بارت4
مرة الايام والسنين وسرمد يشتغل
اشتغلت وية ابوية سنين بمحلة الكترونيات ولان جنت ناعم من يدخل المشتري يلبسني ويروح لشخص مشورب او اكبر مني
مع العلم اني جنت انطي ملاحظات لبوية واكلة جيب فلان حاجة لان ربحها هلكد وتوفر هلكد عكس غير شغلة
عندي عقل اقتصادي بالعمل
جان ماياخذ حجايتي لاني صغير
ابوية مايدري بالي سويتة بالرات الاول والثاني ابد
كعدني بالبيت
لان مافيدة!!
اشتغلت وية اقاربي مصور بمنطقة شعبية يوميتي 3 الف من الصبح لليل
وجنت باليوم دخلة يصير 40 او شوي ازيد
كتلة حسام ليش ماانطور الشغل هم كليلي عمو
بنوع من الاستهزاء سوك تعبان شطور
جنت احب ابحوش جان كل مايجيني واحد ع استنساخ اسوي سكنر والهي الزبون واسحب المعاملة الي عندة
كمت اخذ الاختام ببرنامج الفوتوشوب 7 بالعصة السحرية واليدوية
وجنت ابقى ساعات امسح الكتابة الي بيهن واحفظهن
جنت اطلع للطلاب شهادة وفاة لبوهم او جدهم😂😂 حتى يغيبون وشي رسمي بس استنساخ
اطور شغلي وكمت امشي معاملات بس للعرف لان هواي اختام وتوقيعات عندي صار الربح خييرر مننن الله باليوم 350-500
وبعدها يوميتي 3
حسيت نفسي كمش استحي اكلة ماتكفي
وهو اصلا مااصرف شي بس ميصير
جان يجي الظهر بس ياخذ الدخل ويروح مال ثاني يوم
بقيت سنة وبطلت لان طلع تشابه اسماء هو ويه ارهابي والاميركان اخذو
حوبتي👋
رجعت اشتغل وية ابوية لان صانع باكة
اشتغلت بنص الاسبوعية الي ينطيها للغربة
جنت احقق ارباح تسد عوائل
بس جان يكلي صدفة هاي او عفية
مجان يشجعني مجان يحسسني اني كد المسؤلية ولايسمعني كلاام طيب ابد
يميل للغريب ويشجعة الي اغلبهم اصدقائي مجانت اصادق نفس عمري مااتفاهم وياهم احس نفسي اصغر فا تصير علاقتي وي الاكبر سناً
بقيت اشتغل ومصرف لخواتي انطي وكبرت
وبقيت بشغلي الى ان حس بقيمتي
جنت ادرس واشتغل وصلت للسادس ادبي
والله اشتغل اله حتى ماينطي يومية لغريب وانطيها للبيت او اضمها اله وشغلي افضل منهم
بقيت ادرس واشتغل وكمت اروح للمحل نص شفت
الى ان وصلت الامتحانات البكلوريا
كتلة يابة رااح اكعد بعد م المحل والمدير انطي فلوس اكعد اكثر م 40 يوم
وكعدت فترة هواي
جان عندي جهاز n95الاسود سلايت
اول خطوة كلت خلي ادرس زين لان تركت الرابع رسبت بي بسبب الي ذكرتة بالاسلامية ودور ثاني هم انجبحت بيهم
سنتين جنت انطي فلوس مسائي للرابع والخامس وحولت ب500$ م المسائل للصباحة م جوة العباية😉
فترة الامتحانات سرمد
تخبل
زين راسة صفر وبالمكينة مال الحلاقة حواجبة
حتى مايطلع ومايلتقي باحد وجهازي شمرتة بطارية بمكان والخط بمكان
واجتي فترة الامتحانات
وامتحنت و وكعت بس بالعربي 43
امتحنت دور ثاني وهم وكعت بالعربي ونفس الدرجة اتخبل م الاعراب و وماتحت خط وشنوو شعور الشاعر
رجعت اشتغل ومنتظر السنة الثانية حتى ادخل كلية ويصير براسي خيرر
اجتي الايام واشتغل ومنتظر السنة الثانية وداومت اول شهر جماعتي ماهمة واني كبرت لحية وشوارب صارت عندي ويصيحولي عمو عندك قلم زايد
جان مكاني بالاخير اكعد معبس
كلت خلي اقرا واطلع معدل بي حظ
اسبوع واحد والله كعدت
من يجي ابوية لحد هسة اذكر الحجي
يكلي اكل ومرعة وقلة صنعة
وحالك حال النسوان تاكل وتنام
لان جنت ابقى اقرا
حييل انقهرت حييل اتاذيت
كام يحاربني واني ادخن ينطيني 5 كل اسبوع يادوب تكفي حرب نفسية سوة عندي شهرين م بداية الدوام اجاني كلي اخذتلك محل تعال اشتغل بي
رحت للمدير لان اعرفة والموجودين هناك يدرون بية وبسالفتي انطيتهم الكتب وكتلهم بطلت ابوية اهم!!
عائلة تحتاجني والدمعة بعيني
انطيت الكتب بدوام الصباحي ورحت لمحلي الجديد وبقيت اشتغل بي وعفت الدراسة لخاطر ابوية!!!
يتبع...
