Maraming misteryo sa mundo, may mga bagay kasi na mahirap paniwalaan kapag hindi natin nasaksihan at naranasan. Napakarami pa palang hiwaga ang nakakubli kasama natin na mahirap hanapan ng sapat na patunay at paliwanag, mga hiwagang hindi pangkaraniwan na hindi lubos maisip ang mga pinagmulan nito. Kung pagbabasehan kasi ang siyensya, marami naman talagang imposibleng mangyari.
Maaring isa ka sa naniniwala sa ikalawang dimensyong sinasabi. Isang dimensyon kung saan narito ang mga mahika, pangkukulam, mga multo, pag-aalbularyo, demonyo, panaginip at kung ano-ano pang bagay at pangyayari na kung iisipin, napaka-weird. Sadyang sa simula ay magkakaroon ka ng napakaraming tanong, ngunit sa paglipas ng panahon, malalaman mo rin ang paliwanag sa likod ng ganitong misteryo.
Isa na rin ang tungkol sa mga kumakalat na Chainmails. Maaaring para sa karamihan, isa lang itong katuwaan na likha ng mga taong walang magawa sa buhay. Pero paano pala kung ang hindi pagpasa nito ang magiging hudyat ng iyong madilim na hinaharap? Makakaya mo ba ang sumpang dala ng CHAINMAILS?
