بس اول م فتحته اتفاجأ ليك بي كميهه بتاعه عساكر بي كلابهم واقفين في الباب ،قولته ليهم في شنووو؟؟واحد منهم لزاني بكل قوتو و قال ليهم يلا سرعه خشو فتشو البيت دة م تخلو لي فيهو ركن الليلهه دة ي صابت ي خابت ....💔طبعا انا فضلته واقفه مصدومه وبعاين ليهم وهم داخلين البت بي كلبهم وحتى اشكالهم تخوف وملامح وشوشهم تخلع،ملك فجاهه صرخت بأعلي صوتها وبقت تقول ليهم في شنوو وانتو منوو هييي؟جاتني جاريه وهي لابسه بجامه قصيره وشفافه وبقينا ماسكين في بعض ،فجأهه سمعنا ألييف بتصرخ بأعلى صوتها ،اليف كانت في غرفتها بتحضر في التلفزيون،جرينا عليها دخلنا الهول جات جاريه علينا مسكت في ملك وضمتها وبقت تصرخ وملك بتهدي فيها ،الضابط جا طالع من المطبخ قولته ليهو انت هيي دي شنو الهمجيه والتفاهه البتعملو فيها دي؟انتو باي حق بتدخلو بيتنا بالطريقهه دي وانتو منو؟ووينو امر التفتيش بتاعك اساسا؟اتلفت علي وعاين لي بي غييظ قال لي دايرة تعلمينا شغلنا انتي؟عايزة ارد ملك مسكتني وسكتتني قالت لي م تردي خليك سااكتهه فاهمهه ولا لأ؟والجيران إتلمو والناس كلها بقت تسأل الحاصل شنو الحاصل شنو،جات بلسم بت جيرانا ومعاها امها خالتو عواطف بقو يهدو فينا وبلسم جابت لينا تياب لبسناها،نحن بيتنا في حكايه بتاعه اقل من 15دقيقه بقى كلو مجدع ومرمي في الارض،هم بفتشو على شنو والحاصل شنو بالظبط م عارفين،قولته لي بلسم عايزة تلفون اضرب لي امي،بلسم مشت جابت لي تلفونها وجات شلته التلفون الضابط قلعو مني وقال لي اطلعو اركبو في العربيه ديك،قالتو عواطف قالت ليهو اسمع هنا نحن القانون دة م بنعرف ولا شنو؟بعد المغرب جاي متهجم على الناس بدون اي سابق انذار وسايق البنات القسم بالليل دة لشنو؟قال ليها ي حجه م تدخلي وتكتري فينا كلامك ساي"قال الكلام دة بكل قباحه طبعا"ملك قالت ليهو نحن م بنمشي من هنا لو م امنا جات،قال ليها امكم تجي تستلمكم من القسم هناك نحن زاتنا عايزنها،طبعا نحن بقينا نبكي والناس واقفه بتعاين كلها،قال لينا بالله م توقفو لينا شغلنا ارح كملو بكاكم دة هناك في القسم،طلعنا وقولته لي بلسم خلي معاك اليف دي،واليف كانت خايفه وبتبكي وتتنهد لما ركبنا العربيه بقت تصرخ بأعلى صوتها،مشينا القسم ،اول م وصلنا الضابط قال ليهو دخلهم لي الحراصه،ملك اختي اصلا خوافه وطبيعي بجيها هبووط،انا لما اخاف واتعصب بصرف عربي وكلام فارغ،اول م سمعته كلمه الحراصه دي قالت اعصابي باظت قولته ليهو نعم نعم؟يدخل منو الحراصه انت اهبل ولا حاجه؟طبعا العساكر المعاه كلهم بقو واقفين وبعاينو لي،قولته ليهو الحراصه دي دخل فيها امكك تمام م نحن البندخلها،قال لي ي بت عايز يرفع يدو يضربني،فجأهه سمعنا صوت زول بقول في شنو هنا؟