اهلا بكم فى روايه لست احدى ممتلكاتك
البارت الاول
فى احدى الجامعات المصريه كليه الهندسه كانت تقف فتاه تتحدث فى الهاتف
الفتاه..انتى فين يا جزمه انا مستنياكى على باب المدرج ولكنها لم تجد رد
الفتاه..الجزمه قفلت السكه فى وشي استووووب
اسيا سعد الشريف طالبه فى كليه الهندسه الفرقه الرابعه فتاه تتميز بالبشره الخمريه والعيون العسليه والجسد المتناسق لاترتدى الثياب الضيقه ويزينها حجابها لا تضع اي من مساحيق التجميل قويه لا تترك حقها مات والديها فى حادث سير عندما كان عمرها هى واخيها التوام عشر سنوات تولى تربيتهما عمها واستولى على املاك ابيها
حضرت فتاه طباعها مثل اسيا ولكن ملامحها اجنبيه فهى تمتلك العيون الخضراء والشعر الاشقر والبشرة البيضاء ورثت هذه الملامح عن امها فامها فرنسيه واسمها ملك احمد المغازى
ملك ..اناكلب البحر يا برميل مخلل
اسيا..يامصيبتك يا اسيا برميل مخلل فى واحده امها فرنسيه وملامحها اجنبيه وتقول برميل مخلل
ملك..لا ياماما انا مصريه اصيله
اسيا ..على يدددى انا قلت غير كده يا باشا
جاءت فتاه اخرى اليهم
الفتاه ..يالا يا بت انتى وهيا المحاضره هتبدا والدكتور بتاعها بيقولوا عسسسسسسل
استوب
الفتاه..منه توفيق الشناوى فتاه مثلهم محجبه دمها خفيف تحبهم بشده ملامحها بسيطه ولكنها تجذب من ينظر اليها والدها اللواء توفيق الشناوى
اسيا..عسل ولا بصل متفرقش معانا المهم الماده صح يا ملك
ملك..اه المهم الماده هى اهم من الدكتور
اسيا..شفتى يا تافهه مش زيك
ملك..بس برده يا اسيا لو الدكتور عسل يبقى الماده هتبقي سكر
منه..شوفتى اهى رايها زى يا معقده
اسيا..قدامى يا جزمه انتى وهيا على المحاضرة ال عسل ال
فى المحاضرة
دخل الدكتور المدرج واغلق الباب وراءه
الدكتور..مفيش مخلوق هيدخل بعدى احب اعرفكم بنفسي
استوووب
مالك السعيد شاب طويل يمتلك بشره قمحيه عيناه سوداء عريض المنكبين قاسي مغرور لا يعطى المراة اى اهميه
مالك..انا دكتور مالك السعيد هدرسلكم السنه دى يا ريت كل واحد او واحده فيكم يلتزم باللى هقوله
اولا..مفيش حد يعترض على اى حاجه
ثانيا ..اي بنت عايزه تستفسر على اي حاجه ياريت تطلب من زميلها وهو يبلغنى لانى مبحبش اتعامل مع صنف الستات
مع هذا المطلب تعالت الاصوات فى المدرج اما اسيا نظرت له بغيظ ورات انه انسان مغرور من ايام سي السيد
مالك ..سكوت اظن ان الموضوع ده حريه شخصيه انى مبحبش اتعامل مع الستات
ثالثا..ممنوع الكلام فى المحاضرة الا باذنى
رابعا..مفيش اى بنت تجيلى المكتب اللى عيزه تسال على حاجه تطلب من زميل ليها وهو يبلغنى زى ما قلت
وبدا فى شرح المحاضره واسيا اغتاظت منه بشده ولكن شرحه كان سهل واستوعبته اسيا
بعد انتهاء المحاضرة
اسيا ..ده عسسسسسسل يا منه ده يا حبيبتى محصلش عسل بطاطس
كان يمر مالك بجانبها وسمعها
اسيا ..ده دكتور متعجرف ومغرور فاكر نفسه لسه عايش فى زمن سي السيد ميعرفش ان الست زى الراجل دلوقتى ليها حقوق زيه بالظبط
مالك..اظن انك لازم تحترمى الدكتور اللى بيدرسلك وتحتفظى برايك لنفسك وانا حر فى معتقداتى اللى يهمك انتى وزمايلك الماده اللى انا بدرسهالكم غير كده لا وتركها وانصرف
اسيا ..مغرور اوى وجاى يستعرض عضلاته
منه ..اهدى غار فى داهيه سي السيد اهه مش هينفعك لما يجيلك الضغط والسكر
اسيا ..يا بت انا متعصبه وانتى بتهزرى
ملك..انا رايي يا اسيا اننا لازم نتجنبه ده مش بيطيق الستات وممكن يسقطنا
اسيا فى نفسها ..انا لازم اعلمه الادب واعرفه ان الست زى الراجل ليها احترامها
كانت تراهم فتاه ورات اسيا واقفه مع مالك
الفتاه ..ريناد خالد الشريف طالبه فى الفرقه الرابعه كليه الهندسه مع اسيا وهى ابنه عمها ترتدى الملابس الضيقه وتضع على وجهها الكثير من مستحضرات التجميل ..فتاه حقوده تكره اسيا وتغير منها بشده
ريناد ..ماهى واقفه مع الدكتور اهى امال عامله علينا الخضره الشريفه ليه وذهبت
جاء الى اسيا تليفون
اسيا ..اذيك يا فاروق هتيجى النهارده
فاروق ..لا يا اسيا عندى شغل النهارده مش هعرف اجى بكرة هجيلك ماشي سلام بقى علشان عندى شغل
منه ..مالك يا اسيا مسهمه كده ليه
اسيا ..مش عارفه فاروق اليومين دول تصرفاته مش عجبانى
ملك..تلقيه مشغول بتجهيز الشقه انتوا فاضلكم تلات شهور على الفرح
اسيا ..لا حاسه بحاجه غريبه مش عارفه ايه هيا
انتهت المحاضرات وعادت اسيا وهى فى الطريق
جاءها اتصال من رقم غريب
اسيا..الو مين معايا
الفتاه ..انا اللى خطيبك دلوقتى فى شقتها يا حبيبتى واظن انك عارفه الباقى مش محتاجه اوضحلك وده العنوان لو عايزه تتاكدى وانا هسيبلك الباب مفتوح
ذهبت اسيا الى نفس العنوان حتى تتاكد لانها لاحظت عليه بعض التغيرات فى الفترة الاخيره
وصلت الى الشقه وجدت الباب مفتوح كما قالت لها دخلت الشقه بحثت عن حجرة النوم ووجدتها دخلت وصدمت مما راته وجدته فى احضان امراه اخرى
حاولت البكاء ولكن خانتها دموعها ولم تنزل
اما هو صدم عندما راها
ولكنها كانت قويه كالصخر خلعت دبلتها ورمتها عليه
اسيا ..كل حاجه انتهت انا ميشرفنيش ارتبط بواحد زيك
استنونى البارت الجاى ورايكم يهمنى
البارت ده صغير علشان اعرف رايكم
@شوشيتا@
