(အပိုင်း - ၁၁)
"မင်း! ။ ကျစ် ! ယမုံ ၊ မင်းကိုလည်း ကိုယ် တကယ်ကို မထင်ခဲ့မိဘူး"
"ဘာကိုလဲ "
" မင်းရဲ့ သူငယ်ချင်း မိုးပွင့်ဖြူရဲ့ မကောင်းကြောင်းတွေကို ဒီလို ပြောလိမ့်မယ်ဆိုတာ"
" ဒါလား ။ ဒါက ယမုံ နေမခကို သတိပေးချင်တာပါ ။ မိုးပွင့်ဖြူဆိုတာ နေမခ အထင်ကြီးချစ်ခင်ရလောက်တဲ့ မိန်းမစားထဲမှာ မပါဘူးဆိုတာ သိစေချင်ရုံပါ "
" မင်း ပထမတစ်ခါ မိုးပွင့်ဖြူအကြောင်း ပြောပြတုန်းက ကိုယ် ဒီအတိုင်းပဲ နားထောင်ပြီး ယုံခဲ့တယ် ။ ဒီတစ်ခါ သေချာသိလိုက်ရတာက သူငယ်ချင်းမကောင်းကြောင်းပြောပြီး အပုတ်ချနေတဲ့ မင်းကမှ ပိုပြီး မကောင်းတာကွ ။ သိရဲ့လား ။ မင်းက မိုးပွင့်ဖြူကို မနာလိုဖြစ်နေတာပဲ "
" ဘာ! ယမုံ က ဘာလို့ မိုးပွင့်ဖြူကို မနာလိုဖြစ်ရမှာလဲ ။ ယမုံက သူနဲ့ နှိုင်းခံရစရာအကြောင်းမှမရှိတာ ။ ယမုံက သူ့ထက် အစစ အရာရာ သာနေတာပဲလေ ။ ဒါကို ဘာမနာလိုဖြစ်ရမှာလဲ နေမခရဲ့"
" ဒါဆို မင်း မိုးပွင့်ဖြူ သိက္ခာကျအောင် ပြောနေတာ ဘာအတွက်လဲ "
နေမခ၏ စကားကြောင့် ယမုံ့ မျက်နှာပျက်ပြီး ငြိမ်ကျသွားသည်။ ယမုံက မိုးပွင့်ဖြူထက် အရာအားလုံးသာနေတာတောင် အမြဲတမ်း စိုးရိမ်နေရသည် ။ ယခုလည်း နေမခက မိုးပွင့်ဖြူကို စိတ်ဝင်စားနေပြီ ။
" နေမခကြောင့်လေ ။နေမခကို မိုးပွင့်ဖြူလို မိန်းကလေးမျိုးနဲ့ မပတ်သတ်စေချင်လို့ပါ"
" ဟား.....ယမုံ ။ မင်း မှားနေပြီ ။ ဒါ မင်း ဝင်ပါရမဲ့ ကိစ္စမဟုတ်တော့ဘူး ။ မင်းနဲ့ ငါ့ ဇာတ်လမ်းက အဆုံးသတ်သွားပြီ ။ မိုးပွင့်ဖြူကို ရွေးချယ်တာ မရွေးချယ်တာ ငါ ဆုံးဖြတ်ရမယ့်ကိစ္စ ။ မင်းနဲ့ မဆိုင်တော့ဘူး "
" ဒါဆို ယမုံနဲ့ လမ်းခွဲပြီးတော့ ဦးမင်းသစ်နဲ့ လက်ထပ်ရတော့မယ့် မိုးပွင့်ဖြူကို သွားပတ်သတ်ဦးမယ်ပေါ့....ဟုတ်လား...နေမခ"
" မင်းနဲ့ မဆိုင်ဘူး ။ ငါ ပြန်တော့မယ်....ယမုံ ။ မင်း မိုးပွင့်ဖြူကို ထပ်ပြီး မကောင်းမပြောပါနဲ့တော့ ။ သူက မင်း ဒီလို မကောင်းတဲ့စိတ်ရှိနေတာ မရိပ်မိသေးဘူး"
أنت تقرأ
အချစ်ထက်ပိုသော အမုန်း ( Completed )
عاطفيةသေလောက်အောင် မုန်းတီးခဲ့ပေမယ့် ရူးလောက်အောင် ချစ်ခဲ့မိတယ်ဆိုတာ ဒီမျက်ရည်တွေနှင့် နာကျင်နေသော နှလုံးသားက သက်သေပင် ။ အမုန်းတွေက အင်အားကြီးမယ်ထင်ခဲ့ပေမယ့် အချစ်နှင့် ယှဉ်လို့မရခဲ့ဘဲ ။ တကယ်တော့ အချစ်ထက်ပိုမယ်ထင်ခဲ့သည့် အမုန်းတွေက အနှိုင်းမဲ့သော အချစ်အေ...