ملك فجاهه اغمى عليها مسكتها ،جا عسكري رفعها معي ختيتها في الكرسي جاب لي مويه رشيتها بيها وبقيت احاول اصحي فيها لغايه م صحصحت شويه قمته على حيلي قولته ليهم اختي دي عندها ازمه ونفسها بضيف ادوني تلفون اضرب لي امي،جا ضابط كبيير قال ليهم ادوها تلفون،شلته التلفون ضربته لي امي وبقيت ابكي ليهو واقول ليها حصلينا بسرعه ي امي نحن في قسم ال.....امي سلفا لقيتها ناس الحي ضربو ليها وحكو ليها الحاصل،ربع ساعه بالكتير جات ،اول جات بقت تتكلم معانا وتقول لينا انتو كويسين؟ومن الخوف لمن ملامح وشها متغيرهه،ملك بقت تبكي قالت ليها م كويسين ولا اي شي😭👊💔امي جا معاها راجل كدة على طول سال وقال وين الضابط المسؤل من العمليه دي؟قالو ليهو في مكتبو،قال ليهم وين المكتب؟أشرو ليهو مشى وامي على طول لحقتو ،دخلو ونحن فضلنا قاعدين بره شويه كدة انا لحقتهم ،لقيتهم طالعين،قولته ليهم الحاصل شنو؟ممكن افهم الحصل دة معناه شنو؟الراجل قال لي طلع سؤ تفاهم بس ولناس ديل مدينهم إخباريه غلط المفروض يمشو منطقه م منطقتكم،قولته ليهو نعم؟كل دة ويقولو لينا إخباريه غلط وم مفروض وم بتاع؟امي قالت لي شهد خلاص إختصري الموضوع طلع سؤ تفاهم بس،قولته ليها لا ي امي دة م سؤ تفاهم دي قلهه ادب وتفاهه منهم،دخلو علينا البيت وهم م عارفين نحن بأي حال،فرجو علينا الخلق ،وم شوفتي القباحه بتاعتهم معانا،وبيتنا قلبو فوقاني تحتاني ،امي قالت لي خلاص كلو بتصلح،قولته للضابط اتفووو عليك وعلى الأغبياء امثالك يااهم المرجعين البلد دي لي وراا ،،امي ساقتني طلعتني بره وساقت ملك،ركبنا العربيه واتحركنا الراجل بقى يقول لينا الحجات دي عادي بتحصل واحيانا بكون حقد من جار او كذاا و...لغاايهه م وصلنا البيت ودخلنا،امي قالت لينا خلاص اقفلو الموضوع دة م تنبحو فيهو كتير،قولته ليها نقفلو كيف؟وناس الحله؟قالت لي نحن م عملنا شي غلط علشان نبرر لناس الحله والبيت دة بكره بجيب ليكم تلاته شغالات يرتبو م تتعبو فيهو زاتو بس اقفلو سيرة الموضوع دة،بعد الحصل دة انا لقيت نفسي منهارهه شديد طووول الليل عديتو بكى ،ببكي علشان اتأكدت انو م عندنا ضهر يحمينا،و علشان لو كان أبوي قاعد وسطنا م كان هيحصل معانا الحصل دة ولا كنا هنبقى فرجهه للخلق،ولا كانو هيدخلو بيتنا بالطريقه المقرفه دي كأنهم داخلين بيت مشبوه ،بكيت علشان بجد بجد المره لما م يبقى عندها ولي الدنيا بتلطشهاا ...اتجاوزنا الموضوع وعدت فترة شهرين منو ،ملك في يوم قالت لي احيييييهه كان شوفتي امس لقيت واحد مع خطيبتو في الصاايغ وبعلي منهم كرفسو ام دواخلي ياااخ😭😭😭قولته ليها ويعني؟قالت لي قصدي حلوين😒،قولته ليها اها وبعدين؟؟قالت لي اووف انا نسيت انو انتي م بتحسي غلطااانهه امسحيها لي في وشي،،
