اخت ضلعي فصليتي: البارت8
طيف: اتضلين زعطوطتي الصغيرونه هههه<br>
نيبال: اضوج من زعطوطتي بعد شكم شهر اصير 18المهم انطلقنه للمدرسه نزل طيف ويايه ولزم ايدي (گلبي يغني ويرگص) بارعتله تبادلنه الابتسامات يمكن لمن يلزم ولد ايدچ انتي تحسين ملكتي الدنيه لان لگيتي واحد يسندچ يجوز هاي شغلات بسيطه تمر مرور الكرام ع الولد بس البنات يتاثرون بسرعه مجرد لمسه بقصد او بدون قصد گلبهه يگوم يدگ المهم دخلنه البنات كلهن عينهن علينه طبعا المديره تعرف طيف ﻻن هو دكتور عائلتهم فسلم عليهه وطلب يوصلني للصف بنفسه عاد قبلت فتنه من الممرات والبنات رادن ياكلنه لطيف واني اريد الزمهن كلهن واحفرلهن حفره واحرگهن بيهه 😂اغاااار عاد وصلني للصف گعدني اول رحله باسني براسي وطلع والوجوه متتفسر عرفت عن نفسي اجتي بنيه سالتني هذا الصاك اخوچ گتلهه لاع زوجي من وره خشمي 😒عاد هيه گامت بسرعه اجتني وحده الخ نفس السؤال رفعت ايدي اليسره وگمت گتلهم الاجه وياي زوووجي عاد كلهن سكتن صادقت بنيه اسمهه نرجس كلش حبابه وبديت الدروس ونفس الاسطوانه كل شويه گايمه ومعرفه عن نفسي مخلص الدوام اله بطلعان الروح وراهه اجه طيف وطلعنه للبيت گالي شلون الدوام وبديت احچيله من طق طق ل السلام عليكم <br>
تغدينه وصعدنه فوگ حضرت جدولي ورايح عليه هواي لان صارلهم 7من امداومين شفت طيف طلع من الحمام ومدد دينام سالته حتنام گال اي گتله لا حباب ﻻن من اضل وحدي انعس وانام😩<br>
طيف: وديتهه للمدرسه وصلتهه للصف حته اقوي معنوياتهه بس اشوفهه شلون تباوع للبنات تريد تموتهن احم احم 😁معروف السبب رحت للمستشفى المشكله اني دوامي لل2ومرات خفاره اليوم اخذت زمنيه ورحت لمدرستهه المهم سولفتلي ع البنات ههههه ضحكتني لمن مشوفتهن الحلقه واني طلعت صاك😂<br>
وراهه ردت انام گالتلي حباب تره انعس اذا نمت گتلهه تعالي نامي ساعه وارجعي اقري اجتي ركض 😂تعبانه عبالك چاينه بالحشيش<br>
نيبال: والله تعبانه مصدگت گالي نامي وقت طيف جهازه ع 3 حته اگعد هههههه اصلا هو يگعد واله يگعدني اوقته اله مو اليه😁(واقع حال) <br>
طيف: نمت وب3گعدت گعدت سندرلا قرت وكملت ونزلنه تعشينه وشفنه المسلسله عاد گتلهه حسويلچ خط تخبلت گالت اله وياك<br>
نيبال: لاحباب اروح وياك ماريد<br>
طيف: ياعيني ياحياتي بالهداوه اني ل2دوامي شون <br>
نيبال: مادري اتصرف <br>
طيف: ياااا لعد شد احچي اسويلچ خط اصلا المدرسه وره فرعين <br>
نيبال: الصبح اروح وياك والضهر ارجع مشي وبالوام الضهري انته توديني وتجيبني <br>
طيف: لا والله<br>
نيبال: لاطيف حباب <br>
طيف: ساره اي هيه ساره ماكو غيرهه<br>
نيبال: 🤨😒ساره منو<br>
طيف: ساره جيرانه ثالث بيت ابو مصطفى<br>
نيبال: اي شبيهه<br>
طيف: اداوم بالحضانه البصف مدرستچ الحكوميه تروحين وياهه احسن<br>
نيبال: مااا ماريد اروح وياك<br>
طيف: 😠نيبال كافي هايه گدامچ خيارين يا الخط ياساره ثالث ماكو <br>
نيبال: من صارن عيونه حمر دمعن عيوني بس ارمش ينزلن لان اني ممتعوده احد يصيح عليه وركض صعدت فوگ<br>
طيف;هفففف والله عصبتني مو بديه گمت صيحت عليه بس يله هسه اراضيهه فتحت الباب ورگعته حته تحس اني طلعت <br>
نيبال: سمعت الباب الخارجي نرگع عرفته طلع نزلت انتضره ساعتين وهو ماكو ونوب فوگ الضيم شغلت السبلت الجوه ومدري شلون وطفت الكهرباء او بالاحرى المولده وگابلني وابچي وياي من الخوف بنيه وبعمري الساعه ب11بالليل وحدهه وضلمه ومية فكره اجت براسي اسهل شي شسوي😭😭😭😭<br>
طيف: طلعت اشتريلهه نساتل هيه زعطوطه بسرعه ترضى😂شافوني الشله وضليت يمهم ساعتين رجعت لگيت الضوه طافي فتحت الباب اسمع نونو تبچي وتشاهگ انوب زادت من فتحت الباب<br>
نيبال: من الخوف نسيت طيف خفت بالزايد گلت منو عاد صاح نونو حياتي وينچ اكيد من انفتح الباب ضوه الگمر مبين شويه ركضت حضنته گتله وين عفتني ورحت😭😭وراك طفت الكهرباء اهي اهي😭<br>
طيف: خطيه تبچي اني ادري بيهه تخاف ﻻن اذكر مره صارت بيهه وهيه طفله طفت الكهرباء وهيه تلعب فوگ وشته وگراگيع اني چنت يم عمران واجتي وگفت ع اخر بايه من فوگ وتصيح بابا عمرران وتبچ عاد شفت الكهرباء وصلحتهه اني ساحب 4 انبيرات ﻻن وحدي ماحتاج ذهبي ولا شي ووقتي كوله بالدوام جايه الحلوه مشغله السبلت ممتحمل وطاگ رجع الضوه سوده عليه العيون مورمات من البچي ذبيت العلاگه ع التخم الگدامهه وگعدت يمهه حضنتهه وهيه تبچي تگول اريد بابا عمران چان ميعوفني مو مثلك اتصيح وتالي تطلع وتجي نص الليل 😭الصراحه سهم ودخل بنص گلبي بس بعدين عذرتهه خطيه صدمه( بموجب حچي الفيلسوف سكنر وهواي علماء نفسيين انو الصدمه لتصير وياك من انته وصغير تبقه ملازمتك الى ان تكبر واحتمال تصير اقوى وبساعتهه ميهم العمر ومتدري شتحچي او شسوي ﻻنك بحاله صدمه مرافقه الهه الفوبيا لان تكون صدمتك مصاحبه بالخوف لهذا السبب نيبال تصرفت بهالشكل)<br>
طيف: رادت مي رحت جبته الهه وشربيتهه وراهه ضليت اقره عليهه ايات لحد ما نامت ع رجلي شلتهه وصدتهه فوگ ردت انزل اجيب اوراق لزمت چف ايدي وتبچ لتروح تخبلت مسحت دموعهه وتمددت وراسي ع خشب الچربايه من فوگ عاد هيه حضنتني ونامت <br>
يتبع
