من وجه بابا المسدس علية غمضت عيني ونزلت دموعي وكلت لبابا انا مسامحتك على كلشي وسلملي على امي وخواتي . واول ماسكتت سمعت صوت طلقة انتظرت اوكع ماكو من خوف بلكوة فتحت عيني شفت ابوي رافع مسدس وضرب طلقة بالهواء ومقهور ويبجي ويكل العمي مااكدر هاي بتي مو ذنبها شلون اسوي هيج بيها
عمي : اكتلها خوية شلون تبقيها تسود وجهك كدام الناس
بابا :هي مالها ذنب غصبا عليها هاي روحي هاي بتي روان عزيزة اعز خواتها عندي
عمي:جا شلون هسة شنسوي بيها وبن نوديها منو يكلبها وهي مغتصبيها لازم تموت ونسوي فاتحتها كدام الناس
اباوع ع ابوي صافن مايعرف شيسوي مرة يباوع ع عمي ومرة عليه محتار بيه وبكلام الناس
اجة ابن عمي حسن كومني من كاع وكعدني بالسيارة جان يباوعلي بنظرة مكسورة وبقهر
عمي :هسة شنسوي بيها كلي وين نوديها لو نكتلها ونسوي فاتحتها صدك لو نشمرها ونجذب ع الناس وكرايبنه ميتة ونسويلها كبر
بابا : وين نوديها الناس ماترحم وخاص اذا عرفوا بقصتها
ابن عمي (مازن): خليها تسافر وتشوف حياتها بغير مكان خارج العراق وتموت بالنسبة النة وننساها
بابا : ولك شتحجي انا اخاف عليها من كرايبنة نوب اخليها تسافر لك ماتحسون بيه
عمي :اختار لو تموت لو تذبها وتنساها شتريد بعد يومين يجون شماتة ويكولون بتكم موزينة طلعت وينزل راسنة بسببها لا مستحيل اقبل اختار بسرعة
اخذ المسدس من ايد بابا وجرني من سيارة صاح اختار يلة
بابا: خليها تسافر عيفها واحنة نسويلها فاتحة كدام الناس عيفها خطية ولك بتي عيفها
انا اباوع ع بابا ومقهورة علية كلش وابجي بس مااكدر احجي لان مايصير وحدة تحجي وترادد
اتفق ابوي وعمي ابقى يم.بيت عمي حتى مايكملون اجراءت السفر بقيت يمهم اسبوع محد يعرف بيه عايشة سمعت من ابن عمي اهلي مسويلي فاتحة وناس كلها جاية وكرايبنة وبابا مسويلي كبر وناس تزورة .سمعت امي واكعة وبالمستشفى وخواتي شبة خرسات لا يبجن ولا يحجن وية اي شخص مثل جماد صايرات .
وصل وقت سفر وعمي ولد عمي خذوني للمطار وانة ابجي مااريد افاركهم
اكلهم شلون تتخلون عن بتكم وابجي وتوسل اجى بابا اباوعلة وجه اصفر وضعفان متغير حيل مو ذاك بابا اليي مثل الجبل الناس تخاف من ظله ومحد يوصل يمة مهزوز ومنتهي
اجة وكف يمي وحظني حيل حسيت هذا اخر يوم اشوفة شبكتة وكعدت ابجي مااريد اتركة ابد
وخرني عنة ونطاني فلوس كلي هاي حصتج لا تبذريها وهتمي بنفسج ولا تتنازلين عن كرامتج وابقي قوية مهما يكن وعيشي حياتج وانسي الماضي كله وانة مصدومة بية اول مرة يحجي وياه بهذا الهدوء وصوتة يرجف .وهو يحجي صار نداء طائرتي تشبثت بابا وحظنتة حتى مااروح
بس ابن عمي جرني منة بلكوة وخلاني كدام الباب الي ادخل منة حسيت روحي طلعت بس ساكتة مااكدر احجي دخلت وصعدت بطائر حسيت رادت تقلع ردت اكوم انزل مظيفة ماخلتني
وصلت للبلد نزلت وكفت باب المطار مثل الضايعة مااعرف وين اروح اتمنى احد يساعدني ويهتم بيه بس مااكدر اطلب وناس غربة ردت اجر تكسي شو ذولي يحجون انكليزي اباوع وجوهم مكلبة دورت اريد سائق عربي ماكو شفت سيارة صفرا بس يختلف موديلها عن سيارات الاجرة
بس مااهتميت حسبالي تكسي رحت باوعت شفته شكلة عربي بس شاب لا بس ظارات وقبعة كلت اكيد تكسي وصعدت بيها هو جان مامنتبه يلعب بتلفون .
******** محمد ****** طبعا محمد يحجي بالفصحى لان تربى هيج
أنت تقرأ
عشقت عيون عراقية
Любовные романыفتاة في 22من عمرها تتعرض لتحرش غير حياتها للابد ويحاول والدها قتلها ولكن لا يستطيع ....... لتسافر خارج البلاد ليقع بحبها الامير دون علمها ....