قولته ليها إكزاتلي اصلا م بحسش ي بيب😙🌚🌸 قالت لي أسمعي انا عايزة امشي اعمل حمام زيت لشعري مع ليليان وزمرد تحبي تمشي معانا؟قولته ليها ماشه لماما يعني؟قالت لي يب ناسيه العرس العازمنا ليهو صهيب ولا شنو انتي ههههه،قولته ليها اهاااا صهييب قولتي لي طيب ظاابط وحتتمكيجو هناك ولا هنا في البيت؟قالت لي م عارفه والله بس اسمعيني عايزهه الفستان اللحمي داك اناا ،قولته ليها طيييب انا اصلا لسسه م عارفه اذا همشي معاكم او لا هههه،قالت لي براحتك دقيقه اضرب للسجم ليليان دي هتكون نايمه انا واثقهه،واثناء م هي عايزة تتصل عليها جاتها مكالمه ردت"هلااا صهيب ياخ والله إبن الحلال عند زكرو بيبان ههه"قال ليها كنتي بتقطعي فيني بتقولي شنو 😂👊💔قالت ليهو حاشاك القطيعهه انت عااد هو انا اقدر ...😂👊💔وهي بتتكلم عملتهه ليها حركات اشمئزاز بي وشي ومشيت خليتها،دخلته لي أليف في غرفتها قولته ليها لووفتي😍قالت لي اها دايره شنو😒ضحكته قولته ليها والله ولا شي ي سجم بس امشي لينا الدكان جيبي لينا مش وتعالي ياخ🙌😂👊💔قالت لي م ماشهه،قولته ليها لووفهه دي أااااناا شهههد أااابت أاااالوفااااهه😟👊💔قالت ياخ بييس علييك جيبي القرووش😒قولتهه ليها يعني حتمشي؟احووووبكك يخخ ههههه😍😘💕طلعته برهه لي ملك لقيتها بتقول"لالا أكيد في سؤ تفاهم ي خالتي وبعدين نحن دايما بنحاول نكون بعيدين كل البعد عن مشاكلكم مع امي لأنو انتو أخوات م اظن شهد تقول الكلام دة،قولته ليها في شنو؟قالت لي اسكتي،فضلته واقفه وبعاين ليها لغايه م خلصت ،قولته ليها الحاصل شنو وشهد مالها؟قالت لي دي خالتو مريم قالت انتي قولتي انو مريم أولادها م نافعين كان نافعين م كان طلعت خلتهم ،تخيلي قالت انو انتي امي محرشاك عليهم وانو امي اصلا م تفتح خشمها لأنو عندها بتها مرقت لافه سااي م عارفه ليها هاء ولا ياء؟قولته ليها دقيقه دقيقه هي قالت انو امي المحرشاني عليهم؟،اتصلي لي عليها،قالت لي شهد انسيك منها،قولته ليها طيب دقيقه،مشيت دخلته غرفتي شلته تلفوني واتصلته عليها أول م ردت،قولته ليها أسمعي هنا ي خالتي مريم انا عندي 1+1=2تمام،طول عمرنا شايفين تطاولكم على امي ونحن ساكتين علشان في النهايه انتو اخوات ،بس لغاايهه هنا Stopفاهمه ولا لأ،انا أجيب سيرتكم انتي واولادك لييه ؟والكلام دة قولتو لمنو؟عايني لا انتي ولا العولاق الانتي مربياهم م مركزة معاكم انا، بس أمي م تقوليها كلام م قالتو،العمر دة كلو امي ساكته وبتعاين ليكم بس بعد كدة انا البرد ليكم ،قالت لي انا م دايرة معاك قله ادب،قولته ليها قلهه الأدب باديه ومنتهيه في عيالك المشو وقفو قدام القاضي وشهدو ضدك قدام المحكمه مش دة الدايرة تسمعيهو؟ياهو سمعتو ليك،وم انا البخاف من زول وبقول الكلام وراهو انا برمي ليك الكلام في وشك وبرضو م بعتبر نفسي شايفاك اوكيه؟