#نقطة_ضعفي
#ام_مصطفى
البارت 13
هالمره مارحت لهلي رجعت لبيتي اجه أمجد تحمدلي بالسلامه بس وجها ثكيل
كال تمنيت ولد يعوضني عن حمودي ويطفي ناره بكلبي
كتله قدر الله وما شاء فعل
هذا رزق من الله
اختار اسم للبنيه كال راح اسميها
شجن كتله إسم حزين هذا
كال اي عادي هو تعبير عن حزني
معارضته لأن شفته ضايج
امي اجت يمي أسبوع وراحت
اجوي البنات حمواتي هم باركولي
وجابوا هدايه
اشتكيت الهم ع أمجد شلون ضايج لأن اجتي ابنيه
خطيه مقبل كالن هو رزق ربج لا بيده ولابيدج
ومن اجه أمجد بقن يحجن عليه كول الحمد لله يمعود هذا رزق ربك
كلهن ردت ولد يعوضني عن حمودي
كالوله ربك مينسى عبده وهسه قابل هنه عشره
هنه اثنين وبعد تكدرون تسوون غيرهن وان شاء الله ربك يرزقكم
طبعا ها لفتره تعرفت ع مدرسه
ويانه ادوام بنيه حبابه ممزوجه
صادقتها اسمها ليلى
كمت احجيلها كولشي
لأن تالا هاجرت هي وأهلها وره الأحداث الصارت بالعراق
وشيماء ازوجت محافظات وحتى محظرت عرسها بوكتها
لأن جنت حزينه ع حمودي
ومثل متعرفون ماعدي خوات وبنات عمي من سالفت يوسف
بعد ماالتقينه
ويوسف ازوج وحده من بنات عمتي واستقر وياها بدبي سافروا
نرجع لموضوع ليلى
تعرفت عليها مدرسة جديده
وخالطتها تعاطفت وياي كلش
كامت تتردد علي وإني هم اروح الها للبيت
اشكيله همي وتشكيلي
خطيه من جبت كامت تجيني كل يوم تساعدني
كلش فرحانه بيها
امي كالتلها بلكت تحاجين ربا تنزع الأسود وتحف كافي حزن
كامت ليلى تلح علي
وراحت اشترتلي دشداشه الوان
وحلفت يمين تنزع الأسود
قبلت انزعه بعد ماقسمت يمين تزعل علي اذا ما نزعته
واخذتني لم صالون تعرفها حفتلي
وصبغت شعري
تردون الصدك ماعرفت نفسي
سنتين وشوية لابسه اسود
وماحافحه وانتو قيسوا
من رجعت للبيت امي كامت تدعي ليلى لأن خلتني احف واذب ثوب الحزن
من اجه أمجد تفاجأ بشكلي وانوا ذابه الأسود كلش فرح
وكام يتغزل ويشاقي شطالعه رباوي اي هيج غيري شويه
والله هاي ليلى بت حلال هاي النسوان الزينه دشوفيها هي شلون تلبس ونازوكه
ياريت لو دائما تعلمج ع البس والكشخه
ضجت من حجايته كتله تره اعرف البس واكشخ ولاتنسى شلون جنت اني بس كلبي مات ع ابني
واهسي انكسر مو بيدي
كال وإني شنو ذنبي رباوي هم أريد مره تلبس وتبدل الي
كتله أن شاء الله مااقصر منا وهيج
كال اني اطالع للمحل لليل ارجع اريدج متحضره الي 😉
صدك اني نظفت ونومت بناتي من وكت وبدلت وتمكيجت
دخل أمجد وكلش فرح
جابلي هديه كال افتحيها
شفتها جانت كلاده ذهب اسم أمجد كلش فرحت بيها لبسها الي
كال هاي مناسبة فك حزنج
وان شاء الله الله يعوضضنا اريدج دوم هيج رباوي
جانت ليله رجعتني لأيام العرس
ثاني يوم اجت ليلى اشكرت منها وحجيت الها فرحت وكالت شفتي
عيني هسه لو اجيبين عشر بنات
مايهتم بعد
دائما ابقي هيج واكسبي للرجال يحضي
شفوفتها الكلاده وتعجبت بيها
عيني بعد شتردين ودكولين متغير
شوفي شلون يحبج
ضحكت هههههه فديته شلون ميحبني لج احنه قصة حب ازوجنا
سولفتلها شلون تعرفت عليه .....
رجعت ادوام للمدرسه وبناتي اوديهم لأمي ومرات هي تجي تبقى بالبيت
اخواني خطبوا هادي وعماد سوه
وقرب موعد العرس
اشتريت ملابس الي ولبناتي ورحت قبل الحنه بيومين
بهاي الفتره دخلت المبايلات
أمجد عنده مبايل فراشه اسمه بوكتها
لحيت علي يشتريلي واحد اشترالي هم
من بقيت يم اهلي اخابر علي باليل واراسله
صار العرس جان كلش حلو العرس حضروا عمامي وعماتي التقيت بيهم بعد فراق 3 سنوات
وسوالف وضحك للصبح
وراها رجعت لبيتي
ابوي هنا كلش ادهورت أوضاعه الصحيه
فديوم كاعده وخابر اخوي هادي يبجي
رباوي ابوي مات تعالي
ابي..وهل..في.الدنيا ..
احلى..من..كلمتي...
تسابق..عيني..وشفتي...
ارى...بسمتي...وفرحي..
عندما...اراك..ياابي...
اقبل..يداك..حيث..حملتني..
وانا..صغيره..
وانحنى..ضهرك..وانا..كبيره..
يامنبع..الامال.ياوجدي..
ابثُ.اليك..اشواقي..وحنيني..
لم..تعرف..الاحزان..طريقها..
يوما..اليه..
ولا...اعرف..شكل..للدموع..على
خديا...
يابلسما..لجراحي...التي.
.لم..تندمل....
لمن..التجأ..بعدك...
واي...ذراع..يضمني...
يا..كل..سنين..بهجتي....
ذهبت..في..راحه..ابديه..
وبقيت..انا..والاحزان..فقط..
وهم...مابقى..لديا..
خاطرة #همسات_الذاكرين
وللحكايه بقيه #ام_مصطفى
