فصلية لصديق اخوي😔

البارت الاول

يوم الخميس الساعه 6:00 صباحا🍁

الام: لارا ماما اكعدي
لارا:هممم ماما شتردين😴
الام: كومي الساعة ب7 اليوم مو عندج امتحان
(لارا كبل طفرت من الفراش والشعر منفوش  وبجامتهه وحده صاعده للركبه والثانيه نازلة وازرار قميصهه شويه مفتوحه من فوك يعني وضعيه يرثى لها)
لارا:شنووو😲 ماما اني مو كتلج كعديني ب6 علمود اراجع(بهاي الاثناء فتحت الموبايل📱شغلته شافت الساعه ب6
لارا: اووه ماما ليش دائما تجذبين عليه وتسويلي جلطه من الصبح😩
الام: شسويلج انتي ماتكعدين اله بهذه الطريقه
(راحت حضت امهه)
لارا: صباح الخير😘
الام: هه صباح النور حبيبتي (بس بعديش😄)
رحت غسلت وفرشت اسناني ورتبت الكفشه وكعدت اراجع اليوم عندي امتحان رياضيات

الساعة ب7:30
جاي اقره باوعت على الساعه ب7 ونص 😲 واني بعدني ممبدله وصديقاتي يجن ب7:35 يعني بعد خمس دقايق
شمرت الكتاب📖 ورحت ركضت جريت هدومي وبدلت شلون ماجان ولبست شالي ونزلت ركض ولابسه الجنطه ليكدام(يعني لابستهه بثنين اجتافهه بس مو على ظهره وانما من كدام) وايد لازمو بيهه الكتاب والايد الثانيه الحذاء

لارا:صباااااااح الخير😊
أحمد(اخ لارا): وسم لهالصوت شبيج تكمزين جنج قرد من الصبح😒
لارا: لو اديه فارغه جان كفختك راشدي بس ربك رحمك وايدي مشغوله حاليا😏
احمد: تضربيمن ولج😠
(طبعا هذا شقانه اني واحمد كل يوميه احمد عمره 19)
الاب:شبيكم باباتي تتعاركون من  الصبح لارا اليوم عندج امتحان
لارا:اي بابا😔
الام: اكعدي تريكي بنتي
دق دق دق✊✊✊(الباب اندك)
لارا: ماالحك ماما ومثل ماتشوفين البنات اجن بالمدرسه اشتري جبس وعصير(لارا تحجي وتلبس بحذائهه)
الام: الجبس وعصير ياخذن الروح
لارا:(طلعت اركض بالطرمه لان البنات كسرن الباب) الجبس والعصير على الاقل اطيب من اكلج
الام: شنوو ولج😡
لارا: اشاقه وياج ماما بس ادعيلي

طلعت للبنات بعد ماكسرن الباب ووجوهن لون اصفر وهالات سود
لارا: هله بالشله التعبانه شبيجن جنجن زومبي هاي الرياضيات هيجي مسوي بيجن هه😅
رؤى: باعي راح اقاضيج عشائريا واخذ منج فصل😠
لارا: هه ليش شكو
رؤى: اديه اتكسرت وورمت وتفطرت من كد ماادك بالباب منا وجاي ادكه مره وحده اذا ماطلعتي نروح
لارا: ههه انجبي ادري بيج ضلعتي ومتسويهه ماكلتلي شلونجن ويه الرياضيات
رؤى: زفت كالعاده😏
ايه: اصلا مافاتحه الكتاب✌😊
بنين: شنو السالفه تره كولش سهل😕

لارا ورؤى: خل ندخل للمدرسه ونعلمج شلون سهل طول عمرج لوكيه هه 😅 وانتي أية ندري بيج تطردين عيون اذا ماطلعتي مشككته للكتاب من القرايه

(دخلنه للمدرسه وامتحنه وخلص الدوام عادي)
رجعت للبيت اول مادخلت صيحت
لارا: احم احم يااهل الدار وينكم اجت سمو الاميره واعدل بالياخه مال القميص😋
احمد: قصدج سمو الخنزيره😒
لارا: يمه😱 كبر كمزتني كح اعطس علمود اعرف انته هنا
احمد: صدوك ذكرتيني اليوم ردتي تضربيمن الصبح😡
لارا:ها..ههه اني شوكت.. اضربمن..🙇 احمد شوف شنو هذا عالحايط

دار وجهه ردت اركض بس جرني من جنطتي
احمد: هاي السوالف صارت قديمه😏
لارا:😣😣

لارا: عوفني تره اكول لماما على زينب😉
احمد: هاا.. يازينب
لارا:لتغشم روحك😒
احمد:اوك راح اعوفج بس بعد لتعيديهه😐
لارا: (دكيت على صدره حيل) عفيه بأخوي هيجي اريدك مطيع لسمو الاميره😏
احمد: شلون راح اسحلهه😒
لارا: (بصياح) ماااااماااا
احمد:(حطيت ايدي على حلكهه لان هاي فضيحه) يمعوده اسكتي خل اروح للدوام احسلي
(احمد جان دوامه ظهري طبعا هو سادس عايد السنه لام معجبه المعدل وهذا الشي ساعدني لان دائما ينطيني ملاحضات ونقره سوه)

مشيت شويه ردت اصعد فوك شفت مثنى اخويه عمره16 هو اصغر واحد بالعائلة
لارا: هله بولي العهد😁
مثنى: هلو سمو الاميره😊
الام: اكلكم اشو انتو كلبتوا البيت مملكه
مثنى: غير هاي بنتج😅
لارا: مو صوجكم صوج الي سواكم امراء وملوك😏

صعدت فوك سبحت ومشطت شعري ونزلت اتغده
لارا: ماااااماااا جووووووعاانه
الام: خايبه شبيج فضحتينه وثانيا انتي مو كلتي راح اكل بالمدرسه والجبس اطيب من اكلج خل يفيدج الجبس
لارا: ماماتي انتي ماشايفه هناك الحانوت صايره علي بالقنادر اذا ادخل بعد مااطلع واذا طلعت اطلع شبعانه دفرات وجلاليق
الام: شنو السالفه طابه تشترين لو تحررين منطقه
لارا: والله حته التحرير ارحم

وخللللص البارت الاول اتمنى يعجبكم هذا البارت فقط عن البطلة البارت الثاني راح نحجي عن حسين واضحلكم شلون يلتقون

وحبيت اكولكم هاي اول رواية اكتبهه فأذا اكو اخطاء سامحوني صوتوا واهم شي عندي تعليقاتكم علمود اعرف رأيكم بالرواية