وبعدين انتي منو اساسا عامله نفسك محور الكون مثلا؟قالت لي قبل م تتكلمي في اولادي امشي لمو أختكم الماعارفين ليها عدل دي وبعدين تعالو اتكلمو،قولته ليها اختنا الماعارفين ليها عدل دي للأن م جابت لينا شافع بي عيونو وختتو لينا في وشنا ولا شايفنها فتحتو بيت عديل وكاتبه عليهو اسمها بالخط العريض علشان انتي تزلينا بيها،قالت لي امشو ي الجعانين وي المقاطعين ي الماعندكم لا تالي ولا والي يتحمل مسؤليتكم مرمين رميه الكلاب انتو متين بقيتو ناس وبقيتو تاكلو وتشربو م كنتو بتشحدو العيشه الناشفهه ي الجعانين وأمك زااتهاا،قاطعتها قولته ليها سيرة امي م تجيبيها على لسانك فاهمه ولا لأ؟وأتفوو عليك وعلى خلقتك ي الجايهه تعايري أختك بمشاكلها وحوجتها ركزي في كلامك دة وهتعرفي الكلب فينا منووو...وقفلته الخط في وشها وإتفقعتهه بكى،ملك بقت تتكلم معي وتهدي فيني وبتقول لي انتي متخلفه انا مش قولته ليك م تتصلي عليها وإتجاوزيها انتي م عارفه زفاره لسانها يعني؟قولته ليها بتعايرنا نحن بجوعنا وبتقول علينا نحن كلاب؟دي خاله دي اسي؟ناسيه نفسها هي يعني؟ناسيه مشاكلها مع راجلها ،ولا ناسيه بيت امي الشين دة هو الكان بلمها،ولا ناسيه رجالها البتطلع معاهم من عربيه وبتنزل من عربيه؟؟ملك قالت لي شهد خلاص اكسري الحنك ياخ الموضوع م بستاهل ولا اي شي،قولته ليها بستاهل،لما يقولوني ويقولو امي كلام م قالتو يبقى بستاهل،لمتين نحن حنفضل ساكتين ليهم كدة بس كدة قولي لي لمتين؟كفاايهه اتحملنا فتنهم وكذبهم فينا العمر دة كلووو،،،فضلته قااعدة وبهززز في رجولي ،بعدها دخلته غرفتي،المساء امي جاات،اول م جات لقتني بحضر في التلفزيون حتى م قالت لي السلام عليكم أو امسيتو كيف ،اول م فتحت خشمها قالت لي"انتي الليله اتناقشتي مع خالتك مريم؟عاينته ليها قولته ليها ااي،قالت لي ضربتي ليها ونبذتيها؟قولته ليها نبذتها؟هي قالت لي انا نبذتهاا؟قالت لي شهد سألتك جاوبي،قولته ليها انا ضربته ليها فعلا بس ابداا م نبذتها ،من محلها داك جات ضربتني كف وعدلتني بالتاني،طبعا انا اتفاجأتهه بردة فعلها،قولته ليها انتي بتضربيني علشان اختك التافهه دي؟مع كلمه التافهه دي تاني ادتني كف،قالت لي انا قلهه ادب وتطاول معاك م دايره فاهمه ولا لأ؟متين انتي قومتي من ارضك لمن بتردي على خالتك وبتنبذيها،قولته ليها دي م خالتي تمام؟وانا م غلطته عليها،قاطعتني قالت لي اسكتي هسسس ولا كلمه م دايرة اسمعها منك،مريم دي أختي انا من لحمي ودمي وابدا انتي م تدخلي بيني وبين اخواتي اوووووعى ولا حتى بالغلط،انا عارفه اخواتي هم شنو بالظبط انتي م عندك شغله واسي تشيلي التلفون دة تضربي لي حبوبتك تعتزري ليها وتعتزري لي خالتك سرعه،قولته ليها انااا أعتزر ليها لييه؟