محسيت غير أحد جرني من شالي درت وجهي أم مصطفى
شوفي ولج مصطفى ماريد يتقرب منج فتهمتي
فتهمتي ابني ماريده يتقرب منج لاتخلي ابد وذا حسيت مصطفى متقربلج ياويلج
آيات : جنت جاي للمطبخ سمعت الحجي الدار بين عمتي وبنين
بنين ** خاله شنو هل الحجي مصطفى زوجي متهمني حجيج خوش خليت ورحت طلعت انضف الطارم اكو حنفيه متروكة حديد طلعت الحصير غسلتها وبدلت امسح بل الماسحه المي وصت للحنفيه رشيت عليها مي ماحس إلا دفعه قويه طحت فوك الحنفية ع بطني احسها طبت لجوه اباوع اشوف أم مصطفى بقيت ابجي بقت تضرب ع ضهري بل الماسحه روحي راحت اباوع للمي صار أحمر كمت ابجي وصيح الحكولي راح اموت مصطفى بقيت ابجي اجن البنات يركضن رادن يوخرنها مني مقبلت كالت اخلي ولدي يطلكوجن بقن يبجن ويصيحن خاله فدو راح يروح الطفل اني نتهيت من آلام بطني خدرت الدم نترست أريد اصيح ماكدر الساني نشل حسيت فدشي وكع مني مثل الحركه صارت جواني
آيات جاي اسبح ابني سمعت صوت صياح ركضت واشوف بنين واكعه بكاع والدم ماشوف منه عمتي تضرب ع ضهرها بعودة الماسحه تسودنت ركضت آوخر ماكدر هيه ضخمه دفعتني وكالت اذا تقربت يمها اخلي سلام يطلكج مهتميت بقيت ابجي بحركه ركضت خابرت مصطفى
آيات : الو خويه الحك بنين راح تموت عمتي دفعتها ع حنفيه وتضرب بيها ماكدر جاي تنزف
مصطفى: خابرتني آيات كالت الحك بنين امك دفعتها ع حنفيه وتنزف وتضرب بيها فقدت تسودنت
بقيت جنت كاعد ع الغده وي الشيوخ طفرت أركض شغلت السياره كول سرعتي دفره الباب وطبيت وياريت ماطبيت الطارمه متروس دم آيات وهند يبجن بقيت صافن شسوي اجت اركض
شلتها خليت ورحت حتى تكرمون بدون نعال بدون وعي ركضت للمستشفى دموعي تجري آيات وهند وياي بقيت أسوق بكول قوتي شحطت بريك باب المستشفى
كمت ابجي وأصيح الحكولي مرتي راح تموت التمت المستشفى علينه اخذوها لغرفه العمليات اباوع ع نفسي كولي دم آيات هند كولهن دم اني دموعي تجري اول مره أمر بهيج موقف وجها ازرك وشفتها مطعونه
اجه ابوي وخوتي شافوني كولي دم والبنات هم بيهن دم
أبو مصطفى : خيرك بويه شصاير
محجيت ابد بالي يم بنين والطفل الي شفته بعيوني واكع بكاع بقيت صافن
أبو مصطفى : أيات بويه شصار سولفيلي
آيات سولف لعمي بل الحرف الواحد حتى ع سألفه المطبخ من دفعتها من ضربتها بعودة الماسحه ع ضهرها
مصطفى: اني اسمع اناشغ مثل الطفل تخبلت امي هيج تسوي
أبويه وخوتي مصدومين طلعو الدكاترة يتراكضون هذا الي يكول راح تموت وهذا الي يكول جيبو جهاز صدمه كهربائيه بقيت صافن عليهم يتراكضون بنين حبيبتي راحت بنين بكل صوتي كلبت الكراسي تسودنت فلشت الحايط بيدي ولج حبيبتي اكعدي لاتعوفيني بس اطلعي مو تكولين ماكدر من دونك يله وينج تعاليلي اجو الأطباء كمشوني محسيت ع شي بعد
ايات: اول مره هيج اشوف مصطفى هيج بجانه كولنه بقه يضرب بحايط كسر الكراسي اجو الأطباء ضربوه ابره وكع شالو خلو بل الغرفه بقت بنين 5 ساعات بل العمليه
طلعو الدكاترة 4 كمنه ركضنه الها
دكتورة بشر
المريضة حالتها تعبان كولش لاكن تعدت مرحله الخطر حالتها صعبه خاسر هواي دم بس للاسف مكدرنه ننقض حياة الطفل
............
توقعاتكم للبارت الجاي
أنت تقرأ
ليتني أعود طفله
Romanceملاحظه القصه حقيقه والبنية أعرفها حجتلي قصتها وطلبت مني انشرها هاي اول قصه إليه ** للكاتبة رسل الموسوي
