ليتني أعود طفله

بارت 14

عرفت من البنات انو مصطفى ميحجي وي أمه

جنه كاعدين وندك الباب راح اخو مصطفى  فتح الباب وجان تطلع

أم مصطفى بقيت ارجف خليت أيدي ع بطني اجت يم مصطفى ولك انته ماتستحي ماتحاجي امك على مود هل الفصليه ولج بواكت  الزلم كدام اخوت مصطفى وبوها وحمواتي

أبو مصطفى : كافي يأمره يله كدامي متستحين هيج تسوين عيب هل الحجي اخجلي عليمن اخجل كول أخذت ولدي ثنينهم يوم كافي انتي كتلتي ابني

أي اعترف كتلته لن هو  موابنك خوش هيه كالت ب لسانها انو هيه حامل من اجت من أهلها كم واحد مدخله عليج كح...

مصطفى : فرت بدمي يوم لاتخليني أفقد اعصابي تعرفين من اعصب ماشوف أحد كدامي

بنين : بقيت ابجي ولله جذب مصطفى لاصدك
مصطفى : يوم شنو هل الحجي بنين مابيها شي واخذتها ع أيدي خوش

اجه ابوي وجر امي من ايدها وطلعها وراحو كولهم رحت لغرفه لكيت بنين تبجي مصطفى مابيه شي انته أخذتني ع ايدك وشفتها الدليل حضنتها حيل يعمري كافي أهم شي راحتج لاتنسين انتي حامل موزين عليج

بدلت ورحنه للدكتورة فحصتني الف مبروك حبيبتي انتي حامل عليج شهرين يحتاجلج راحه

اوك شكرن دكتورة

مرات الأيام اني كول مايروح مصطفى للشغل اقفل البيبان أخاف تطب عليها وتكتل ابني

مرات الأشهر صرت بشهر الرابع بطني جبيره عبالك بشهري
رحت للدكتورة حتى نشوف نوع الجنين والصدمة
انو توئم الأحلى ثنين ولد

مصطفى : من سمعت توئم وثنين ولد طرت من فرحتي وبنين هم تبجي من الفرحه أم دميعه ع أقل شي وبجت

رجعت للبيت فرحانة كولش لا والدور صايره جني دكمه مانشاف اني منه كصيره ومنه حامل جني طوبه 😂😂😂 ومنه سمنت وصدري ورمان اشبعو ضحك مرت الأيام صرت بشهر ال6

ثكلت كولش تعب موطبيعي حاولت افتح الموضوع وي مصطفى انو أزور أهلي بس أخاف ميقبل

مصطفى : منتضر ولاده بنونه ع فارغ الصبر طبعن رحنه وحضرنه ملابس للبيبي من كولشي ردت اسويله غرفه بس بنين متقبل تريدهم يمها خليتها ع راحتها

بنين : صالي سنه وانتم أشهر  ماشيفه أهلي خل احاجي شيصير خل يصير حبيبي

ها يعمري
مصطفى صالي سنه و4 أشهر  مشايفه أهلي ولله تعبت ومليت مشتاقه لهلي دزني خل اشوفهم

أشو هاذه خزرني موكلت موضوع تسدي كلت لو لا بعصبية

بنين : نهضمت فوكاها يصيح جنت كاعده يمه ع قنفه عفته ورحت للغرفه بقيت ابجي مشتاقه لماما وباب وسيف راح اموت ع فراكهم أحس نفسي تعبانه بحاجه حنان ماما شنو ذنبي عمري 17 سنه حامل بطني لخشمي الي بعمري متونسات ودراسه اني باب البيت ميخليني اطلع تعبت من البجي نمت شويه لن بطني توجعني