#الشيخ والعشق
البارت الثاني عشر
ل وردالعامري
اطلعونه انتو بعد ما جرته مرته كان جسمي عالن استسلامه طفله بعمر ست سنين ماكدر انام ع ضهري من ضرب النطاق جنت انضرب حته احميه مايوم نضربت لان سويت غلط جانو شيريدون اشوي ناي غسلي هدوم احطهن افركهن زين حيل باايدي افركهن حته لاانضرب او احد يغلط عليه من طفولتي عندي ااحترام لنفسي اشتغل واتعب حته لااحد يغلط اويضربني انقهر جنت من احد ايهيني جانت كلمه وحده دوم اسمعهه امداها لاامج عدهه هيج بنيه وماتدري بيهه لويكولون الله بلانه بيكم بس نجم من طفولته مشاغب ورغم ذلك جنت احميه اذكرت الليله الي بجيت بيهه من الالم ضهري احسه مجرح شعري يوجعني راسي من الجر بجيت واني امسد ع شعره حته اينام نيمته وتمنيت ابويه او امي يجون ليوم واحد ايحسسونه بوجودهم اليوم جاي نجم ايكولي انتي موامي
صحيح اني موامك لان امك ذبتك ابن سنتين ممتك بيدك الليل كله اسهر عليك اني وكل عمري خمس سنين طفله صارت ام وربتك
نجم: اهوووووو عله هل سطوانه ناي حياتي حربيهه اني انتي مو وليه امري اختي فهمناها بس اني حر لاانتي ولي امري ولاامي
ناي: حسافه والله براحتك نجم بس اذكر كلامي اذا صارو عندك اطفال مصيرهم مثل مصيرنه اني وانت سناء مو ام تربي جيل لانها مكادره تربي نفسهه روح يااخويه الي صار ابني الله يسعدك واتمنه اكون غلط
سواها نجم وازوج سناءالي حكمت عليه ياخذلها شقه وممنوع اوصلهم اني بحجه اختك مو مرادتني اني هم ماريدها واخويه رد،الجميل ال اخته الي درست وسهرت وكبرت باانه اثث شقه يم شغله ومدله اخته عليهه اخاف فديوم تروحله عاف ناس وراه من غير ميلتفت عاف خال حماه وحطه ابيته وعمه بيوم كالتله انت ابني وخافت عليه واخت جانت راسمه امل عليه وحبيبه جانت تكفيهه نضره منه ازوج سناء واحنه اصلا مندري سمعنه من امها الي جتي الصبح لبيتنه تكولي ع عنادج موتي بكيدج ازوجو
اه ياابني البار بريت بااختك
ارجع لقصه اسمي
اسمي والدي مختاره لان جان ايحب راقصه تشتغل بملهه ليلي اسمهه ناي وحب ايخلد ذكراها بااسمي ههههههه الي امي تكرهه
اني وسرى خوات ثنين شربو من نفس لكاس بس بطعم مختلف اني ب ااخ وهيه بحبيب عدت ايامنه وكمت اشتغل ويه خالي الي كان
مخصصلي راتب وجان يكول بالبيت اني خالج بشغل استاذ،زياد لحد،ماصرت محاميه جان شيطيني خالي تاخذ عمتي نصهن بالبدايه من جنت ادرب يطينه 100عمتي تاخذ 50و50الي هيه جانت تشتري الي ول سرى ملابس واحتياجاتنه من كمت اشتغل كمحاميه استلمت اول دعوه جانت اتعابهه600الف اخذتهن وكالتلي صار عدج اربع ملايين وستميه
شلون كالت سويتلج سلفه واخذتها وضميتهه وسويت الخ لحد مصارت 4ملايين شتردين هسه جانت عاجبتني سياره واني اسوق لان خالي مرات عنده جلسه بمحكمه ثانيه اضطر اخذ تكسي ولخوف كاتلني
خالي راح لصديقه جاب دايو اسبرواطاه الاربعه وضلن مليونين كل شهرورقتين هذا لحجي بال 2004 وعلمني اسوق