قالت لي قسما بالله ي شهد م ترفعي سماعه التلفون دي وتعتزري من يوم الليله م تقولي عندي ام،وم عافيهه ليك لا دنيا ولا أخرهه،فتحت تلفونها اتصلت قالت لي امسكي التلفون دة ردي سرعه،بعد مساافهه انا بهز في رجولي وبعاين للأرض امي ردت وقالت"ااي امي كيفك تمام؟لالا الحمدلله والله،مريم جنبك ؟مافي يعني؟لالا خلاص تمام كنت دايرة اديها قليله الأدب دي تتكلم معاها وتعتزر،اي والله قله أدب بتاعه بنات هم قايلين روحهم كان دخلو الجامعات بغلبونا يعني؟هاك امسكي التلفون اتكلمي مع حبوبتك،شلته التلفون حبوبه قالت لي"ي بت ي قليله الأدب تنبذي خالتك كيفن يعني؟متين بقيتو ناس مع الناس لمن بقيتو تنبذو انتو كمان؟لما قالت كدة ضحكته وقولته في قلبي نفس كلام بتك م فرقت،فضلته ساكته وبسمع في كلامها صرفت عربي كتيير وسمعتني وسخ إضني وزكرتني بي شريط حياتنا كلوو وإحنا في أشد اوقات حوجتنا،قفلته الخط وقولته لي أمي "الأهل لما يعايروك بي ضيقهه وحوجهه انت مريت بيها يبقو م أهل"جدعته ليها التلفون ودخلته غرفتي بكييت كدااا ومسكته تلفوني فتحته الفيس ومتضايقهه ضييق لو علي أكسر الغرفهه دي كلها على راسي،عندي واحد صحبي في الفيس تقريبا عندو سنه في صفحتي موجود ماف اي تواصل بينا او حتى لايكات وانا دايما كنت بشوفو نكدي ليس إلا ،بكتب بوستات مؤثرهه وكلها حزن وأول م فتحته الفيس لقيت بوست كاتبو كأنو بوصف في حالتي الأنا فيها بالظبط،علقتهه ليهو وقولته ليهو"طيب نحن ليه نجي على نفسنا في سبيل انو نرضي غيرنا؟ليهه نحمل نفسنا أكتر من طاقتها؟ليه اقرب الأقربين لينا م يفهمونا ؟ليه بشوفو بس للجزء الفاضي من الكبايه حقتنا؟،عمل لي لايك وردة لي ،وبقينا نتبادل الردود ،وانا ردي ليه كلو ملان يئس وقرف،ختم كلامو معي بي "قومي صلي ليك ركعتين وإستغفري ربنا كريم ي ستي م تخلي الظروف والحياة تتمكن منكك خليك أقوى منها وم تيأسي حتفرج ان شاءالله دي نصيحه اسمعيها مني حتى ربنا قال "وبشر الصابرين"..."قفلته وبالفعل حسيت انو انا لازم أصلي وفي سجدة أتحسبن على خالتي المنافقهه دي وبالفعل دة العملتو وبعد م خلصته قريت لي كم أيه من القرءان وإستغفرته ،حسيت بنفسي شويهه إرتحتهه،رجعته فتحتهه الفيس رسلته ليهو في الخاص "شكرا بجد ياخ كلامك كان شبه منطقي ومريح"هو كان أوف لاين قولته المهم لو فتح الفيس هيشوف المسج،الصباح طلعته مشيت الجامعه قاعدة في البينشات فجأهه إتزكرتهه كلام خالتي ومعايرتها لينا بحالنا الكناوعليهو دموعي جات جاريه ،بالجد الكلام الشين دة زي السكين البتتغز في العضم أثرو م بروح أبداا وبتعمل عاهه،فجأهه حسيت بي صوت بقول لي "شهووودهه؟إتلفتهه لقيتها هدييل،مسحته دموعي قولته ليها اهلين هديل،قالت لي دقيقهه دقيقهه انتي بتبكي؟