عفت الدراسة واصدقائي دخلو للكليات ونجحو وتخرجو وبيهم الي تعين وحالياً معروف وبيهن الي يدور شغل وبيهم الي استشهد وبيهم الي ازوج...
سرمد بقى يشتغل وية ابو ومستورة اللكمة
الاب راد يوسع شغلة فتح محل ثالث وخلة صانع وفتح محل جملة رابع واخذ مخازن وملاهن بضاعة بفلوسة وفلوس الناس اكثر لان تجار وينطون على التصريف
سرمد بدى يشك اكو خلل يصير اكو بوك بالبضاعة من العمال الغربة لمح لبو
ابو ابد ماانتبهلة
سرمد كال لبو ترى شغلة الجملة مثل بيع العلگ بسوك اهل القماش لان هناك تماسيح
الاب ضحك وكلة شوي شوية نطور ونشتغل وحتى ازوجك...
بدى الشغل وصار احسن بالفعل خلال اشهر فقط
الاب اسوك مسواك بملايينن بفلوس العالم انطى للشمال الموصل والفلوجة واربيل وكركوك والمحافظات الجنوبية هم
انطاهم بضاعة وحساب مداور
ابو سرمد جان كاعد بالهول وفاتح القران وياخذ خيرة لنفسة على مود شخص ينطي بضاعة لو لاا ويسوك اكثر لو لاا
اجيت يمة سألتة كال رااح تجي بضاعة غالية وبيها خبزة رااح اخذها لان هسة بالقران شفتها بيها صالح وبركة
كتلة يابة الله شافو بالعقل لو بالعين
الفلوس هاي هواي وماعدنا وحتى اذا ربحت الي عدنا صح شوية بس زيين...
كلة تبقى جبان ومطي شغل عقلك لازم نطور!!!
عفتة وكعدت ع صفحة وكلت الي علية حجيتة وبقيت بشغلي
الى ان......
صارت احداث داعش !!!
الي صارت خلال كم يوم واحتلو محافظات و وقريب بغداد خلال اسبوع
السوك تعب حيييل
ومحلات هواي وايجارات غااالية حييييل
جنا نبيع م البضاعة وننطي ايجار سدينا محل خلال اسبوع
استمرت الاحداث مال داعش والايجارات نار والسوك ضعف والي منطيهم ابو سرمد بضاعة اختفوا الي مات مات والي احتركت بضاعتة احتركت والي سافر للخارج طفر والي موجود بس ماعندة ولافلس....
الاوضاع تخربطت ابو سرمد تمرض كعدت بالبيت بعد متحمل الي يصير
سرمد استلم الشغل كلة لان يعرفوا ابو الي ماخذ بضاعة ولازم يسد للتجار
الاوضاع حيييل تعبت حييييل
سدينا كل المحلات والمخازن وبقى سرمد بمحل واحد يسد بي البضاعة
الاب باع البيت وكعد ايجار بيت صغير مايتحمل خطار
وباع السيارة
وبقت الناس اطلبة ولانو كاعد وتمرض وسرمد جان هو المسؤل على الشغل انرفعت علية اوراق ديون ويتحمل يومياً اهانة وصياح وتهديدات من كل التجار الي اخذ منهم الاب بضاعة
وكل مايصير حجي الاب يكلة صوجي لو سامع حجايتك م قبل وماجافص هاي الجفصة
للعلم الاب مايدري بماضي سرمد والشغل الي اشتغلة بشغلة
وكل ذنبة لسرمد انه جان نطفة م اب هدم مستقبلة!!
