رماد الحب

part 10

#رماد_الحب💔🍃

بارت10

اسراء محمد

جان يصيح تخبلتي..شبيججججج..
وينن..وين تولين ..مو كافي نبا..
كافي الكل مات بسبب
غبائج..
نبااااا...وين وين تنزلين..متنزلين لي مكان
صعدني وقفل الباب..
بقيت مدنجه وابجي واندب حضي..
ليش هيج يصير بيه يربي..
فيروز يمي حاضنتني وتبجي..
وياي..
الجو جان بارد..والجام من النفس مغووش..
تمشي سياره..واني صافنه.
وحراره دموعي تنزل..
وفيروز كامشتني..
وحتى عافت سيارتها..
ايمن يسوق ويدخن واباوعله..
كمل باكتيتن ..جكاير..
اني عطتتت...
هوو فززز..
كتلها فيروز فدوه فدوه..
اريد اروح..
وين ولج نبا شبيج..حبيبتي..
كافي بس..رح تجنين..
واخذتني لحضنها..
الله لايطي..هذاك الكلب النذل..
ايمن كال وين..
كتلهم تاخذوني للمكبره..
اشوف ابويه بس كبره..علاقل..
دخيلكم..خل اعاتبه..
خل افهمه..اني شسويت..
وليش..
اخ ربي..بختك..وحضك.يانذل..صهيب..
انته سبب دماري..
ايمن كال اخذج..
اني كتله.
ايمن ..اترجاك هسه..
كال كتلج اخذج..بس لاتخبليني نبا..
رجعي وي فيروز ورتاحي ليوم..
وباجر نروح..
بقيت ابجي..
وصلنا..
ونزلت يم بيت فيروز..
حرك سياره وراح..
اني نزلت..
فيروز نطتني ملابس بدلت..
وجابتلي شوربه حاره..
دفيت..
وبس ابجي..وارجف.
وهي تهديني..تكلي كافي..
زوجها..جان موجود..وعدها طفل واحد..
اجه شويه يمنا..هي كالت لزوجها صديقتي مريضه..
وجبتها يمي..
للصبح..نمت واني انشغ بجي .
وفيروز يمي كلساع تفز..وابنها يمها .
تكلي نبا..صار الصار نتهى لاتاذين نفسج..
خلص..
فيروز ماتوقع..اشوف بابا..باجر..
واشوفه بكبر..
صدكي تعبت..وضعه هذا بسببي..
لا نتي شعليج حبيبتي قضاء وقدر صدكيني.
مكتوبلج..هيج..يله نامي..
بس حبي..حضنتني..
ونمنا فزيت صبح..
عصوت الفون مال فيروز.
ايمن..
كتله الو.
كال ها فيروز نبا كعدت تريكت..
شلونها..
نزلت دمعتي..
حتى ونته خاطب
بعدك تسال وتحبني..ايمن..
منو نبا..
يي ايمن..
ليش تبجين..
همم..ماكو شي تعبانه..
نبا..يله كعدو ..ساعه لاخ يمكم حتى نروح..
اي صار تدلل..
طبكته منه..
وكعدت اتذكر ووففف شون راح اروح للرباني
شلون راح احاجيه..شكله..
موتك بابا..
يعمري بابا..
اتمنى اشوفك ارجع..
ولو طيف..
مر بيه لو طيف..اخ..بابا..
اني رعنه..اتمنى اموت
بابا صهيب قشمرني..وكال تعاي..
واني طفله..شنو بيدي..
يربي..بابا اجيك..مالي غيرك..
اني بنتك....
كعدت..وبدلت ملابس..
وكعدت فيروز كملنا ورمشت ايمن..
اجه
.طلعتله..
صعدت بسياره..اني اول..
شفت حلقه بيده.😢..
يالله هذا عقد..
ياربي..ايمن..
صدك تحجي..
كتله ايمن..

نعم.

عقدت.

يي نعم..

اها وشعجب بهسرعه..

والله مصبرنا..

هدرجه تحبها..

لا هي تحبني..
وتداريني وتريد خاطري..

احسه من حجه هيج يعاتبني بكلماته..

كتله.. هااا ..الله يسعدكم..

سكت وباوعلي صفح..

كال تتوقعين تسعدني..واكدر احبها..
شايل هم اورط هلبنيه الذهب ويايه..
لان اني مشاعري لانسانه..وحده..

بلعت ريكي..كتله اي ليش لا..
بعد هي مرتك..وتتعود عليها..

كال وذا متعودت ذنبي بركبت منو نبا..

كتله ايمن رجاءا ..والله ماكدر تعبت حملي ثكل..

كال ذنبي بركبتج..

بقيت هم ابجي بصمت بمكاني..
اجت فيرووز..
وصعدت..

ماخلصت دموعج نبا..

مو كافي..
ايمن حجي وياها من البارحه هيه
منامت بس تبجي..

يي كتلها شبيدي عليها..هواي حاولت اخلصها..
هي متقبل تطلع..من هلوضع..
وهسه فات الاوان..ماكدر اسوي شي..
من يحجي احسه يكطع وصل كلبي..

نبا..نتي..ليش مقبلتي بايمن..

ايمن حرك سياره ومشى..

كتلها ماعدي استعداد صدكي فيروز والا ايمن
ماكو بنيه ماتتمنا ..

مشينا ساعات وصمت يعم المكان..

وصلنا للنجف..والمكابر والناس..
اهناك تحس الدنيا صدك فانيه..
ومبقا احد بيها من كدما الكبور شكدددد.

حسيت نفسي اخ اني شسويت.
شون اقابل الله..عسويته بابويه..
الله شون وصا بلابوين..
وففف تقربنا وايمن سال..
صاحب المقبره..
وداله بمكان بابا..
طبينا..والهوا عالي..
كلت هاي تاليت البشر هنا..
اخ ربي..
بقيت اصيح وابجي..
وصلنا للكبر واني اقرا اسم بابا..
لي متخيلت يوصل هيج مكان..
وبسبب منو بسببي..
يرربي..
الله لايهنيك صهيب..
كعدت كعود..يمه..
واني امسح  عكبره..
بابا اجيتك..كوم..
كوم طردني اخ ربي..
مسحت اسمه بيدي..
بوويه صدك لو كالو الابو ياناس خيمه..
علبناته.وحريمه..
بابا محد وراك دارلي بال..
واني كتلك..
كوم يابا..اكتلني..اني امفروض نايمه بكبرك..
مو نته..ووفف..
بقيت الطم..وجيب تراب وهيل علراسي..
ولككمممم..كتلته مااات..
ايمن يريد يكومني..
واني تهسترت..
ايمن شوف شوف ابويه باوع اسمه..
سووده عليه شون مكتوب
ولك جان يجيب السم يخلي بحلكي..
ولك..اخخخ..زقنبووت سررطان..ماكو يربي..
اريد اموت..كمت انهش بتراب..
واعيط..
ايمن كال بس نبا..كافي..
مشي نروح..
حضنت الكبر..وكتله ماروح
ليله ابات هنا..للحكايه بقيه

حبايبي بارت هسه انزله واختملكم لان
ادري منتحملون تاخير😀

تدرون شكد اذاني هذا البارت شكد جريت حسرات
وقهر واني اتخايل الموقف والاصوات مو سهل تره😔
بناتي حبايبي ديربالج علابو والله مايتعوض 💔
متابعه شيقه