خانتكِ عيناكِ

بارت ١٠

البارت١٠

سارة:من رجعت للبيت لكيت بيت عمي جايين من السفر وهوسة،دخلت رحت كبل فوك بدلت ملابسي وكشخت ونزلت جوا رحت سلمت عليهم كلهم،كعدت وياهم بقواويسولفون انيهم اسولف وياهم

علي: اني بعد الدوام رجعت تعبان ودايخ رحت سبحت كعدت ارتاحيت امي جابت الغدة كالتلي يمة اذا عندك مجال العصر لاتفتح نروح لقبر ابوك انيهم كلتلهة حاضر يمة ماعندي شي ، العصر اخذت تكسي رحنا للقبور رحت على قبر ابوي بس شقت صورتة متحملت كبل بيجت ونمت على قبر امي اجتي امي غسلت القبر انيهم ساعدتهة ،بعد دنيا ضلمت كلنا نرجع كلت نتعشى برا ونرجع تعشينا اني امي برا ورجعنا للبيت ،بعد اني من رجعت بدأت ادرس

سارة: ورا ما اتغدينا عمي فتح طاري الخطوبة وعمي كال احنا موافقين كالوا لعد الجمعة الخطوبة علمود العطلة،اهلي كالو تمام ، انيهم صعدت فوك طبعا احنا يوم الأثنين، يعني بعد اربعة ايام اني مجنت فرحانة ابد، بعد هم نسوان يم امي ناموا و رجال يم عمي بلأستقبال واني بوحدي صعدت فوك كلت خل انام ،ثاني يوك كعدت غسلت وبدلت ونزلت اتريك ، تريكت خابرتني زينب انيهم طلعت

علي:اني خلصت دراسة رحت لفيت راسي ونمت ،كعدت صبح على صوت المنبه امي هم كعدت رحت اجيب صمون وريوك وكعدنا نتريك اني وامي دك موبايل ابو الخط طلعتله ، وياا طلعة سارة طلعت اني باوعت ودرت وجهي سويت روحي ممهمتم ،طلعت كدامهة رحت ركبت بالسيارة

سارة:اني بقيت اباوع عليه ، من راح انيهم طلعت وراه رحت ركبت بالسيارة اني زينب بقينا نسولف كلتلهة اني جمعة خطبتي بطريقة حتى علي هم يسمع بس هو مجان منطي اهمية

علي:اني مجنت منطي اهمية بس من جوا نار يعني اريد شي اطلع بي نار الي بكلبي وصلنا للجامعة رحت كعدت بالحديقة اشتميت هوا شوية وطبيت للمحاضرة

سارة:من وصلنا رحنا سولفنا اني وزينب وراهة دخلنا للمحاضرة ورا المحاضرة رحنا اني وزينب للكافتريا والله كعدنا زينب جابت العصير،شوية ودخل علي

علي:اني جنت دايخ كلت صار عندي وجع راس ودوخة كلت اشرب عصير ليمون دخلت شفت سارة باوعت عليه انيهم باوعت وراهة اخذت العصير رحت للحديقة كعدت هناك جنت بوحدي اضوج جان عندي امتحان تأخرت شوية ورا ماطلعت لكيت سارة بوحدهة واكفة عالشارع

سارة:ابو الخط خابرنا وبلغنا كال انتوا رجعوا اليوم سيارتي عطلت اني اخابر ابن عمي ميرد بالشغل اخابر عمي نفس شي واني ماكدر اصعد تكسي بوحدي لأن زينب طلعت من وقت لأن صار عندهة ظروف بالبيت انيهم بقيت اخابر محد يرد

علي:اني رحت لسارة كلتلهة ابو الخط ليش مجاي،كالت سيارة عطلانة كلت هاا لعد راح اروح تكسي زين جنت شايل فلوس لزمت تكسي اجتي سارة كالت بلا زحمة توصلني وياك احنا نفس طريق كلتلهة اركبي صعدت،اني عفت كل الماضي يعني ماعندي حقد عليهة بس بعدني احبهة

سارة:بعد ما وصلنا نزل علي انيهم نزلت اني طلعت فلوس ردت انطي العلي بس علي انطاه وراح ،كلتله ليش دفعته كله اني صعدت وياك مفروض انيهم ادفع كال روحي للبيت انيهم عفتة ورحت للبيت

