اسمه رحمان اخو العريس هو بكدي هم صعد للرابع المهم كلها ملتهيه بالجوبي بس هو انتبه وجه صاااار احمر من الضحك والله بس ميكدر يضحك اجه كال الله الله و كومني كعدت على الكرويتة و هو وجه احمر حابس الضحكة طلع و اني متت والله من الوجع خلصت الحفله و احنه بتنه يمهم و جابو حلويات و حب مال تعلولة و هو كل ما يباع عليه يخرب من الضحك والله اجه يشرب ببسي جان يباع عليه و الله طلع الببسي من حلكه اني ضجت التعلوله كلها هيح بس يضحك جان اكوم اكعد بالصالة وره اشويه اجه هو كال أسف والله و من هل حجي اجيت اني ادكوم و المفاجئة
الكاع بيها مي جان ازحلك و على ضهري هو شافني ازحلكت وكع بالكاع من الضحك والله اني من صدك بجيت من الخجل و الوجع شافني ابجي اجه يكرمني جان بوكع بصفي من الضحك والله اني عفته و رحت نمت حتى ما اتعللت وياهم كعدت الصبح على الريوك ًهنفس الحاله خلصت ريوك و الكل كام يبدل اني بدلت كالو حتطلع الزفه هو جان واكف و وياه جماعه من شافني ارتاج على الحايط من الضحك الولد ضلو صافنين اشبي هذا اني من الخجله ركضت السياره مالتنه جان اخربط و صعدت بسيارة مو مالتنه بيها مره و شاب عززززة و هو شافني نزلت خررب من الضحك والله و الزفه كل ما سيارتنه اصير قريبه عليهم يخرب من الضحك والله و لحد الان من يشوفني يضحك حتى أول يوم العيد اجيت لبيت جدو و دنطلع اني و خالو و خاله و هم ثلاث ولد و بنات اثنين من شافني ضحك و كال تذكرين و هاي لسجلت بالتاريخ ألوكعه والله.
( رقم اثنين 2 )
هاي مرة جنت بصف الثالث متوسط جان يوم دوام عادي و جان عدنه امتحانات شهريه و ديوزعون الأوراق مال امتحان فصاح اسمي اني كمت انطاني الورقة ماخذة 75 من 100 الصراحه اني انصدمت و اعترضت لان أجوبتي صحيحة و حتى الكتاب صحيحة و اني كاتبه زايد مو ناقص جان يكول اعتراضج مرفوض انتي تدخلين بتصحيح المدرس اني سكتت و خلص الدوام على أعصابي خلص الدوام طلعت ما لكيت الخط مالي و الدنيا بارده و اني بيتنه بعيد عن المدرسه صدك صرت عصبيه و كمت امشي للبيت جانت سياره واكفه اني ما منتبهة بالي بس الورقه مال امتحان و تفكيري وكف من البرد جاي أشمي جان اضرب الجامع مال سياره و كسرتها هاي الطالعة من السياره شو هذا نزل عليه بالشارع ثوله عميه حولة واني بس اسمع و من الخجل كمت ما اعرف احجي و من ذاك اليوم اطلع اول وحده اخاف الخط يعوفني 😂😂😂
( رقم ثلاثة 3 )
هاي مرة جنت طالعه داشتري ملابس من الكوخ الي بالمنصور فجان اكو مره وياه ابنيه شابه و كاعده اتعامل ابو المحل علمود ثوب جان بوكتها يمكن 50 هيج شي و اتريد ينزل خمسه و ذاك الولد اذا نزل من القطعه هاي يخسر و ميربح شي المهم ضلت اتعامله حتى الولد ملل كللها ما أبيع مو للبيع هاي القطعه جان اجي اني هي حلوه القطعه كتله ابيش كال 50 و اخذيها ب45 و ما انزل كتله هاهيه غير جاي أخذ القطعه جان ادكله نشفت ريكي و ما انطيتني القطعه امشي جيبلي مي هي كالت هيج والله اني خرررب من الضحك و الولد ضَل صافن عليه بالاخير طكها بضحكة و الابنيه خطيه خجلانه لان صار بيهم هيج لو بيدها تكتلها لامهما والله 😂
( رقم اربعه )
مرة جنه طالعين بكورنيش العظميه اني و خاله و خالو فاكو لعبه اسمها السلاسل هاي الي تشبه عين الشمس بس انصه منها بشويه المهم اني جنت لابسه مثل حذاء فلات بس بي كبر اشويه المهم صعدت باللعبه و جان أطير حيل و المفاجئة
وكع تك حذائي و اللعبه كلها اني بتك حذاء و اعيط من الخوف و من الفشله بس الحمدالله وكفت اللعبه و اني ما اكدر انزل بس تك حذاء جان يطلع الحذاء واكع بالدائرة مال لعبه و ابو اللعبه شايف و شايله خطيه و من دانزل جابلي الحذاء بس والله فشله 😂😂😂😂
كافي تعبت عود اكمللكم بغير بارت
باي 👋
