للذكريات رأي آخر
بقلم Reem
البارت الخامس
ذكريات تمر علي لاتفارقني جعلت حياتي جحيم هذه اللحظات الفاصله في حياة انسانه اما ان تبقيها ًحٌٓــيه او تنهي وجودها ودورها بالحياة هي نفسها اللحظات التي قلبت حياتي هي ذكريات ولكن لكل ذكرى الم تحفر في القلب وتتحكم في حياتي
(تقى)
محمد : من عرفت بأن خطيب هديل رفض الزواج بيها واني النار تاكل بيه وبحيره مااعرف شلون انقذها وخاصه شفت الشر بعيون حسين وحاولت احجي ونوصل لحل ماكو وراها عرفت بحسين خطف ياسر وهرب واهله سفروه للخارج
حاولت اوصل لحل وقررت اتزوجها اني لازم انقذها مراح اسامحها بعمري على الي سوته بس بنفس الوقت لازم انقذ حياتها
لان اعرف حسين مراح يفوت الموضوع على خير
وخابرت حسين وحجيت وياه
ابوعلي انت اخويه ومتربين سوه واهلي واهلك واحد
حسين : ليش هذا الحجي ابو الشباب اكو شى
محمد : اني اريد اتزوج هديل
حسين : شنوو هديل وليش
محمد : اني رايدها على سنه الله ورسوله والي تريدوه اني حاضر
حسين : انت اخويه والنعم منك واعرف بيك حزام ظهري واذا وكعت بيوم انت تشيلني بس لهنا وبس مااكدر اشيلك عاري
محمد : افهمني اني اريدها لهديل ولتنسى اني ربيتها صح غلطت وغلطها جبير بس مهما كان متهون علينا وبوضعها هذا ماكو غير الزواج واني اعرف شون اربيها وبالنسبه للطفل الي بطنها اسجله بأسمي لازم نستعجل حسين الوقت مو بصالحنا خلي باجر اجيب السيد اعقد عليها وننهي الموضوع
حسين : اعذرني ابو الشباب اول مره اكولك مااكدر الي تريده مرفوض
محمد : ليش اكو سبب بيه شى يمنع زواجي منها
حسين : انت تاج راسها وهي متستاهلك ياريت اجيتني قبل مصيبتها والله اكبعها واجيبها لباب بيتك
بس بهذا الوضع مااكدر انت شفتها شسوت وشلون دمرتنا
ولوما ستر رب العالمين جان احنه هسه علج بحلك العالم وسمعتنا بالوحل
اني كلت احاول اخلي هذا الحقير يتزوجها ونسد الموضوع وشفت شصار لهذا متستاهل واحد يسترها هاي لازم تموت
محمد : كول ياالله ابو علي اني ماالومك ولو جنت بمكانك اكيد افكر مثلك بس احنا بشر وماكو بشر ميخطأ صح خطأ عن خطأ يفرق بس هذا حظنا ولازم نسلم امرنا لله ومنعالج الخطأ بخطأ اكبر
والعلاج الوحيد لهذا الموضوع الزواج والستر وراها حقك طيح حظها حتى لو تتبرى منها المهم لتنسى هاي اختك قطعه من قلبك
حسين : وهي ليش نست اني اخوها ليش نست ابوها قبلنا كلنا ليش نست ربها وعذابه اوووف يامحمد الي بيه جبال بشر ميحملهن شحجي شأكول
محمد : لتحجي ولا اي شى كول ياالله وخلي نلملم الموضوع قبل ميكبر ولتنسى اني ربيتها وياكم ولازم اتحمل جزء من المسؤوليه ولو يمكن اني اتحملها كلها لان لو ما الحاحي بموضوع الخطوبه وقنعتكم توافقون مجان صار گـ❈ٍـْلٍ هذا