علي:اني رجعت للبيت بدلت موبايلي دك اني شفت منو طلع فراس اني ضحكت،ها ولك شلونك اخبارك شو لاحس ولانفس

فراس:هلا علي الحمدالله والله هو انت البذات متسأل مو جنت على الفراش وهلأيام صرت احسن بعد كلت ارجع للجامعة

علي:والله انت تعرف اني مدا الحك من الجامعة للبيت والعصر اشتغل وبليل اقره يعني هم اعذرني ، اي ارجع صارلك هواي مرتاح وجامعة بدونك ضوجة

فراس: الله يساعدك اي والله ، اي بس شوفلي مكان بالخط وياك لأن اهلي من ورا حادث بعد مينطوني سيارة

علي:اي تعالي العصر للمحل انطيك رقمه ونوب المكان يمي فارغ تخابره وتدلي بيتكم يجي عليك الصبح

فراس:ماشي اني العصر جايك

علي:هلا بيك،رحت غسلت امي صبت غدة اتغدينا العصر طلعت اروح للشغل،فتحت اشتغلت والله شوية واجه فراس سلمت عليه وكعدنا حجينا انطيته رقم اتفق وياا ابو الخط علساس باجر بعد يطلع للجامعة

سارة:اني من رجعت امي جانت مخبوصة بالغدة وكلهم ملتمين بالمطبخ يسولفون امي كالت روحي بدلي ملابسج وتعاي وياي والله اني صعدت سبحت غيرت ملابسي ونزلت ، مكلتلهة اخط سيارتة عطلانة ورجعت وياا علي ، ساعدت امي بالغدا وصبينا غدا رجع عمي كعدنا اتغدينا سوا وراهة امي كالت غسلي مواعين وصعدي فوك بعد امي مشغولة وياا الجماعة، اني رحت غسلت مواعين وصعدت فوك اروح ادرس

علي:راح فراس انيهم كملت شغل صارت ساعة ب٧ عزلت ورجعت رحت بطريقي اتسوكت مخضر لأمي ورجعت صبت امي عشا اني هم اتعشيت كعدت احجي ويا امي واسولفلهة وهي كامت تحجي على ايام قبل واني احشش حتى تضحك ،وراهة رحنا نام انيهم نمت

سارة:احنا هم سوين عشا ابن عمي رجع اتعشينا ابن عمي يباوعلي واني ممنطيته وجه كالي اليوم داكة علية جنت بالشغل ومشغول كلت لا موبايلي عطلان حتى على عمي هم دك مادري شبي كال هاا لعد اني اجيبلج لا ماريد اني هذا على كد لأتصال خلصت كمت غسلت كلت امي اني اروح ادرس كالت روحي صعدت بعد ، ثاني يوم كعدت غسلت وبدلت نزلت

علي:اني صبح كعدت جبت ريوك اتريكنا اني وامي بقيتلهة مصروف خابرني ابو الخط طلعت بعد رحت لكيت فراس كاعد اني ضحكت دخلت للسيارة صباح الخير ،فراس صباح النور، اني رحت كعدت بصفة سولفنا

سارة:اني جنت كاعدة على ريوك دكت زينب٧عن الموبايل طلعت عدل وكبل صعدت لكيت فراس وعلي كاعدين علي جان ملتهي ويا فراس اني صعدت راح ابو السيارة بنص الطريق اني حسيت ناسية شي شو اشوف موبايلي ماكو شوية ودك موبايل زينب امي خابرتهة كالت خلي تنتظر باب الجامعة ابن عمهة راح يجيبه كلتلهة اي

علي:نزلنا اني رحت لباب الجامعة وكفنا اني وفراس اجتي سارة وكفت يمنا اني باوعت وهية هم باوعت كالت ها علي شلونك اني هم كلتلها الحمدالله

سارة:اني حتى مابين عود لحاكته كلتله اني منتظرة ابن عمي يجيب موبايل نسيته بالبيت هو كال النسيان نعمة بس مرات مننسى انيهم كمت اسولف مثل ردنا نتعارك ابن عمي اجه شافنا دنسولف ...........