هلا شلونكم شخباركم
اليوم اني كعدت من وكت تدرون ساعه ابيش كعدت ب8 الصبح والله لكبتهم كلهم كاعدين اول مره انزل اتريك ابيت جدو سويه اليوم اني كعدت كلي نشاط اليوم وكفت على الطباخ و اتعلمت اضبط البيض و طماطه و ما أحركها والله و سويتها و كلهم كالو عاشت ايدج طيب الاكل اليوم اني نزلت و لعبت ويه الجهال كلهم جمعتهم و لعبتهم قيام جلوس والله اني لخد الان متعحبه على روحي اشلون سويت هيج ما مصدكه حتى ماما ضلت صافنة عليه لان نزلت سويت اكل ويه خالتي و لعبت الجهال و دزيتلهم حلويات والله عمري ما مشتريه لأحد من الجهال حلويات بس اليوم اشتريت الهم اليوم اني كعدت فرحانه مع العلم ما علنو الفائز مال لعبه البارحه 😂😂😂 بس مع ذالك عندي سعاده عمري ما كعدت و عندي هاي الطاقه من السعادة كعدت و ما أذكرت شغلات مو حلوه ما أذكرت ماضي تعيس والله آليوم عندي شي بداخلي ما اكدر اوصفه والله مع العلم اني نمت البارحه ضايجه من اهواي شغلات صارت الي بس من كعدت اليوم ناسيتهم كلهم تدرون شنو اني اتخبل من الصوت العالي والله ديجي و هيج شي يصير عندي صداع ما أتحمله حيل قوي بس اليوم من خلصو ريوك اني علكت الديجي علمود الحفله مال باجر و عليته كله بين قوسين العائلة لحد الان مصدومة بيه و ما مصدكه قبل جنت من يخلصون ريوك عود اني اتريك وراهم هسه اتريكت وياهم و تدرون شنو سويت كومه شغلات عود أنزلهم بارت وحد
باي
احبكم كومات ❤️
