#نقطة_ضعفي
#ام_مصطفى
البارت 20
مساء الخير حبيباتي ع عيونك اليوم من وكت نزلت
وطولت البارت لعيونكم
شاف ليلى خزرني وعيونه طكت علي
كال السلام عليكم
ودخل للغرفه وسد الباب حيل
يمه خفت من تصرفه شجاه هذا
ليلى كالت شنو شبي أمجد عصبي مبين
اي خطيه تعبان يجي
تعرفين دوام وبعدين يروح لمحل الحلاقه
وهسه جاي يفتح محل ثاني
هاا صلاوات
اي الحمد لله على نعمة رب العالمين
كصتج خير ع أمجد
الحمد لله
غير كون يقدر النعمه
المفروض يدللج دلال مو يخونج
والله ممقصر وياي
وان شاء الله كال متتكر نزوه
حلفلي متنعاد
وبعدين هي لاطشتله
تعرفين هواي ك..ب
يجلبن بالزلم هجامات البيوت
هااا اي صح
يله اني اروح
الله وياج
دروحي يمعوده اووف
حجيت بكلبي
وصلتها للباب
رجعت للغرفه هلو حبيبي شلونك
شو عصبي خير صاير شي
اشو هذا عاط بيه كم مره كتلج
لاتلتقين بيها هاأااا
وشكو مدخلتها للبيت انت ليش تعاندين
أمجد شجاك هاي اول مره تدخل بصديقاتي
شصاير فهمني
ماصاير شي كتلج ليلى اكطعي علاقتج بيها
وهاي آخر مره اكولج
تره تندمين ربا اذا كسرتي كلامي
أمجد تره اني مو طفله
فهمني ليش
بالقلم العريض مو راحه افتهمتي
شلون يعني مو راحه شايف شي عليها
أي شايف
شلون يعني
اهووووووووووووووووو
عايفلج البيت وطالع وبقي وياها
طبج طووب
بقيت مصدومه شنو الي صاير
شجاه هذا صدك يحجي
ادري شلون اطردها
والله عيب شكللها هسه
والله انسطر راسي
لا وجماله يعيط علي ويكلي طبج طوب
دكيت شيماء
هلو شومه عندج شي أريد احجي وياج
لاحبي ماكو شي عندي كولي
شكو خوما هم تعاركتوا
يعني نص ونص
اووف شجاكم
حجيتلها
ربا عوفيها ختولي مدام يكلج عوفيها
اكيد شايف بيها شي انت مشايفته
وبعدين ع شنو انت مكبره الموضوع
اني مامكبره الموضوع بس من حقي اعرف
شنو ها لتغير المفاجئ
ربا الباب اليجيك منه ريح سده واستريح
زين هي وياي بالدوام نص اليوم اخلصه وياها
شلون ابتعد منها
حاولي قدر المستطاع تجنبيها
بعد زوجج أولى حبي
والله أحاول ولو ممقتنعه ومااحب اسوي شي ممقتنعه بي
اي حبي احسن الج
يله عمري أترخص اني
يله مع السلامه
مع سلامه
لليل اجه أمجد إعلان وجهه ثكيل يااا فوكاها هذا هو زعلان
اسوسلك عشه لا مااريد
مجودي حبيبي اسفه اني
بس والله مكدرت اطردها انت خليك مكاني شسوي
وحده جايتني للبيت صديقتي
اطردها بله سبب
اي صح اعرف
يعني مزعلان مني لا مزعلان
واوعدك أحاول ابتعد عنها قدر الإمكان
عفيه عليج حبيبتي هذا الاريده
هسه سويلي عشه
ادلل
مرت الأيام وفعلا بقيت ابتعد منها واجنبها رغم
هي دائما تجي يمي للصف تسولف
بس اني مثكله عليها
وسحبت نفسي شويه شويه
حللت طلعت حامل أمجد طار فرح ويدعي يارب ولد
كلش تغير وياي مداريني
ومدللني ميرفضلي طلب
كل أسبوع ياخذنه مكان يونسنه اني والبنات
إلى أن دخلت شهر السادس
كالوا سوي سونار
سويت سونار طلعت بيه بنيه
من كلت لامجد كلش ضاج
وانقهر
يعني ممكتوب علي يجي ولد يعوضني عن حمودي
ولج مو راح اموت
عبالج ناسي حمودي اني
كل يوم اكول هسه الله يرزقنا ولد ويعوضنا
ليش يارب مامكتوبلي افرح
أمجد كول يا الله هذا رزق ربك
والنعم بالله
أسبوع بقه ضايج ومقهور
وراها لا رجع عادي
فد يوم اني بالمدرسه واجتني ليلى
رباوي اكولج صدك أمجد وين يداوم
هاا ليش
مو ابن اخوي أريد انقله يمه
حتى يدير باله عليه
ها
يداوم مدرسة .. .....
بهيج مكان
تسلمين حبيبتي 😘 😘
كلت خليها واذا حجه اكوله
حرجتني
وهي فعلا حرجتني قابل شكلها مااندل
طلعت ليلى أخذت اجازه زمنيه كالت رايحه اجيبله قبول
اوكي
بقيت خايفه بكلبي
رجعت للبيت انتظر أمجد يجي شو اتاخر ساعه غير عوايده
وراها اجه بس اجه مبتسم
ويوزع ابتسامات يا الله
