خانتكِ عيناكِ

الحلقة لاولى

تبدا القصة بشاب اسمه علي هو طالب هندسة سنة ثانية في احدى الجامعات حيث هو ايضا يعمل مع والده في كراج لغسيل سيارات وهو الولد الوحيد يتكون ابطال القصة من (علي ،فراس صديق طفولة، ابو علي،وام علي ،سارة ، زينب صديقة سارة) باقي شخصيات خلال قصة
علي :العمر ٢٢ حنطي وضخم

سارة : ١٩ عيون ملونة رصاصي مو محجبة حنطية ملاحمي كلش حلوة شوية طويلة

زينب: ١٩ سنة بيضة وملامحي عادية محجبة قصيرة شوية اني

فراس : عمري ٢٢ واسمر طول وسط

علي:اوفف ساعة ب٧ لازم اروح لجامعة خلي اسبح وابدل واروح ميفيدني النوم سبحت وكملت تليفون دك
فراس: ها علي وين انت

علي : بالبيت قابل وين

فراس: يلا دقايق جايك نروح لجامعة

علي : يلا منتظرك

ابو علي : علي قبل لاتروح جيب ريوك

علي : صار يابة تدلل ، جبت ريوك اتريكت باب اندك

فراس: ها كملت

علي : اي خلصت البس حذاء واجي

فراس : اوك يلامنتظرك بالسيارة

علي: رحنا للجامعة قضينا اول ساعتين عاديات ، كعدنا بالكافتريا اني وفراس شفت بنية والي هية سارة ، غمزت لفراس كتله باوع هاي شكد حلووة

فراس: شبيك علي حالهة حال بنية مو ذيج حلوة

علي: بابا انت بيك شي غير تخبل

فراس: يمعوود دعوفني هو اني دايخ

علي: شبيك خيرك !

فراس: راسي يوجعني اريد ارجع للبيت بس من دوختي خاف اسوق واسويلي حادث

علي : انطيني سويج اني اسوق

فراس: منين تعرف تسوق ؟

علي: لاوالله هو اعرف اسوق بس ابوية باع سيارة

فراس : لعد اذا هيج هاك سويج امشي بس وصلني للبيت ، بس انت شلون ؟

علي : لاتخاف اكول لامي تعبان حتى اخلص من شغل كراج هم

فراس: امشيلنة لعد خلي نروح

علي: يلا ، طلعنا ركبنا شغلت سيارة هي سيارة حديثة سارة فاتت باوعتلهة هي باوعت بنظرة ممهتمة

سارة: باعي هذا يفيك بسيارتة عباله كل بنات يركضن ورا سيارات

علي : غلست ورحت وصلت فراس للبيت ورجعت مشي من يم بيتهم لان مسافة قريبة ، طبيت للبيت عندي مفتاح فتت شفت امي كاعدة ها يمة

ام علي: ها خيرك شبيك شو راجع من وقت

علي : يمة تعبان وراسي يوجعني

ام علي : مابيك شي هاي من ورة موبايل

علي:هم رجعنا للموبايل ، يلا اني اروح انام ،نمت ساعتين كعدت

ام علي : علي يمة تعال اخذ اكل لابوك جوعان من صبح يشتغل

علي : اي يمة حاضر انطيني لاكل ، اخذت لأكل من امي طلعت صارت حلة الكليات، شفت سارة فاتت واني فتت من يمهة بس معرفت بيتنا بالمنطقة

زينب : هذا مو نفسه جان بالسيارة حديثة شجابة هنا معقولة لحكنا

سارة: يمعودد وين رحتي يجوز بالصدفة فات منا امشي خل نروح

علي : اتفاجأت طلع بيتهم بصف جوارينة يعني قريبين علينا ، مهم غلست ورحت للكراج ، ها يابة الله يساعدك هذا لأكل

ابو علي: هلا وليدي اي عاشت ايدك ، اي شنو اخبار الكلية اليوم

علي: والله يابة رجعت من وكت لان راسي يوحعني وداحس روحي تعبان

ابو علي : يلا سلامتك اليوم لاتطلع للشغل ارتاح

علي: اي والله يابة ارتاح اليوم وباجر انشاءالله اطلع وياك ، ابوية من نوع الحنين وكلش يحبني ، رجعت للبيت تمدت ولزمت كلت خل اسأل على فراس

علي: ها شلون صرت

فراس: هلا علي والله حالتي دا تسوء يمكن باجر ماروح للجامعة

علي: ها سلامتك انشاءالله بس يصرلي مجال امرلك

فراس: انشاءالله

علي: اني فكرت كلت اذا فراس باجر ميروح منو ياخذني للجامعة فلوس تكسي احنا ناس على كد حالنا لازم اتعلم شلون اروح نفرات ، المهم سألت واندليت شلون ثاني يوم كعدت نفس مود سبحت بدلت جبت ريوك كلت خل اطلع من وقت لان نفرات لو اكو كيات لو لا رحت فوك شارع كمت اشر بس اكثرهم مقبطين شفت سارة وصديقتهة

زينب : شوفي هذا ديلحكنا مو عند سيارة ليش يصعد نفرات

سارة : والله ماعرف ، هسة هذا وقت تعطل سيارتة ابو الخط

علي: طلعوا هم كذلك يرحون نفرات ، اشرت وكف واحد شبه مقبط بس ٣ مقاعد لاخيرة صعدت كعدت يم جامة هم كذلك صعدو

صديقة سارة: يلا خلنصعد تأخرنا

سارة : يمعود تردينا نكعد بصف الولد

صديقة سارة: امشينا هسة مو وقتج

علي: صعدت سارة وصديقتهة كعدت سارة بصفي وصديقتهة بصفهة ، اني من نوع خجول استحيت وقلصت رجلي سويت فرق بيني وبين سارة ، وسارة وصديقتهة وحدة تباوع على لاخ ، بس من كعدت بصفي ابد مندارت ولا اني باوعت ، حسيت بشعور غريب ، وصلنا

علي: نازل نازل

زينب : نازل

علي :نزلنا كل واحد بطريقة راح