#رجل_تحت_الحظر
#الحلقة_الثانية_وثمانون
#للكاتبة_ريم_محمد
#لايك_كومنت
علاء:: طلعت من الحوش متضايق
حاير بين نرد نصالحها ولا نكمل طريقي في تحقيق حلمي
وسوسلي الشيطان وعقلي سيطر عليه وحسسني ان محبه مش طايره بس الرحله ضربة العمر
كملت طريقي للمطار. وقلت اول مانوصل غادي نرن نرضيها توا اكيد راقده
><~~
محبه: مرقدتش. حاسه روحي مخنوقه. لبست وطلعت للجنان نتمشا
عصام: كنت. طالع للعمل. بدري. نسمع في صوت بكا
برمت شفتها تبكي بالعبره. انفجعت وقربت منها
كنك محبه شن في شن صاير.
محبه: عصام علاء سافر.
تصور عدا وانا زعلانه منه
هزبني ياعصام الليل وعايرني انه مضحي تضحيه مفش حد يديرها. قصده زواجه مني وتحمل مسؤولية بنتي
علاء بدا يمل مني. بديت. مش حلوه في نظره ولا نليق به
علاء شايف نفسه علّيا ومعش نشرفه.
عصام ( احكيلي شن صار بينكم
محبه حكيتله شن صار
عصام:: لا محبه مستحيل علاء يقصد اللي قلتيه
تي علاء يحبك ومفش راجل يحب مراته زيه
ممكن هوا واخدته الاحلام وطموحه ممكن هوا واخده الشغل عليكم
بس مش بالتفسير اللي قلتيه.
علاء مش شايف فيك ربع عيب ولا كاره اللي داره بالعكس حاسه شي عادي ومفتخر به وبيك
وتبي الحق حتي انتي غلطانه يعني عيب تتهميه بالانانية
كنتي تقدري يامحبه تمشيها زي ماياما مشيتي. خلاص حجز وومسافر قرر يعني مكنش وقت. كثرة كلام
لَيش تخليه يطلع زعلان واصلا لَيش توصليه لمرحلة يقعد يعصب ويطلع كلام وانتي تزعلي
عشان هكي نقولك. دموعكً امسحيهن لان الغلط مشترك
صح ولالا
محبه:: بس مهما كان مفروض يخش يراضيني ياعصام مش يعبرنيش
عصام؛: وليش ماخليتي روحك انتي خير منه وكسبتي جميل عليه. وقلتي راجلي حبيبي
مسافر طريق طويله ونطلع. نسلم عليه
محبه غلطتك هوا صبرك الأربع سنوات تجيش توا تبيه يقعد جنبك.
><~~~
أنت تقرأ
رجل تحت الحظر"مكتمله"
Spiritualرواية منقوله من قبل الكاتبه ريم_محمد# رواية تمتلك أحداث رائعه@ أثمن لكم قراء ممتعه#