سنه وشهرين اني مشايفه نجم ايقنت بيومها ان مالي سند لااب ولااخ سندي نفسي اعتني بمضهري كاانثى كامله لكن داخلي رجل حاميه نفسي بنفسي مانكر اكو قهر بداخلي لان ضاله بطولي وعاله ع خالي ربيت اخويه ع امل مثل محافضت عليه وحميته يحميني اجانه بعد هل مده كان ايريد مبلغ خالي كال لاتطيه ميستاهل هسه اذكرنه اعياد فاتت مكال شلونج كلبي منطاني ارده اطيته 500هنه كل العندي مال قضيه شبعت بيهه ركض يله حصلتهن عرف خالي حجه عليه كلي غلطانه هوه ازوج وانتي متدرين انسي كل فلس اطلعيه بتعب هذا من حقج بس اليوم لان عندج اجاج باجر ماعندج صدكيني ميطيج ربع دينار وبالفعل عدت سبع شهور تلفون مشايل عليه وتالي اجاني يريد فلوس زوجته تريد اجيب وماعنده وهم اطيته بس غسلت ايدي منه مامنه امل كمت الاعياد اطلع مع صديقاتي ماروح لبيت جدي ويه خالي المن اروح لاام حته متعرف بتهه وين اشوفه تبوسني كلامها ويايه شلونج كل عام وانتي بخير ام تسئل بتهه تكوله مازوجتي انخطبتي ام متعرف هل معلومه عن بتهه وبعدها كلامها يصير سافرت صبغت اشتريت طلعت سحبت نفسي افضل من اشوف ام بشوفتهه اكرره بطنهه الشالتني اما الاب فااصلا لاعرف وين ساكن ولاعندي علم بيه اني ام نفسي وابو نفسي خالي يحولي قضايه بيوم حولي قضيه بيع قطعه ارض زراعي طالع عليهه مشاكل قصر وورثه اجاني احمد نسيب عمو سجاد صديق خالي اخذت لقضيه وبديت اشتغل بيهه واجاني استاذ احمد كال ان اخوه لكبير هوه الي مسؤل امام ابوهم وهوه الي حيتواصل وياي ع القضيه بيوم خابروني جنه متواعدين عدنه جلسه كتلهم انتضروني لدخلون للمحكمه ده امشي بتجاه لمحكمه اشرلي احمد شفت ثنين واكفين يمه واحد لابس دشداشه عرفته ابو القضيه من خلال جنسيته والصور الي يمي والثاني جان اطول منهم صاحب كتف بارز انيق جدا لابس قاط اسود وقميص ابيض بله رباط ساعه سوده بااطار فضي ودكم قميص فضي ببهن خرزه سوده من خلال السلام عرفت انه قيصر حسيت ان نضراته تفحصت كلشي بيه وبعتباراني بنيه بشارع صارت عادي هاي لنضرات لكن اني وكفته وهيبته ايضا دفعتني من خلال وضع نضاره بالكاتب العدلي من اخوه يسوي التوكيلات اركز ع شكله
جان اسمر عيونه بيهن لون عبالك صفر حاجب ثخين مطبوك زيان مرتب لحيه خفيفه وشارب وسكسوكه خليجي محددات كله ع بعضه مرتب انيق شي ايخلي لمقابل ينجذب اله مثل مثل اي بنيه رغم عازله وساده هذا لموضوع بس يبقه عندي اعجاب لشخص انتبهت ع ايده جان مابيهه حلقه وبطبعنه احنه نعرف ان مادام مالابس حلقه يعني ممزوج بده لحديث بينه من احتركت سيارتي كان موقف جدا مخجل من دوختي نسيت تلفوني الخاص وجنطتي بسيارته اتصل بيه كال تلفونج دك اكثر من مره سئلته كال ال لاحنونه جنت كاتبه هل اسم ع رقم امي خجلت جدا ياريت مسائلته طلبت منه يقفله جاب الجنطه فتحت التلفون جانت موجوده رساله ترزلني بيهه امي لان خالي مرزلها من سامع هيه تريد تسافر للعمره كايللهه شتكولين لربج متعرفين شي عن بنتج ع قليل كوليلها تحاللج وتواهبج حته تنقبل عمرتج رسالتها جانت مزعجه جدا بلغت خالي ان مايحاجيهه بهيج مواضيع بعد اني نسيت عندي ام توالت الاحاديث بيني وبين قيصر وبيوم سمعت محامي لخصم كال ابو داود
