رجل تحت الحظر"مكتمله"

الحلقه_7

#رجل_تحت_الحظر

#الحلقة_السابعه

#للكاتبة_ريم_محمد

وسيم::ساره انا معنديش شقه

ساره:: كيييف معندكش شقه هههه امالا وين بتسكني

عفاف:: في جخرابة داره

وسيم::عفااف

عفاف: يلا خليها بروحها تشوف. عدي ياعروسه تفرجي. علي دارك.

سلره::برمت عليه شن تقول هُذِّي

وسيم::تعالي ساره مشيت وهي ورايا

فتحت الدار تفضلي. هُذِّي داري وهنا بنسكنو

ساره::خشييت كلي صدمه رافعه راسي ومصدمه نبحت في المكان

الدار شينه. ودبشي اللي. دزيته معرم في كراتين علي جنب

صبيت

انت من جدك تحكي. انا نسسسكن هنا

وسيم:: قربت منها. معلش ساره هُذِّي امكانياتي. صح هي دار صغيره وممكن مش كيف ماانتي. تحلمي يكون سكنك ولا كيف الدار اللي جايه منها بس باذن الله تشوفي فيها كل القدر والاحترام مني

ساره:: قدر شنو اي قدر وانت مسكني في جخرابه علي قول مرت بوك من جدك مسمي. الزباله هُذِّي دار.

وسيم::انا مخدعتش حد عماد عنده علم. وحكيت معاه قتله هُذِّي امكانياتي وهذي داري. اللي بتسكن فيها اختك وهوا عارف ونجاح قالت انتي موافقه انا مليش ذنب انك مخدوعه

ساره:: قعمزت قعدت نبكي.

ياربي انا شن دايره في حياتي عشان هكي يَصير فيا

هذا ابتلاء ولا عقاب يارب. مستحيل نقدر نعيش هكي انا

وسيم:: انا اسف بودي. نسكنك في قصر ونجيبلك خدم وحشم ونفرشلك الارض ورد ورمل. بس ظروفي. هكي وامكانياتي ضعيفه.

ساره::وانا منبيش. قصور ولا خدم وورد انا نبي مكان لائق للسكن. وسيم انت من جدك انا نسكن في دار موديل قديم

انت شايف المكياج المرتب والدبش هُذِّي يجن بحق موبيليا. مش راكبات يترتبن عليها. شايف الفرش كيف رخيص والستارة موديل. جدي. مش هذا حلمي. ولا اصلا نقدر نعيش فيها

شايف الكراتين المغلفه هذين. أدوات مطبخ وحمام. ووووين نحطهن. سيبنهن مغلفات انا قالو شقه راح تسكني. وأقل من سنه وبيسافر متكثريش دبش

طلع. الواقع صدمه لاراجل هوا ولا السكن هوا

وسيم:: كلامها كان واعر. نفس نظرات الاستهزاء نفس النبره الجارحه.

قربت منها. وقتلها

معلش يابنت اسيادي. انتي علي راسي. تحملي هل العيشه. فتره بس وبعدها بروحي نشيلك لباب حوشكم كيف ماجيتيني