المبكيك شنو ي بت؟قولته ليها ماف حاحه،قالت لي دموعك جاريه عشرة عشرة وبتقولي ماف حاجه ي بت الزعلك منو جيبي لي وانا أمسح ليك بكرامة أبو اهلو الأرض ،قولته ليها ماف حاجه والله،فجأة جات اريج وأسيل وقفو،هديل قالت ليهم اللحقو في حد ولدوهو وم سمو عليهو مزعل شهد تخيلووو؟اسييل قالت ليها يخرااشي ي خرااشي مزعلها مرهه واحدة؟ودة يبقى ميين دة جيبوهو لي نقطعو،اريج قالت ليها انا هتكفل بي بالردحي انتو قطعوهو 😢ضحكتهه قولته ليها حلبيهه الله م بقدرك الا على الردحي،هديل قالت لي ي بت لا عاش ولا كان اللي ينزل دموعكك انتي أشري ونحن نتكفل بالموضوع اياااك تزعلي نفسكك،كلامها ده بكاني زياادة،أسيل ضمتني قالت ليها كررر علي هديل أسكتي خلاص هتبكي اكتر ياخ 👊💔ساقوني مشينا الإستراحه غسلته وشي م كنا عايزين ندخل المحاضره بس انا قولته ليهم الا ندخل ،م كنت قادرة أحكي ليهم لأنو انا عندي م اي حاجه بتتحكي،وم بقدر أشارك خصوصياتي مع زول ختى لو مشاكلي دي كانت مأزماني م بقدر أحكيها،عدة أسبوع وانا وأمي م بينا لا سلام لا كلام حتى لما اسلم عليها م بترد علي مع انو انا المفروض أزعل م هي،عدت سته شهور والحمدلله انا خلصته السنهه التانيه وداخله على التالتهه،مع إجازتي صادف حبوبه سافرت عمرة ورجعت وعاملين ليها كرامه في بيتنا ،يوم الكرامه انا قولته طالعه من البيت امي قالت لي م بتطلعي،قولته ليها ماشه لي هديل،قالت لي البيت فيهو كرامه وشغل خلي هديل تجيك م انتي التمشي ليها،قولته ليها طيب،طبعا خالاتي كلهم جو والشغل فوق الراس انا داخله ومارقه وملك ،وجاتنا لادن وتوسل صحبات هيام ومعاهم بلسم صحبتي وبت جيرانا،وانا شغاله خالتي مريم تعاين لي من فوق لي تحت وانا متجاوزاها،وكل شويه ي شهد جيبي لي مويه،ي شهد أفعلي ،ي شهد أتركي،لما خلاص تعبته من كترة الشغل قولته ليهم احييييييهه يااخ والله الحبشيات البياخدو قروش م بشتغلو قدر دة ،خالتو مريم قالت لي هههه ياهو حالكم وإنتو فايتين الحبش وين عااد وضحكت،قولته لنفسي ي شهد معليش اعملي روحك م سامعه وم شايفهه،قولته ليها والله ي خالتي الواحد لو بقى يشبه الحبش مالو ي بختو عااد كل السماحهه عندهم😍😘💕قالت لي وبشتغلو خدم كمان،قولته ليها دامهم بشتغلو وبياكلو من حر مالهم يبقى حباب اللفظ دهه😍 ،بلسم قالت لي تصدقي ي شهد م لاقاني حبشي بشحد ناس 💪قولته ليها وبعدين الخادم خادم أخلاق😎👌😆😊لما قولته كدهه سكتت،نحن كنا اغلب الوقت امي كانت بتخلينا مع خالاتي علشان نساعدهم في شغل بيوتهم،واحيانا الوحدة لو فترت من شغل بيتها سااي بتتصل على امي بتقول ليها رسلي لي البنات خليهم يجو يساعدونا،او اذا عيانه او حاصل معاها اي ظرف نحن نحن بنمشي ليهم وواحدة منهم خالتي مريم دي كنا بنمشي ليها علشان نساعدها في شغل بيتها حتى ملابسها بنغسلها ليها يمكن علشان كدة بتطاول علينا،اليوم التاني كنت طالعه من البيت متفقه اتلاقى مع البنات،لبسته وجيت طالعه لقيت امي قاعدة مع ملك،امي قالت لي شهد تعالي كدة،قولته ليها نعم،قالت لي انتي امس قولتي لخالتك مريم شنوو؟