شروط الصداقه 😔😔

تكمله البارد الثاني

الشاب دحك على شفين وكال
.... اني اعتذر وحقكم عليه

رجوان... اشوفو بكل برود يحجي وهاي الثوله شفين بزور تحجي ويا عربي
رجوان... انت اكيييد مو صاحي جنت راح تموتنه اثنيناتنه وبكل بروده تعتذر منه..... بلكردي حجيت
ما اشوف غير رد عليه  خرب هذا طلع يفتهم كردي

الشاب لج انتي فعلا وقحه مو اعتذرت من حضرتج وكلتلكم حقكم عليه ورغم ما صار شي للسياره وحتى ما يحتاج تصليح

رجوان انت اشون تتجرء ترفع صوتك علينه

الشاب روحي من وجهي لا والقرآن ادفنج هينا

شفين رجوان حبابه امشي هذا الولد يبين عليه مجنون دحكي عليه اشكد ضخم والله راح يموتنه

رجوان يالله امشي
صعدت بالسياره دحكت عل الولد دحك عليه خزرتو هو زاد خزرني ومشينه وصلنه على بيت شلير دكيت الباب

شلير ولكم وين جنتو صارلي ساعه أخبركم ما تردون

شفين هسه خلينه نفوت وبعدين نحجيلج

شلير اوك

فتنه جوه مرحبا
.... مراحب
ام شلير... تعالو حبيباتي
.. شفين تسلمين خاله

شلير كعدنه ناكل واني ادحك على دلشاد ما نزل عينو على روباك اووووف منك يا دلشاد روح اعترف للبنيه وفضها مو طلعت روحي اوووووي هسه اني شعليه بيهم

كملنه اكل كلت البنات يالله نصعد فوك
... اوك
شلير يالله احجولي ليش اتأخرتو

شفين حجيتلها اش صار
شلير ولكم هذا فعلا واحد ما يستحي اشون يتجرأ يرفع صوتو عليكم

روباك وانتو سكتولو ونهزمتو منو اخخخ منكم
شفين لعد شنسوي انتو ما شفتو اشكد ضخم ويخوف
رجوان لا وبكل صلافه يخزرنه
شلير اخخخخخخ منكم ما عرفتو اسمو أو أي شي يدلينه عليه

روباك لو بس اعرف منو هذا والله الا اموتو واحسب الله ما خلقو اخخخخخخ
شفين يا جماعه يمكن روباك حمت زياده

الكل هههههههههههههههه
ضلينه لي العصر ابيتنه شقه وضحك وبعدين طلعنه افترينه بسياره رجوان لي ساعه 8 ورجعنه علبيت جيت اشوف الكل كاعدين يتعشون
شلير سلاااااام
..... هلو
اتعشيت وياهم وصعدت على غرفتي اتصفحت بالإنترنت وبعدين نمت

هلو راح اعرفكم على حالي اني كرار من بغداد عمري26 سنه محامي اني عندي ثلاث اخوان حيدر عمرو 25 سنه وخالد عمرو 30 متزوج وعندو ولد وبنت و عمر عمرو 17 سنه وعندي اختين شمس 29 سنه متزوجه و فاديه عمرها 18 اهلي ساكنين  ابغداد بس اني ساكن بدهوك لأن شغلي هينه  مواصفاتي اني طويل واسمر وجسمي معضل وعندي غمازات وعيوني كبار وسود الكل يخاف مني ويحسبولي الف حساب.

كعدت الصبح متأخر على الدوام ركضت عل حمام سبحت ولبست ملابسي صعدت بالسياره واني وبطريق صديقي خبرني جنت احجي ويا والمبايل وكع من أيدي اني زاد نزلت اي دا اجيب الموبايل ماشوف غير انضربت بسياره بس مو كلش قوي نزلت جانو بنتين اعتذرت منهم ما اشوف غير وحده منهم ضلت اترزل بيه وترفع صوتها واني بحياتي ماكو مره رافعه صوتها عليه جنت اريد اشبعها جتل بس اتعوذت من الشيطان حجيت عليها ما اشوف غير  صديقتها تحجي وياها بصوت ناصي اشوفهم مشو صعدو بالسياره وهيا اتباوع عليه وتخزرني اني زاد خزرتها وصعدت عل سياره ورحت  عل محكمه هم زين ما تأخرت.......... للكاتبه صمود......

حبايب اتمنه تتفاعلون لأن إذا ماكو تفاعل راح يتوقف النشر واتمنه من اليقرء القصه يصوت وشكرا