BLINDED [COMPLETED]

CHAPTER 2

Lairein's Pov

Mabilis lumipas ang araw. Maaga ako nagising ngayon at excited nang pumasok dahil dun sa mysterious transferee sa school namin.

"Good morning moooooom!" Masiglang pagbati ko kay mommy.

"Ang aga mo naman nagising. 8 am pa pasok niyo, 6:15 am pa lang."

"Hehe. Syempre ma. Balita ko kase may bagong transferee sa school namin. Kaya excited ako. Haha!" Bigla naman akong inakbayan ni Kai.

"Sus! Curious ka lang naman kung gwapo ba o hindi eh. Kung mabait o hindi hahaha! Hay nako Lai." Sinamaan ko naman siya ng tingin at siniko sa tyan.

"Magtigil ka nga Kuya Kai." Inis na sabi ko.

"Hay nako! Nag aaway pa kayo. Kumilos na kayo dahil may mga pasok pa kayo." Sabi ni mommy. Kaya naman nag umpisa na ako kumilos.

Nang matapos na ako, nagpaalam na ako kay mommy na mauuna na ako pumasok dahil matagal kumilos si Kai.

"Nak, may gig ka ba mamaya?" Tanong ni mommy.

"Opo mommy."

"Sige. Ingat ka." Ngumiti ako at tuluyan nang umalis.
Syempre, dala ko ang aking baby (scooter) sa school dahil bukod sa delivery, ito rin ang service ko. Naglakad na ako papuntang classroom at habang nasa hallway, di ko inaasahan na makita yung lalaking gwapo ngunit masungit na nakasuot ng shades at may hawak na stick na daig mo pa ang bulag. May kasama ito at mukhang may hinahanap. Di ko ito pinansin at nagpatuloy lang sa classroom.

"Huy bes, mayaman daw yung transferee." Agad na balita ni Shin. Agad ko naman itong tinaasan ng kilay.

"Oh tapos?"

"Ano ka ba?! Syempre kung mayaman siya, edi gwapo nga ahahaha" pang-aasar ni Shin.

"Tumigil ka nga nakakahiya eh."

Hindi nagtagal dumating na ang prof namin, at nanlaki bigla ang mga mata ko. HOLY---BAKIT KASAMA NIYA SI MR. SUNGIT/MR. SUNGLASSES?

"Okay Class we have a new transferee here. He's your new classmate." Ibinalik ulit niya ang tingin dito.

"Kindly introduce yourself to them."

"I'm Zion Angelo Samonte. Nice meeting you all." Inalalayan na siya ni sir papunta sa katabing upuan ko na vacant....WAIT katabi ko siya?

"Mr. Samonte, ito ang magiging proper seat mo. Katabi ka ni Ms. Mendez." At agad bumalik na ulit si Sir sa unahan. Di ko maiwasan na titigan siya. Wow. Gwapo sana siya pero maugali nga lang.

"Ms. Mendez, stop staring at the transferee and focus yourself in the discussion." Pag sita ng prof namin.

"Sorry po." Nakita kong kumunot ang noo nung Zion, pero ngumisi siya ng bahagya.

"Familiar yung boses mo." Nakita kong sa akin na siya nakatitig dahil nakikita ko na reflection ko sa shades niya.

"Uh.. " di ko alam isasagot ko. Bigla naman siya nag smirk.

"Ahh. Ikaw pala yung clumsy delivery girl. Dito ka rin pala nag aaral? What a coincidence." At nagulat ako nang bigla siyang ngumiti.

"Nangiti pala ang masungit na gaya mo." Sagot ko. Napailing naman siya at halatang natatawa naman.

"Hindi pa naman ako ganun kasungit para hindi ngumiti, Miss."

"Ewan ko sayo." Binalik ko na lang ulit ang atensyon ko sa discussion. Bakit nga ba siya laging nakasuot ng sunglasses kahit wala namang init? Napalingon ulit ako sa gawi niya at mukhang nakikinig na siya sa discussion.

After a few minutes, nagdismiss na si Sir. Inayos ko na ang mga gamit ko at palabas na sana nang bigla akong hinawakan sa braso ni Zion.

"Ano?" Tanong ko.

"Ang sarap ng pagkain na dinelivermo. Oorder ulit ako at gusto ko ikaw magdeliver." Nanlaki naman mga mata ko sa sinabi niya.

"Ano ka, sinuswerte? Every weekends lang ako nagdedeliver."

"Ang arte mo. Malapit lang naman restaurant niyo sa bahay namin." Pagpapaliwanag nito.

"Nako naman. May gig pa ko mamaya." Sagot ko sa kanya

"Nakanta ka?" Tanong niya.

"Oo. Kaya busy ako tuwing weekdays, kaya weekends lang ako available sa pagdedeliver." Pagpapaliwanag ko. Tumango naman siya.

"Sige. Sa saturday."

Tinapik ko siya sa balikat at tumango din.

"Okay. Saturday." Binitawan na niya ako at saka ako umalis. In fairness, di siya nagsusungit ngayon.