حوصته ليها عيوني قولته ليها ي دي مريم الدراماتها م بتخلص هي قالت ليك انا قولته ليها شي؟ملك ضحكت وقالت لي قالت انتي امس طاعنتيها بالكلام،قولته ليها والكلام الأنا طاعنتها بيهو جا مفصل على مقاسها بالظبط؟امي قالت لي يعني م ناكرة؟قولته ليها انا م عارفه هي قالت انا طاعنتها بشنو بالظبط ولا متزكرة انا قولته شنو امس وم قولته شنو بس اكييد القولتو جا على مقاسها علشان كدة إشتكت ليك الفي راسو ريشهه بتحسسها ي امي ودي م مشكلتي،بالله اختك دراماتها الرخيصهه دي خليها تشوف ليها سينما تديها دور فيها م ناقصاها انا يلا سلام،ملك قعدت تضحكك قالت لي عبرتي صراحهه هخخخخ😙👊💔عايزة افتح باب الشارع ملك لحقتني قالت لي اسمعي،قولته ليها اها؟قالت لي براءة قالت الليله حترسل قروش بتقدري تستلميها،قولته ليها لا بستلم لا شي براءة وبعرف حركاتها ومواسيرها ،قالت لي ياخ م ماسورة شكلها جادة رسلت لي امس قالت انو هي هترسل قروش مفروض امشي استلمها،قولته ليها رسلت ليك م رسلت لاحظي،قالت لي م فرقت رسلي ليها شوفيها إذا حترسل امشي إستلميهم،قولته ليها أسمعي انا واختك براءة اساسا م بنتفق فشنو لا برسل ليها لا ترسل لي يلا ،وطلعته مشيت،عدت الفترة دي وانا نزلته الجامعه السنه التالته ،في يوم ونحن طالعين الجامعه انا وملك مع بعض،قالت لي طبعا ي شهد لادن إتعرفت ليها على واحد في الفيس مغترب في قطر كان شوفتي سماحهه الدنيا عليهو،قبل فترة نزلت صورتي انا وهي في الفيس وشافها اسي قال دايرها،قولته ليها بجد يعني م قال دايرك انتي؟قالت لي هو بحنك فيها علشان يجي يقول ليها داير صحبتك مثلا😒قولته ليها لادن دي مش البتحب الولد المسجون ولا غيرها؟قالت لي بسس ياها زاتها ي هنايه المسجون دة منفسن ياخ علاقتها معاهو كلها بكى ونكد،قولته ليها هيعيشها في بهجهه كيف وهو مسجون بين اربعه حيطان؟قالت لي المهم اسي الولد يوم الجمعه قال داير اهلو يجو يشوفوها ،قولته ليها اشيي عااد تمام واعيهه لقيتهااا بس م يمسك بيها زمن هي وأهلها😂🙌👊💔قالت لي أحاااااقدة أحااااسدة هههه،بالفعل يوم الجمعه أهل الولد مشو ليهم تعارف وبعد شهر بالظبط كانت الدنيا عيد رمضان الولد نزل وقال عايز يعقد لأنو ماخد اجازة ونازل السودان علشانها ،اهلها وافقو على طول وعقدو ليهم وقالو ليهو الضحيه تجي تتم العرس،قال ليهم قبل الضحيه م عندي مشكلهه...😍💪
#نتلاقى®
