عـ💖ـــشـق ســـــنين

بارت 2

نيهان : السلام عليكم أبو حيدر شخباركم ان شاء اللـــــه   بخير
ابو حيدر : وعليكم السلام يااهلا وسهلا ام علاوي هلا بيج والله الحمدالله بخير أنتو شخباركم
نيهان : ان شاء اللـــــه  دومكم بخير عيوني ابو حيدر عندي موضوع وياك
ابو حيدر : اتفضلي ام علاوي
نيهان : زاد فضلك واللــــه  ابو حيدر نريد نجيكم نطلب ايد ليال
ابو حيدر : اهلا وسهلا بيكم هايه يوم الفرح بس مكوتيلي لعلاوي ولا لكرم
نيهان : والله ياابوحيدر نريدها لكرم علاوي بعده ميريد
ابو حيدر: يااهلا وسهلا بيكم اني اسأل ليال وارد الكم خبر
نيهان : زين سويت هو اني اتصلت ع مود تسأل ليال وتردالنه خبر خاف متريد ع مود منجيكم ولا نسبب الكم احراج
ابو حيدر : لا ان شاء اللـــــه  ام حيدر ماكو احراج وان شاء الله نرد الكم الخبر اللي يفرحكم ليش شنو اريد احسن من كرم ابني
نيهان : عيوني تسلم ابو حيدر متقصر اي والله اني فرحانه لإن ليال بنتي
ابو حيدر : اكيد بنتج وتربيتج
نيهان : ونعم التربيه شكراً الك الله وياك خويه
ابو حيدر : هلا بيج ام علاوي
نيهان : هااا كوكي حبيبي مثل مشوف اتصلت وسمعت الكلام اللي كاله ابو حيدر
كرم : اي يوم سمعت سمعت شنو كال بس فدووه يوم دعيلي تتم على خير
نيهان : هههه ان شاء الله ماما ان شاء اللـــــه  شنو اريد غير فرحتكم وياربي يهدي كلب علاوي ويلكه وحده اللي تفرح كلبه
كرم : اللهم امين بس ياريت لو ينسى الموقف اللي صار ويا ويرتاح من التفكير
نيهان : ان شاء اللـــــه  الزمن كفيل بإن ينسي
كرم : اتمنى والله
نيهان : يله ماما راح اسوي عشا ع مود ناكل
كرم : وين تسوين خاف ماالج خلك اتصل ويجيبولنه من المطعم
نيهان : لا ماما طابخه ومكمله بس نص ساعه على ما احمي واصبه
كرم : هههه فدووه اروح للتراب التمشين علي هو كل وحده تكول اني نادره والله ماكو منج مجهزه كلشي
شنو مسويه انتي ماما
نيهان : بيتزا وكنتاكي وسلطة وشوربه وعصير وفواكه وبعد شنو تريد غيرهم
كرم : فدووه الكلبج كل ذولي مسويتهم وتكوليلي بعد ياعمري انتي ربي يحفضج الي
نيهان : هههه يكلبي انت ويحفضك الي
كرم : يله يوم فتره وتجيج اللي تساعدج
نيهان : هههه خلي تجي ومااريد شي ثاني المهم سعادتكم
كرم : بوسه انطيني واريد اكل لإن جعت
نيهان : هههه يله نص ساعه يمك الاكل

بيت ابو حيدر
ابو حيدر : هاا حبيبتي شمسويه اليوم
ليال : هلا بيج يعمري سويتلك اليوم كباب عروك وسويت سلايط وعصير اللي تحبه بالبــ برتقال والليمون والجزر  وسويت فطائر 😊
ابو حيدر : عاشت ايدج اي هايه البنات الشاطره
ليال: هههه فدووه الكلبك
ابو حيدر : يله بابا خلي ناكل
ليال : يله تعال اكعد
ابو حيدر : بابا لوله اريد اكولج بموضوع
ليال: تفضل يعمري شنو صاير شي
ابو حيدر : لا بابا مصاير شي الموضوع هو يخصج
ليال : يخصني شنو
ابو حيدر : بابا اليوم خالتج نيهان اتصلت عليه وكلتلي انو تريد تخطبج لإبنها كرم ومثل متعرفين بابا انو اني اللي مسؤول عنج بهايه الدنيا لهذا كل الاريده منج انو تحجين الحقيقه وصارحيني وتعرفين انو احنه اني وياج متفقين قبل متكونين بنتي لازم نكون اصدقاء فمااريد الخجل والاحراج يسجل موقفه فاريدج تفكرين وتكولين الي انو انتي راضيه ولا لا اوك بابا فكري ورديلي خبر ع مود نرد الخبر للناس حتى ميبقون منتضرين عيب منهم
ليال : شوف بابا اني اعتبرك صديقي وحبيبي قبل متكون ابويه فلهذا راح اترك هذا الموضوع الك انت اللي تقرر
ابو حيدر : يابابا اللي راح يعيش ويا كرم انتي مو اني ومااريد احد غيرج يحدد حياتج ومستقبلج
بالنهايه لازم انتي تستقرين وتشوفين حياتج ان كان كرم ولا غيره
ليال : بابا لا كرم ولا غيره اني عادي عندي اريدك شوف الصح انت وانت اللي تقرر عني
ابو حيدر : يابابا كل مره تكولين هيج وابقى اقرر عنج بس هايه المره غير لأن هايه المره زواج واستقرار وحياة تنتضرج فيعني خاف الحياة تطلع متعبه ولا مريحه لازم تحدديها انتي مو اني لأن بالنهايه اني مدايملج
ليال : اسم الله بابا بعيدالشر لتكول هيج منو غيرك بالدنيا الي
ابو حيدر : بابا كلنه ماباقين بالدنيا
ليال : اعرف بس مااريدك تجيب هايه السيره
ابو حيدر : شنو سيره ذاتيه هههه
ليال : هههه انت بس تحشش على كلامي
ابو حيدر : هههه منو غير كلبي اشاقه ويا
ليال : يعمري انت ربي يحفضك الي
ابو حيدر : ويحفضج باباتي يله الحمدالله اكلج طيب وهاا مو غلستي ع الموضوع باجر لازم جاوبيني وتكوليلي شنو قررتي
ليال : اوك بابا

الصباح الساعه 6:30
ابوحيدر : صباح الخير
ليال :صباح النور ياعمري انت شلونك
ابو حيدر : هههه على هذا الغزل شلوني اكيد بخير
ليال : هههه ان شاء اللـــــه  دومك بخير
ابو حيدر : هاا باباتي حضرتي الريوك
ليال : اي جاهز بس خلي اصب العصير ماتك
ابو حيدر: فديت الفاهمه ابوها وتعرفه شنو يشرب الصبح
ليال :هههه طبعا
ابوحيدر :هاا بابا شنو قررتي
ليال :اني فكرت بالنهايه تعرف انو هو معتبرته مثل اخويه ن عشت عدهم
لهذا قررت

يتبع
750 كلمه